|
|
السلام يابنات كتبت موضوع قبل اسبوع محد فادني فيدوني هالمنتدى للافاده صح؟؟؟؟؟؟؟؟؟؟
مايصير تدخلون تطمشون واطلعون ؟؟؟؟؟؟ شالفايده عيل؟؟؟؟؟
عالعموم بغيت احلى الملحات اللي بالافنيوز واللي تصلح لتجهيز عروسه ؟؟؟؟؟
وابي المحلات اللي بالعربيد والحمراء مول تصلح لتجهيز عروسه؟؟؟؟؟
لاتبخلون علي الله يجعله ميزان حسناتكم وشكرا وعساكم عالقوه
up
up
up
أنا بفيدج إحم إحم , , ,
الافنيوز كله محلات (( صج والله
شوفي اي محل فيه تنزيلات وروحي أشتري منه …
وعندج محل ناين ويست للجناط والنعال كرمكم الله ….
يهبل وشغله ممتاز وأنا مااشتري إلا من عنده
وعندج قور ايفر 21 للملابس البيت بديات وجينزات شورتات حده يجنن بس اخذي منهم بالتنزيلات
وبعدد
دبنهامز عطور
ماك للمكياج
والمحل الجديد الامريكي بودي آند بوث .. . حلوه لوشناتهم
وفي محل فوق اسمه سبلاش ملابسه الداخليه حلو واسعاره مناسبه
والحمرا مول افتري من تحت يهبل ويجنن واخذي اللي يعجبج 
وموفقه
ماكو محلات معينه ،، شوووفي انا اقوللج فكره خصصي يومين للأفنيوز تفترين عالمحلات شوفي البدل اللي عالمانيكان اذا شفتي شغلات حلوه دشي المحل شووفي البدل و قايسي جم بدله او شوز واللي يدش خاطرج اخذيه ولا تترددين
الافنيوز اغلب محلاته تقريبا 90% تناسب كشخته العرايس
خل اقوللج على جم محل :::
– رينيه درهي << بدل استقبال اتينن و سعره بالنسبه لشغله زين مو غالي
– اون تايم on time :: للساعات ،، ساعاته عمليه ورخيصه بلاش حده
– ليــلي LiLy :: لبدل دوامات اطقم و شغلات نعوومه بس خاماتهم حدها راقيه
– في محل مو ذاكره اسمه اهوا صاير يم بروي كله جواتي اينن دايم اروحله و رخيص على 8 و 9 و هالحدود عنده كل الالوان الاساسيه
– بيكوكــس << لملابس بيت احلى شي و شوزاتهم ساعات تعجبني
– في محل عنده جناط اتينن و اسعاره حلوه اخذتلي جنطه ب25 و الماركه اصليه اسمه مونتيــه اند كو montie & co.
– و اذا تبين ماركات في فندي و دكني و فرزاتشي و غس و وااايد بعد بس هذيلا اللي على بالي الحين ماحبيت ادش وما أرد عليج 
و بالنسبه للعربيد والحمرا مول الصراحه مااعرف محلات معينه ،، بس العربيد نفس الطقه اللي فيه
انشالله فدتــج
و بـــس هذيلا اللي بالافنيوز
عندج دبنهامــز ،، وسيفورا ~
فور ايفر 21 << بدل للشقه ايننون طقة تنانير قصار و جينزات وتيشيرتات
ماكــس << حبيب العرايس نفس بجايم لاسنزا و الداخلي بس هذا رخييييييييييص على دينارين وثلاثه و عنده الدراريع اللي تكون قصيره بدينارين
و اهما شي تدشين كل محلات التنزيلات تاخذين منهم اي شي سواء شوز او بوك او جنطه او اكسسوارات ناعمه
وفي محل جدام برمود اسمه Moi اكسسواراته و خواتمه حلويــن و اسعاره معقوله
و في محل للشوز اسمه تشارليز اند كيث بس المشكله بضاعته شويه مو متنوعه واايد بس مري عليــه يمكن تلقين شي لأن شغله راقي نفس ناين ويست
وانشالله اكون فدتج
عموما أغلب المحلات عندها شغلات حلة
بس يبيلج تفترين وتشوفين
أما العربيد والحمرا مول،، ما أعرف فيهم شي
والله يتمم عليج على خير
وفيه محل لشوز مالوت العرووس يمكن تلقين عندهم الابيض
وفيه زهووور الريف والمركز الفرنسي
وفيه كذاا محل للعباياات بالسردااب
العربيد فيه ريفااا غني عن التعريف
وفيه رد تاااق عنده بجاايم وحراير حلووه
وفيه المنصوور للميك أب وشغلاااات كثيره
مااذكر بس هذاا اهم شيء
وفي محل يم مانغووو على ماعتقد هم حلووووو
وانشاءاللة البنات يفيدوونج وماقصرت يالغلا