|
|
مرحبا بنات المتفوقين والشطوريين بما اننا ببداية الكورس ابيكم اتساعدوني
انا يا بنات معدلى 2.12 وحابه حيل حيل حيل اتفووق واوصله 4نقاط 3نقاط تكفوون ساعدوني يمكن طريقة دراسستى غلط لان دايم اشد حيلي وانصدم من قريد الدكتور كله يعطوني سي بي ما ينس
.gif "Eh S(2)")
حابه يقوووول لى يا فرحه ما تمت امتياز مع مرتبة الششرف
علما انى مخلصه 31 وحده دراسيه وقالو لى مالج امل يرتفع .gif "Eh S(1)")
ساعدوني وعطوني طرق دراسيه صحيحه ؟؟ ونفس الشي بحوثكم ابى طريقة البحث الصحيح عشان ما يتفلسف الدكتور ع راسسي.gif "Eh S(16)")
بلييييز بنااااااات ابى اسسوي انجااز بحياتى واتفوووق .gif "Eh S(11)")
ومشكورين .gif "Eh S(22)")
وآآآآآآآب لعيوووووووووونج
شي مهم عليه درجات وما راح تفهمين اللي طافج اذا غبتي
حاولي تشاركين بالمحاضره واثناء الشرح اذا عندج اي سؤال التتردين تسألين الدكتور عنه
لانه راح يكون سبب لثبات المعلومه بمخجج و بعد ركزي على اختبار الفاينل يبي فيه 50 درجه كامله حاولي يعني
لانه اغلب البنات يشدون حيلهم طوووووووووول الكورس اخر شي يخرطونها على امتحان الفاينل لانهم ضامنين االخمسين درجه اللي بيد الدكتور عرفتي علشان تجيبين اي لازم تكملين صح لي الاخررررررررررر
واذا في اي نوت على اللوح كتبيه واذا الدكتور يخطط خططي معاه او اذا يلخص هم حلووو اول ما تردين البيت ريحي
شووي وحاولي تدرسين اللي خذيتيه اما بالفهم او الحفظ علشان تثبت المعلومه واتوقع على جذي بتحصلين فل مارك واللي
يقولج ما يرتفع المعددل لا انتي حاولي تو الناس يبي لج دبل وحدات علشان تتخرجين يعني حاولي تجيبين اي وراح يرتفع المعددددل
وبسسس
بالنسبه للبحوث تحبين نسوي لج بحوثنا مضمونه مو اي كلام ولا من قووقل كوبي وبست احنا مصادرنا كلها موجوده والبحث مستحيل يتكرر مرتين …
واذا تبين اشرح لج البحث لما تسوينه ركزي على طلبات الدكتور تختلف من دكتور الى اخر .
اولا لاتخلين مصادرج مكان واحد نوعي بالمصادر ويا حبذا لو تضيفين كلام من عندج
اعتمدي على الكتب اكثر لانها ماتكون بالنت ونادر تلقينها وضيفي تعديلات بسيطه عليها من النت ولاتنسين المقدمه والخاتمه مهمين جدا وكل بحث لازم تحطين فيه مراجع و ركزي على الموضوع لاتطلعين خارج الموضوع ….
وطبعا شكله لازم يكون حلوو ومرتب ومنسق ملوون بدون مبالغه بشي حلو وناعم ولاتنسين قرائت البحث مهمه جداااااااااااااااا
وبسسسس
اتمنى اكون افدتج حياتي والله يوفقج ان شاء الله والطموح حلووو استانس لما اسمع بنت ودها تكون احسن
واحس ان عندها طموح ولج مستقب كبير باذن الله
واب لعيـــــــــــــونج
الدراسة اليوميه قدر المستطاع حتى لو تقرين الدرس اللي خذيتيه اليوم كفايه لأن المعلومه تكون توج ماخذتها فتركز بالمخ بسرعة
حاولي تذاكرين بوقت ومكان مناسب فيه اضاءه وتهويه
احرصي عالواجبات وعمل البحوث أول بأول عشان ما تتراكم عليج
فهم الماده قبل حفظها
سؤال الدكتور أو الطالبات عن النقاط التي اشكلت عليك فهمها
الحرص على اداء الصلوات في أوقاتها وأذكار الصباح والمساء والرقية الشرعية
بر والديك سبب لنجاحك واطلبي منهم الدعاء لك
احرصي على صلة أقاربك والتنزه وأخذ قسط من الراحه
في كتب حلوه تساعد على التطوير من النفس حبذا لو تقرئي منها
اختيار الكلية والتخصص المحبب لك سيكون دافع قوي لدراستك وتميزك عن البقيه
