|
|
بنات انا محتاجه مساعدتكم لو سمحتوا ..
منو فيكم سوت التلقيح الصناعي ؟؟ ابيكم تكلمون عنه لان ما عندي خلفيه كلش عن هالموضوع
..
شلون الطريقة ( خطوات التلقيح ) ؟
اي يوم يسوونه ( من بعد انتهاء الدورة ) ؟
ليش يسوونه ؟
احسن دكتور او دكتورة لاجراء التلقيح ؟
جم تكلفته ؟
احسن مستشفى؟
راح احس بألم ولابدون ألم ؟
تحتاج العمليه دخول الى المستشفى ولا لأ ؟
التلقيح الصناعي يكون مع كلوميد ولا بدونه ؟ ( لان دكتورتي قالتلي الأثنين وانا الصراحه استغربت ) !
جم نسبة نجاحها ؟
أقدر امارس حياتي الطبيعيه بعد التلقيح ؟
أدري أسئلتي وايد وسامحوني ، والي عندها فكرة او خلفيه عن الموضوع او تجربة تقول الي عندها عشان انا والكل نستفيد
اختى ام على انا ماعندى خلفيه عن التلقيح الصناعى بس اعرف وحده سوته ومانجح
وانشالله البنات يفيدونج ازيد وانشالله اتبشرينا هالشهر انج حامل اميييييييييييين
يابنات المنتدى انتظر ردودكم ولاتبخلون علي بلي تعرفونه 
التلقيح الصناعي يسوونه في حالات ضعف او بطىء حركة الحيوانات المنوية…….
يعطونج على حسب كلوميد وابره تفجيرية او ابر اذا ماتستجيبين للعلاج…… لم توصل البويضة حق الحجم المطلوب في اليوم 13 يسوولج تلقيح وهو ان ياخذون الحيوانات المنوية من الزوج وينتقون الصالح منها ويضعون لها دواء تسرع الحركة ثم يضعونه في انبوب مثل الابرة الطويلة
بعدين تحطلج الحديدة اللي تستخدمها في عملية اخذ العينات للكشف عن الافرازات المهبلية وتضع الانبوب في الرحم وتقوم بتفريغ الحيوانات بالرحم حتى يسهل عالحيوان المنوي تلقيح البويضة
وماراح تحسين بعوار جنه فحص عادي
والله يسهل عليج وتحملين
بس ازيد عليها ان عادي ممكن تسوينه بدون كلوميد اذا كان تبويضج طبيعي وريلج اهو اللي عنده مشاكل بالتلقيح
والسعر يتراوح بين 80 الى 110 دينار بحسب كميه الادوية اللي تعطيج اياها … لأن التلقيح بروحه بدون شي 30 دينار للمحاوله الوحده واهمه يعطونج على يومين يعني 60 دينار
وما تحتاجين انج تقعدين بالمستشفى بس بمجرد ما تسوي لج العمليه واللي ما تاخذ منج الا 5 الى 10 دقايق بالكثير
وتخليج منسدحه حوالي نص ساعه ما تتحركين وبعدين عادي ترجعين البيت وتمارسين حياتج عادي
بس الافضل انج ما تتعبين روحج وايد … يعني قللي حركتج بعدها
وبالنسبه للدكتورة الاحسن ..
في وايد دكاتره ممتازين انتي اختاري اللي ترتاحين لهم
بس الدكتورة ماجده اليتامى ما انصحج فيها لأنها تعلب لعب بأدوية التنشيط
انا ريلي ما عنده ضعف الحمدلله ، وانا كنت طبيعية بحمالي الأول والثاني ، ولدي عمره سنتين ونص ماشاء الله والثاني اجهضته بعد شهر .
بس الحين لما سويت تحليل التبويض طلعلي 1.78 يعني حده ضعيف وقالتلي الدكتورة راح تسويلي تلقيح صناعي مع الكلوميد
وادعولي ان التلقيح ينجح وربي يرزقني الذرية الطيبة الصالحه وافرح قلب ريلي آميييييييييييييييييييين
ويرزقج ربي بالذرية الصالحه
الله يوفقج ويرزقج ان شاء الله
ولا يضيع تعبج
سويتي التلقيح ولا بعد ؟؟
دعواتكم بنات
سنفورة حبي ما قصرتي يالغاليه