التعليم العالي !!

السلام

شخباركم بنوتات ؟

بدش بالموضوع على طول

انا بكمل دراستي قالولي عن مصر انها سهله !!! يقولون اكو جامعات انتساب بس سمعت انه مو معترف فيهم !!!!
انا عندي دبلوم محاسبه امتياز وحدييييييييي ودي اكمل !!

منوووو تشتغل بالتعليم العالي وتشوف الجامعات اللي بمصر او البحرين ؟ بصراحه ابي جامعه سهله !!!

ويااااااااريت لو تعادلي السنتين ملوت المعهد يعني اكمل بس سنتين او سنتين ونص ؟؟؟

وين القى جذي جامعات؟؟ مو مهم انه بمصر !!

اتمنىىىى اي وحده عندها معلومات عن هلموضوع تساعدني

ويزاكم الله خييييييييير وانشالله ماتقصرون وياي

باي

حبيبتى ممكن ادقين على مركز الخليج للجامعات راح يفيدج
اهو عنده فكره عن التسجيل لجامعات مصر .. الاردن.. الامارات .. البحرين كل مكان تقريبا
وممكن اتكملين بجامعه الكويت بعد

وراح يسجلج والمركز معتمد من قبل التعليم العالي وراح ايبلج جامعات معتمده
رقم المركز
2491171
9864981

مكتب حسنى كامل … مكانه عماره الاسماك مقابل الرايه ابشارع التلفونات نفسه اخذى اوراقج وروحي بس تاكدي انه حسنى موجود مو مسافر قبل لا اتروحين لانه اهو الى عنده فكره عن كل شي

والله يوفقج حبوبه

عزيزتي سحليه ..

اتوقع لو انتي تروحين بنفسج للتعليم العالي افضل ..

عشاان تعرفين الجامعات الممكن الانتساب لها او الدراسة فيها حسب التخصص ..

وايضاً عشان تشوفين المواد اللي يعادلونها لج ..وطريقة الدراسه والقيد ..

موفقه مقدماً…

مكتب حسنى كامل عنده فكره عن الموضوع اكثر … وممكن يسويلج معادله بس عطيه الشهاده

مشكووووره بيرل ماقصرتي لازم ادق عليهم عشان ارتاح

اوركيد ماقدر اطلع من الدوام صعبه واذا قدرت اطلع الساعه 1 مايمديني و دوامي بعيد عن شرق !!!

مشكورين

استأذني من دوامج اختي .. أو اخذي مرضية .. لأن الروحة اهناك احس احسن من التلفون ..

و انتي براحتج ..

سجلي عندج الجامعات الممكنة و درسيهم عدل .. و موفقة اختي .. الله يسهل عليج امور

بس اهم شي انج تروحين او تكلمين التعليم العالي .. اهمة اللي عندهم المصادر الاكيدة و كل شي .. عشان ما تدرسين و يضيع عليج ..

وييييييييييييييييي خنقولكم !!!
امس رحت مركز الخليج وحسني كامل مو موجود مسافر فيه واحد اسمه حازم
المهم … يقول اكو بالبحرين جامعه تعادل الدبلوم بسنه يعني اكمل 3 سنين وكل شهر اروح ويك اند بس مره وحده والكورس بـ1000!!
قتله اسالي عن جامعه المنصوره لاني انا شايفه قبل جم اسبوع التطبيقي حاطين اعلان انهم توهم تعاونو معاهم وانتساب يعني بالسنه اعتقد بس اروح على اخر شي اقدم امتحانات وارجع تقريبن شهر!!
قالي يوم السبت اردلج خبر لمن ايي حسني

الله يكتب اللي فيه الخير انشالله
ومشكورين

و عقب ما تخلصين من مركز الخليج روحي كلمي التعليم العالي و تأكدي انه هالجامعة معتمدة شهادتها بالكويت . عشان تتطمنين ..

اي لالالالازم بعد مالي خلق ادرس وبعدين يطلعون خواره!!
بعد عمري د.هبي والله انتي وياي عالخط ماقصرتي

موفقه حبوبه … بس لا تبردين تحركى واذا انتى اداومين حجزيلج مقعد من الحين حق السنه اليايه كلمى وزارتج

حتى انا والله ودي اكمل
وودي بمكان يعادلونلي السنتين الي درستهم
مالي خلق اكثر من 4 سنين
فياريت اختي توافيني بآخر الأخبار وشصار ماصار
ومشكووورة

بيرل … مافهمت ؟ قصدج اجازه دراسيه ؟ ياليت توضحين ومشكوره

مزهريه .. انتي متخرجه من التجاري ؟؟ متى متخرجه اذا سنه 2024 وتقديرج امتياز تقدرين تكملين بالعلوم الاداريه 3 سنين ونص .. والله يوفقج انشالله
وعلى جامعه مصر يوم السبت يردلي خبر واقولج

من التجاري و2004
بس جيد

وابي اروح البحرين او حتى هني بالكويت
اي مكان المهم اني اكمل

كنت اقصد اذا انتى تشتغلين بوزاره لازم تكتبين كتاب لمسؤلج المباشر ومنها للمدير العام تطلبين تكملين دراسه عرفتى والمدير يكتب كتاب للوزاره … ولازم عشان تطلعين يكون اسمج مدرج بالخطه السنويه فمن الحين سوى اوراقج حق السنه اليايه حجزى مقعد بخطه السنويه للسنه اليايه حق وزارتج … وسالى الشئون الاداريه عندكم اهم ادرى … انتى اب اي وزاره ؟؟ يمكن افيدج

مزهريه…اذا السنه اليايه طبقو المعهد التجاري 4 سنين كملي؟؟

اها فهمت !! وانا قلت خنشوف وين اكمل وبعدين اقدم اجازه دراسيه واخاف مايصير لانه صارلي سنتين متوظفه قالولي اخذ اجازه بدون راتب ! فمادري لاني توني ماسالت الشئون الاداريه!!!
اللي افهمه من كلامج انها يبيلها مده على مايوافقون عليها ؟؟؟؟؟؟؟
انا بديوان الخدمه المدنيه !