التهاب الكبد الوبائي والوظيفه

السلام عليكم

بنات بنت اخوي فيها التهاب بالكبد الوبائي ب بس خامد مو نشط وتوه قبلوها الديوان وهي جامعيه ولحد الان ماسوت فحوصات للوظيفه اذا سوت فحوصات وبين معاها الالتهاب يصير تتوظف او لا حرام المسكينه تحاتي تخاف يكتبون غير لائقه صحيا تكفون بنات فيدوني منو تعرف احد فيه الالتهاب ومتوظف عادي وشكرا

اتوقع عادي لان هالمرض نفس السكر المريض يتعايش معاه وما يمنع من العمل

يارب يشفي اختج. اختي بكتب لج رد بالخاص واقريه

يارب تشفيها وتشفي كل مرضا المسلمين يارب

جروح ودموع

مشكووره

طالبه مصدومه

اللهم اميين انتظرر رسالتج عالخاص ماوصلتني

ام مهاوش

امييين مشكوووره

اتوقع عادي تتوظف لانه في نااس وااايد فيهم الالتهاب هذا بس ماطعمو اهو ينتقل عن طريق تنظيف اسنان او نقل دم او عمليات جراحيه والايام هذي نسمع فيه واايد والله يشافيها ويشافي كل مسلم يارب

ان شالله البنات يفيدونج اكثر

الله يوفق اختج و انا اعرف وحده فيها هالمرض و خامل مو نشط متوظفه و لا اكتبو لها غير لائق و لا صار لها شي

أتوقع ماله علاقة بالتوظيف …

الله يشافيها يارب

من شروط التوظيف حسب ماسمعت الخلو من الامراض المعديه واختبارات الفحص تشمل فحص الايدز وفحص الكبد الوبائي بس هل المقصود فيه النشط ام الخامل والله يشافيها انشالله

انا فيني التهاب كبدي و خامل مثل بنت اخوج
و توني متوظفة بوزارة الصحة و سويت الفحص و عادي كملت اوراقي و خذيت مباشرة عمل

عادي أنا فيني بعد وكل خواتي فيهم نفس هالفايروس الخامل وهاذا من ردا وزارة الصحة الي ما بلشت التطعيم ضده ألا متأخر وايد

مع أنه في الأمارات كانوا يطعمون الناس ضده من الثمانينات .

ومن ناحية التعين في بعض الوظايف بس مثل التمريض يمنعون أما الوظايف الباقية مسموح وأنا وخواتي كلنا متوظفين مع أنه فينا.

أتمنى نفتح تجمع بالمنتدى للمصابات بها الفايروس الخامل وأعتقد نسبة كبيرة في الكويت مع العلم

أنه فايروس خامل وماله أضرار وأحتمال تحولة لنشط نادر جداً .

زين شنو الاسباب اللي تسبب هذا الفيروس الخامل وليش فيكم من صالونات التجميل ولاشنو بالضبط

يارب تشفيها وتشفي كل مرضا المسلمين يارب