|
|
الف الحمد والشكر لك يارب…
الجور… قصة حملى وولادتى… رى…
الحمدالله اللى اكرمنى وحملت بعد معاناة من الاجهاضات وتمم على حملى اللى كان معاناة والحمدالله على كل حال…والحمدالله اللى رزقنى بولدى وحطيته بحضنى…
حمالى…
كان ماساة بالنسبه لى…من كثر الاجهاضات اللى كرهتنى بشى اسمة حمال…
وكنت اتوقع باى بلحظه انة مايتم…بس…الحمدالله ربي مارد دعائى وثبت حملى اللى كنت ادعى انى ادش السابع بس…ماكنت متخيله اوصل السابع…ودشيت السابع وحمدت ربي…ودشيت الثامن وسجدت لربي شكر…ودشيت التاسع…
ولادتى…
قبل ولادتى بيومين دكتورتى انكسرت ايدهاوكلمت حق بقولها فيها كانت لى اخت مو دكتورة
عسى ربي يشفيها…
ودقت على وكانت تحاتينى وقالت لى اختارى مابين
امل عبدالعزيز وخالدة مجيبيل وفاطمة الكندرى…
لانى مابي دكتور…
وتوكلت على الله ودقيت وطلعت بوجهى سكرتيرة د فاطمة الكندرى…
وقلت لها تستقبلنىقالت اى ليش لا…وعطتنى رقمها…
المهم
الجــــــمـــ 4/9/2009 ـــــــعة…
قعدت الساعه 4 العصر والا عزكم الله تنزل على افرازات واجد تكرمون ماوقفت
وقلت لاختى وقالت بعد الفطور خل نروح المستشفى بس نفحص
ورحنا والا الدكتور الغبي يقولى هاذى افرزات؟؟
شكو افرازات واهى مخاط الولاده؟؟
ولمن رجعت من المستشفى قلت خل ادق على الدكتورة فاطمة واقول لها…
والله واعرفها على واقولها عن اللى ينزل على…
وقالت امشي وان زاد تعالى الطوارى واطلبينى…
وماكذبت خبر رحت البحر ومشيت على ترابه ساعتين
وجانى عوار…وقال زوجى يالله نمشي…وانا خفت صارت الصجيه…قلت خلها باجر…
هههه
المهم رحنا طوارى رويال حياة وفحصتنى لقتنى 3سانتى…
ودقو على دكتورتى وكلمتنى فديتها وقالت يالله توكلى على الله قلت شنو قالت ولاده…
كثر ماكنت انطر هاللحظه خفت…
وودونى الميموسا وعطونى الحقنه اللىلاتعليق…
وعلقولى دريب هالحجى الساعه2وقالولى الساعه 7بتجى الدكتورة فاطمه…
قلت شنو؟شكو 7 هنى خفت والله ماصارت 3الا داشه على اهى ولابتوبهافديتها اول شوفه لى لها الحمدالله ارتحت لها حيل وقالت يالله ببط الماى قلت اوكىلاحول ولا قوة…
وعلقت لى دريب طلق صناعى…
نص ساعه واشتغل على العوار وقمت اصارخ وحطت لى الكمام
شعور موطبيعي حسيت انى طايرة بعالم ثانىوجتنى الدكتورة قالت تبين ابرة الظهر قلت الكمام يغنى؟
قالت خلينا نجرب ان شفتج محتاجه ابرة بعطيج…
والف الحمدالله ماخذيتها بس صوتى المستشفى كلها سمعته…
ههههههههههههههههههه
واول ماطلع ولدى لميته وبس مااذكر اى شي بعدها…
حتى الخياط ماذكرة وصج كنت اقعد وانام وانام واقعد كانه حلم احس بالعوار وماحس…
بصراحه
الحمدالله انى حسيت بالولاده…
واتمنى من البجر تاخذ بس كمام…
والولاده الثانيه كيفها…
لان الولاده شي موطبيعي الم الولاده واحساسها
ونمت ماقعدت الا وامى يمينى فرحت من كل قلبي قلت يمة كانى بنت ام سنتين اول مرة تشوف امها
تمنيت المها وقمت ابجى مانى مصدقه ولدت الحمدالله…
وطبعا كنت ماخذة الكاميليا واستقبالى كان روعه والاروع ولدى حسيت انى عروس بفرحتى…
وطبعا هاللحظه 6سنوات كنت انتظرها…
والحمدالله اللى فرح قلبي ورزقنى…
ويارب تهون على كل حامل… وترزق كل محرومه يارب…
وللامانه رويال كثر ماذموه كنت خايفه منه بس روعه على عنايته شويه…
والدكتورة فاطمه الكندرى بس كانت تسمى وتهبل وانا مو مريضتها حيل اهتمت فينى
جزاها الله الف خير…
وتجمعى تجمع 7و8و9احلى تجمع قضينا ايامنا فيه بحلوها ومرة
فديتكم والله كلكم ….. بدون ذكر اسماء … احبكم مووووووووووووووووت
انا بعد استغفر الله اجهضت من قبل مرتين و قاعده احاتي الي فبطني احين بس كل ما دش اسبوع يديد احمد ربي
و الله يثبت حملي ياااااااااااارب
ويتربى بعزج
تشوفينه معرس
والله غورقت عيوني
