التسامح حلو

السلام عليكم

انا فضلت احط الموضوع بالعام مو بقسم القضايا الاجتماعية وياليت ما ينقل ابي الكل يشوفه

يا بنات انا بقولكم نصيحة لوجه الله والله ثم والله اني انصحكم مثل خواتي

حنا كلنا بشر مو معصومين والكل يغلط مرات عن غير قصد ومرات مايكون حاسبها ومرات تطلع عفوية وسبحان الله بعض الاحيان نتحسف على شغلة سوينها او كلمة قلناها بس صار اللي صار مافيه شي يصلح المكسور ولا نقدر نرجع بالزمن نغير تصرفنا

انا بقولها نصيحة عامة وبنفس الوقت بوصل رسالة للكل ياليت نتعض

حنا شنو ماخذين من الدنيا بالله ليش الزعل بنات والغرور والتكبر على الناس لا والادهى والامر لما يكون على لحمج ودمج شلون الواحد يطاوعه قلبه يهجر اخوه بالايام والاشهر ولا بالاسنين عشان كلمة
كلنا نغلط ترا بس الجمل ما يشوف عوجة سنامه ما نشوف اغلاطنا ونشوف اغلاط الناس

ليش ما نعامل الناس باخلاقنا مو باخلاقهم لو تغلط عليج وحده التمسي لها العذر وانسي خلي قلبج ابيض صفي نيتج وكلي امرج لله صدقيني بيوفقج

ترا الدين مو لحية ولا بوشية الدين معاملة قبل لا يكون مظهر والله اني شفت ناس الله ربنا وربهم يصلون ويصومون ويقومون الليل بس شالفايدة اذا تعاملها جاف مع الناس وتتصيد

احلى صفة بالانسان التسامح لو احد يغلط عليج خلي قلبج ابيض وطوفي محنا ماخذين من الدنيا شي اطلعي منها على الاقل مظلومه ولا انتي ظالمه

خلوني اعطيكم مثال بسيط انا قبل مدة صارت زعله بيني وبين زوجي وطلقني طلقه اولى ورحت بيت اهلي طبعا الموضوع بيني وبينه يعني مو من مشاكل اهل تخيلوا بعد مدة رحت لجمعة حريم جان القى مرت حماي كنت انا جايه قبلها فشي طبيعي اقوم اسلم عليها من عرض الحريم اللي قاموا سلمت على الحريم يوم وصلت عندي جان تطالعني بنظرة من فوق لي تحت وتعديني وانا مابيني وبينها شي كلش بس عشان تزعلت انا ورجلي كانت متوقعه بتكسب اهلي زوجي اذا سوت هالحركة لو وحده غيري جان زفتها خلتها تتحسف وانا معاي حق لو اتكلم لانه ماجاها شي مني شكو تزعل بس سكت وبعد مدة شفتها بمكان ثاني كنت انا جايه وهي قاعده سلمت يوم وصلت عندها جان اوقف على راسها قلتلها فلانه مو ناويه تسلمين انصدمت جان تعطيني رقبتها مثل اللي مو مشتهيه تسلم علي وطوفتها وعادي ماشلت بقلبي

والله يابنات اللي قلبه ابيض وما يشيل على الناس الله يوفقه لو ما شافها بالدنيا يشوفها بالأخرة

وعيد الله فرصة اللي زعلانه من وحده ولا غلطانه عليها سواء كنتي غلطانه او هي غلطانه اقصري الشر وصيري احسن منها واحتسبيها عندج
ربج الله بيرزقج على قد نيتج مو لازم تنتظرين اعتذار ارسلي مسج عايديها وانتي لج الاجر لو صدتج

والله الله بأرحامكم ترا قاطع الرحم الله ما يوفقه لو ايش ما كان خلونا نعيش بسلام وكل عاااام وانتوا بخير والله يصفي نفوسكم ويجمعكم بأحبابكم بجنة عرضها السموات والأرض قولوا آمين

(ليتج بس تغيرين لون الخط وتخلينه اغمج)

ومشكورة حبوبه

نو وي غيرته لعيونج

وعلى قولتك ماراح ناخذ من الدنيا شئ والله القلب الابيض نعمة وانا دايم ادعي ربي لاتجعل في قلبي غل على احد ولاتجعل في قلب احد غل علي

تسلمين الغالية على النصايح الحلوة

اقتباس:

المشاركة الأصلية كتبت بواسطة Miss Cherry حياج فيوليت نو وي غيرته لعيونج

مشكورة حبيبتي

تسلمين على الرد