الاحتفال بالمناسبات الرومانسية

راح اقولكم اول شي عيد ميلاده شنو سويت

ملاحظة(بنات اللي تكتب تقولنا شنو سوت شنو يابت هدية و شنو المفاجأة و شنو الحركة الرومانسية و من هالسوالف)

الله يسلمكم اول عيد ميلاد معاه كان مار على زواجنا 4 اشهر فكنت شوي استحي ههههه .. اللي سويته كان التالي .. ((حلوة التالي))

اول شي حجزت لنا بمطعم لونتر من الكباين اللي فوق و وصيتهم يحطون لنا شموع و ورد .. و قتلهم اني عندي مناسبة فودي ان يخلون الجو رومانسي و اييبونلي بوكيه ورد
طبعا يوم عيد ميلاده قتله بالليل كل عام و انت بخير حبيبي و سويت روحي و لا جني مسوية شي

دزيتله مسج وقت الغدا (لان احنا قاعدين ببيت اهله فنتغدا معاهم) و قتله:
حبيبي اليوم انت حقي بالليل و بسسسسس .. حاجزتك من الساعه 7 الى مالا نهاية ههه

و نزلت تغديت و لا جنه شي صاير و اهوا ويهه مستحيي و متفاجئ ( يا قلبي عليه)

المهم قبل الساعه 7 انا لبست و خلصت و قلت حق زوجي يلبس
عاد انا وقتها ما كان عندي ليسن ليلحين و قلت حق زوجي امش هني روح هني ههه لما وصلنا المطعم
المهم صعدنا فوق و تعشينا ههههه اذيتكم بالتفاضيل بس المهم ان فكرة المطعم كانت روعه اهوا استانس

رجعنا البيت دخلت الحمام بدلت ملابسي و قعدت على الكرسي و انا ماسكة الهدية .. المهم صار اللي صار لوووووووووول

و هذا كان اول عيد ميلاد و كان شوي عيد ميلاد هادي و خجول بما ان اول حفلة معاه ..

صج اللي مو مجرب بنات انصحكم يروح يحجز كابينه و الله روعه و رومانسية

_______________________

عيد زواجنا اللي ياه بعد عيد ميلاده كان الملجة و هذا اللي سويته:

رحت حجزت باخره لي انا و زوجي .. و كان يومها الجو رووعه اينن .. و وصيت امي تسويلي جم اكله لذيذة و خفيفة ( لان تعرفون مع البحر و الباخرة ما يبيله وايد اكل) و خليت السايق يقط الاكل عندنا
طبعا رحنا على وقت الغروب اللي يكون رومانسي يعني لاهو غدا و لا عشا

اول ما وصلنا و دخلنا الباخرة زوجي منصدم و مستانس لان الباخرة حلللللوة و فيها غرفة صغيرة للقعده و فيها طاولة للأكل و انا كنت يايبة معاي ورد و حطيته و جهزت الغدا .. و قعدنا ناكل و نسولف على انغام البحر هههههههههههههه .. و الله كانت فكرة حلوة
عاد انا من النوع اللي يدوخ و ريلي خايف عليي كل شوي ها شلونج ها دختي لوول
بس اشوا عدت على خير و رجعنا البيت مستانسين

و بالبيت رحت تبدلت و لبست بدلة نعوومة و قعدت يمه و عطيته الهدية ( كنت حاجزتله مساج من عند المهلب ) و شاريتله عطر و تلفون

اهوا بعد عمري فاجأني بالبيت يايبلي كيكة و كاتب عليها كلام حلو و يايبلي هدية الله لا يحرمني منه

_______________________