الجمعية الكويتية لأولياء أمور المعاقين .

السلام عليكم حبيباتي اليوم انا رحت حق الجمعية الكويتية لأولياء أمور المعاقين عشان اسجل عضوية معاهم وصادف كانت هناك رئيس مجلس الادارة الاخت رحاب بورسلي ماشاءالله قعدت معاها وسولفنا عن اعاقة بنتي وشلون كلهم مستفيدين من بعض وعلى فكرة هي عندها عيالها 2 فيهم اعاقة صعوبات تعلم وبوسط الدردشة تكلمت عن منتدانا وشلون قروب ذوي الاحتياجات قلبنا على بعض وعن موضوع مشواري وااايد حبت الفكرة ومانسيت اني اقولها انه الحين في فكرة انه احنا نتجمع في مكان معين عشان نتعرف على بعض ونتناقش بامور عيالنا وهنا كانت المفاجاة …. قالتلي انا ما عندي مانع انه يكون لقاءكم بجمعيتنا واخذوا راحتكم طبعا انا شكرتها بالنيابة عنكن جميعا والحين اطرح عليكم الفكرة شرايكم نتلاقى بيوم هناك والمكان بكون لنا بروحنا طبعا بعد اذن مشرفتنا الغالية الصابرة انتي قرري واحنا علينا التنفيذ وكله في مصلحة حبايبنا

اقتباس:

المشاركة الأصلية كتبت بواسطة مباركيه بصراحة فكرة حلوة وان شاء الله احنا ناطرين قرار الست الناظرة مشرفتنا الغالية الصابرة وجزاج الله خير يا بنت الكويت 1

هلا اختي مباركية انشاءالله توافق الست الناظرة ويكون لنا لقاء شهري بالجمعية وبصراحة الاخت رحاب وايد تفاعلت واستانست وعطتني رقمها عشان ابلغها بالموعد

اقتباس:

المشاركة الأصلية كتبت بواسطة omsaad السلام عليكم ، ابي اكون عضوه في جمعية اولياء امور المعاقين اشلون؟؟؟

هلا حبيبتي العضوية سهلة جدا تروحين عندهم ومعاج الاتي :
شهادة اثبات الاعاقة
هوية المعاق
شهادة ميلاد المعاق
البطاقة المدنية حقج والمعاق
صورتين شخصيتين حقج
25 د.ك قيمة العضوية لعام كامل وكل سنة تتجدد ، وسلامتج حبيبتي
وطبعا روحهم وايد حلوة واللي شفتهم كلهم اما عندهم معاقين بالبيت او ثلاثة يعني ناس مسخرة نفسها للعمل التطوعي والانساني وبعد محد يساندهم من الحكومة البيت اهم ماجرينه على حسابهم وانشطتهم من تبرعات اهل الخير وحياج معانا حبيبتي

اقتباس:

المشاركة الأصلية كتبت بواسطة بنت الكويت1 هلا حبيبتي العضوية سهلة جدا تروحين عندهم ومعاج الاتي : شهادة اثبات الاعاقة هوية المعاق شهادة ميلاد المعاق البطاقة المدنية حقج والمعاق صورتين شخصيتين حقج 25 د.ك قيمة العضوية لعام كامل وكل سنة تتجدد ، وسلامتج حبيبتي وطبعا روحهم وايد حلوة واللي شفتهم كلهم اما عندهم معاقين بالبيت او ثلاثة يعني ناس مسخرة نفسها للعمل التطوعي والانساني وبعد محد يساندهم من الحكومة البيت اهم ماجرينه على حسابهم وانشطتهم من تبرعات اهل الخير وحياج معانا حبيبتي

طيبا شنو امتيازات التسجيل في هذه الجمعيه ؟ يعني اعيالنا راح يستفيدون شي؟؟؟؟

اقتباس:

المشاركة الأصلية كتبت بواسطة بنت ابوها70 طيبا شنو امتيازات التسجيل في هذه الجمعيه ؟ يعني اعيالنا راح يستفيدون شي؟؟؟؟

وش سؤال يحوس بقلبي لان انا ما اشوف اي انشطه او اي تغير لنظره المجتمع و لا وعي من الجمعيه كل اللي اشوفه بالتلفزيون انتخاباتهم

اقتباس:

المشاركة الأصلية كتبت بواسطة emanova وش سؤال يحوس بقلبي لان انا ما اشوف اي انشطه او اي تغير لنظره المجتمع و لا وعي من الجمعيه كل اللي اشوفه بالتلفزيون انتخاباتهم

ياحلاتج يمكن فيه نقص بالكوادر أو مافيه تطوع من الأفراد اللي يبون صج يثقفون المجتمع ويغيرون النظرة السلبية لعيالنا.

اقتباس:

المشاركة الأصلية كتبت بواسطة الصابرة المحتسبة هههه ياحلاتج يامباركية مستانسة عساه دوووم

ماعليج زود ياالغالية الحلا عندج وشلون ماأستانس وانا حبيتكم من غير ما أشوفكم وان شاء الله لي شفتكم وشفت عيالكم بحبكم اكثر