تمنياتي لك بالتوفيق
موضوع حلووو يستحق القراءة
وابي بعد عشان اتششجع
وعقبالنا كلنا يارب =)
انا لما كنت 3 نقاط وزياده
كنت مو دراسه يوميا ولا شئ
بس ماكنت اطنش محاضراتي ابداا
وكنت كله اقعد اول وحده بالمحاضره مع ان معاي الشله الكريمه فديتهم .gif "Eh S(7)")
بس ما شتتوني بالمحاضره لان كلنا هدفنا نجيب معدل
علشان ندخل تخصصاتنا الى نبيها 
والحمدلله غيرنا تخصصاتنا .gif "Eh S(9)")
والاختبارات شدي حيلج
وخططي مع الدكتور وانا انشاءالله حاطه هدف برد معدلي مثل اول واحسن
لازم كل وحده فينا تطور نفسها على طول وتصعد سلم التفوق حبة حبة..وتدور على اي شي ممكن يفيدها بهالخصوص..ولا تقول خلااااص انا متفوقه واحسن من غيري ..وتوقف ..لازم تكمل ..وتكمل ..وتتعب عشان تحس بحلاوة النجاح بعدين..وتوصل لطموحها
ومن الاشياء المهمه اللي انصحج فيها قلبي
اولا" النيه الصادقه والتوكل على الله (لا التواكل) ان نتوكل بدون ان نعمل وهذا شي ضروري
ثانيا" ترتيب وتنظيم الوقت ..وتحرصين كل الحرص على ان ساعات يومج ماتمر كلها وانتي بفراغ
ثالثا" تحبين الدراسه وتستمتعين فيها
.gif "Eh S(21)")
..عشان ماتزهقين كلش ..لا تحطين ببالج ان المذاكره والتكاليف واجب ولازم تسوينه…لا …فقط استمتعي ..وزيدي من ثقافتج..بالقراءةرابعا"..اهتمي بالحضووور ..ولاتفوتين ولا نقطه بالشرح..ولاتترددين بالسؤال
خامسا" ذاكري اول باول ..والتحضير وماادراكي مالتحضير؟ ..هذا سر تفوقي من كنت صغيروونه
سادسا" والمفروض اني احطه ثانيا بعد التوكل
انج تحطين لج ببالج هدف معين ..وتبين توصلين له وتحققينه…وهذا الشي هو اللي بيخليج تبحثين عن كل شي يسهل لج الطريق له
( واتوقع هاذي النقطه متوفره عندج والا كان مااستفسرتي)
اتمنى اني افدتج ياقلبي ..وافدت اللي مروا عالموضوع
صدقوني بنات نظرتكم لنفسكم غيروها اول وكل شي سهالااااات من رب العالمين ولحد يزعزع ثقتج بنفسج لو منو يكون
تدرين عاد انا دكتورتي بامتحان الفاينل قام تمشي عالبنات وتقولهم درجاتهم طول السمستر، وهذي الدكتورة الحليوة اللي انا شااطرة عندها قالت لي درجاتي، وقالت اذا شديتي حيلج بتاخذين بي بلس عندي !!!!! تدرون ليش قالت جذي؟ لانه لازم اجيب درجة كاااملة بامتحان مقالي ويبي منج اجابات مو من الكتاب او اغلط غلطتين بــــــس.. طبعاً ماله داعي اقولكم اخذت الامتياز عندها الحمدلله ، اتمنى وصلتكم الفكرة انه لاتتحبطون ومو وحدة من رفيجاتج الشاطرات خذت درجة موحلوة معناته مالج امل وبتقولين شوفي فلانة ماجابت القريد السنع طاح حظي انا بجيبه…! لاااا غيري فكرتج عن نفسج "انتي شاطرة وتفهمين" وموادنا مايبيلها تفكيك ذرة
ونسيت انبهكم ع شغلة الكل فاهمهااا غلللط واصلا مالها اساس من الصحة: سالفه اذا معدلي الله بالخير وصار لي سنتين ، معناته ماله امل يتغير ليش اتعب نفسي!!!!!!!!!!@@
نعم! وين قاعدين!! معدلج يرتفع و ينزل وماله شغل بهالدرجات اخذتيها اول شي او بعدين ، لانه معدل تراكمي ؛ يعني كل المواد يحسبونها مع بعض.. اصلا انا باخر سنة رفعت معدلي بمقدار : 0.40
اخر الكلام بس عشان اذكركم : مالكم شغل براي الناس فيكم حتى دكاترتكم لايحبطونكم وانتوا ناس شطار و تفهمون وفلانة مو احسن منكم؛) فلاتقارنون نفسكم باحد لانه مابيتضرر الا انتوا..
اتمنى اني افدتكم بكلامي :**
*
ونتمنى للكل التوفيق لكن لكل مجتهد نصيب