|
|
فيني حجوه من زمان خاطري اقولها في هالقسم وياريت البنات يتقبلون رايي بصدر رحب
طبعا راح احط رايي في موضوع ثاني بخصوص التكميم وغيره من عمليات توني كاتبته وراح اضيف عليه
ليش محد يذكر الاثار الجانبيه على المدى البعيد للعمليات
الوحده لو بتتبرع بكلتها لشخص عزيز عليها تقعد توسوس شلون بتعيش بكلى وحده طول عمرها
شلون الناس تجازف بقطع جزء كبير صااحي من معدتها وناس مريضه تعاني من التهاب وتقرحات وتتمنى الصحه
اعرف اشخاص وزنهم وصل لل 130 وقدرو ينزلون خمسين واربعين كيلو
الحين اي افضل :
التكميم انه يمشون على نظام غذائي لمده سنه ونص بعد العمليه عشان نزول الوزن الغير مرغوب ويصاحبه شحوب وتساقط الشعر والترهلات
او رجيم غذائي لمده سنه ونص وتخسرين الكيلوات الغير مرغوبه وبكامل صحتج مع الحفاظ ع جسم وبشره صحيه وبلا تكاليف بالنهايه
اتمنى انه الي تفكر تسوي هالاشياء تفكر مليوووووون مره في المستقبل
هل تعتقدين انه جسمج الي الله خلقه باحسن صوره قادر على انه يؤدي الوظائف المطلوبه في العشر سنين الي جدام وانت بربع معده >> واقري اهميه المعده بالجسم
يعني فوق الاذى الجسماني والمادي بعد قصرتي عمرج بيدج
ترا جذي جذي اذا تبين تضعفين لازم تسكرين حلجج بالعمليه غصبا عليج ودونها برضاج وانتي مستانسه >> اي افضل
الي قاهرني زوود فيه بنااات اوزانهم بالثمانيناااات ويبون يسون عمليه
انزيين ليش لهالدرجه ماعندج اراده
ترا انا والله ماعندي اراااده بس قاعده ابتدي من الصفر احاول اغير نظامي الغذئي شوي شوي واسوي رياضه
مو مهم عندي فلانه قالت لي متنانه او متى بتضعفين
المهم عندي نفسي هذي حياتي انا بعيشها بكيفي
صحيح السمنه تخرب النفسيه وااايد
بس والله ثم والله الصحه ما تنشرا بثمن
وتوني من جم شهر جايفه وحده بالعشرينات مسويه عمليه وانشلت تتخيلون اجوفها عالكرسي المتحرك وهيا بنت من عمري
ما استانست بحيااتهاا
البنت الي تحب نفسها تدور سعادتها بالطرق الي هيا تبييها مو الناس تبيها
لمن تسوين رجيم ورياضه وتنزلين نزول معقول وانتي بصحتج هني انتي تحبين نفسج او ماعرضتيها للعمليات وللمخاطر
اعتقد انه اغلب الي يلجأون للعمليات ناس تتاثر بكلام الاخرين بشكل كلي .. يعني فلانه يت وقالت لها متنانه وفلانه ثانيه تقول لها متى تضعفين هيا بسرعه تنهار نفسيا وتدور اسرع الحلول عشان تبط عيونهم وتقول لهم انها ضعفت بس للاسف نست انها اهدرت صحتها وركضت ورا هدف استخدمت فيه وسيله ترضي الناس وما ترضيها
حبيبتي حطي لج هدف للوصول للوزن الي تبينه
العمليه تجبرج انه تسكرين حلجج وتمشين ع نظام غذائي لمده سنه ونص
انتي بدل كل ذي حببي نفسج بالرياضه وخففي اكل بالبدايه لين ماتقدرين تسوين رجييم وخلال هالسنه ونص جوفي الانجاز الي حققتيه وانتي بكامل اعضائج وصحتج
بس شذنب البنت اللي تكون شهيتها مفتوحة ع الأكل ٢٤ساعه نفسي بالضبط مو قادره تصكر حلجها وفشلت بالريجيمات وانا توني بنت ما تزوجت ولقيت الحل النهائي بالعمليه عشان اعرف شلون اضبط نفسي بالاكل وما عندي مجال أني اخربط يمين ويسار
وأشوف قدام عيني بنات بعمر الزهور واوزانهم أوفر يكسرون فاضطروا يسوونها واهم بالأصل مرضى اللي فيها غده واللي فيها سكر الله يكافينا الشر
بس شذنب البنت اللي تكون شهيتها مفتوحة ع الأكل 24ساعه نفسي بالضبط مو قادره تصكر حلجها وفشلت بالريجيمات وانا توني بنت ما تزوجت ولقيت الحل النهائي بالعمليه عشان اعرف شلون اضبط نفسي بالاكل وما عندي مجال أني اخربط يمين ويسار
وأشوف قدام عيني بنات بعمر الزهور واوزانهم أوفر يكسرون فاضطروا يسوونها واهم بالأصل مرضى اللي فيها غده واللي فيها سكر الله يكافينا الشر
في اشياء ثانية آمنة
في الحلقة .. و جدا آمنه .. ناسبتج زين ..
ما ناسبتج بسهولة تنشال .. و بدوووووووووون جراحة
البالون هم آمن و اذا ناسبج زين واذا ما ناسبج تنشال بسهولة
و هم بدووووووووووووون جراحة .. !!
ألف شكر عالموضوع حبيبتي
بس اذا قص المعدة فيه امراض و ان الصحة غالية وماتنشري
هم السمن أأأأأأأأأأأأأأأأأم الأمراض ..
كفاية النفسية الشينة اللي اتييج من ورا السمنة
و النفسية سبب رئيسي في كل الأمراض
و عقب اتييج السكري و الامراض اللي سببها لشحوم اللي في الجسم