اكلت من مطعم الكلجه اللي بأرض المعارض وبعدين

حااااله غريبه من اكلت من هالمطعم والبلااااا جايني وفيني

يا ربي تستر على اكلت صمونة مشكل صغيره ما فيها خير تعرفونه الخبز المدور

ومن بعدها معدتي صارت مو صاحيه احس بثقل فيها غاثني غث ومالي خلق لحد

وتريااااعتي او ترعتي صاير فيها ريحه ادري لوعت جبدكم بس لي حق اكتب معاااناتي ويقول المثل ما يصيح صياح الا ااا من بلااااا صح ولا انا غلطانه

تريااااعتي ريحتها كأنها بيض محروق من اقعد الصبح وطووووول النهار وانا ع هالحاله من يومها كنت متهاوشه مع خدامت اختي الظاهر حاطه بلاااا فيني

وانا حامل بالشهر السابع تهقون من الحمل مت والله العظيم جاني البلااا هذا يوم الخميس ويوم الجمعه الصبح ترجييييع بالحمام الاكل على كبرااا الصمونه اللي اكلتها

ومغص واسهال

الللى يعرف شي عن حالتي يبلغني بأسرع وقت

او عنده علاج لهذا البلااااا يقولي

لاحول ولاقوة الا بالله
روووحي المستشفى شوووفي شنو علتج او دكتور جهاز هظمي يشوف او اخاف تسمم لاقدر الله يعني اسهال وترجيع عوار معده
الواحد يخاااف من هالشغلات وخصوصا الحامل
وعموما الكلحه ثقييييييل لان كله دهن ومقالي
بس لاتسكتين رووووحي شوفي نفسج

كثير أشخاص عم بيصير معهم التهاب معوي بلفترة هاذي بسبب تغيرات الجو

الجوووووووووو ايهب اليهد الكل نشله وسهال تكرمون وحراراه والحامل تتعب وايد نفس ما صار فيني

شوفي حبيبتي اي مطعم من هالمطاعم مو زين بليل بس غريبه هالمطعم نظيف بس الله يعينج أكيد كرهتي المطعم اذا زاد عليج العوار روحي الطبيب

ترى خاصه الحامل مو زين تاكل من هالمطاعم بليل لان الاكل يطبخونه الصبح وماتشوفين شر ياقلبي

لازم ترووووحين المستشفى انتى مااكله اكل مكشوف او ماااااااهو نظيف لازم علاج

اعراض تسمم من الاكل

طمنينا عنج

وسلامتج حبووووبه

حبيبتي بسئلج فيج حرارة ؟؟؟ بسررعة ردي

ان شاءالله ماعليج شر

ومادري احنا دايم نطلب من الكلحه بالدوام شحلاته

بس هم روحي الطبيب تتطمنين
وسلامات

لاااا ما فيني بس ثقل بالمعده وريحه قويه بترياعتي وحس بخمول

اختي يمكن نزله معويه لاتخافين شربي شي يهدي المعده نعناع اوينسون او بابونج
واكلي رمان تراه اريح المعده
والله ان الحامل تصير مغناطيس للامراض وخصوصآ بسابع اتحسين الياهل قاعد على جبدج المعده وايد تتعب آنه امس مانمت من معدتي وظهري ومابيدي شي لما شفت المطر ارش وقفت عند الدريشه ودعيت لما قلت بس يالله ارتحت وقدرت انام
الله يهون عليج وعلينا ونقوم بسلامه اللهم آمين
وكله اجر

يمكن نزله معويه او انغثيتي من الاكل

روحي حبيبتي لا تسكتين على عمرج

مثل ما قالت ام لين عادي من الجووووو متغير و الحين البيبي يكون ضاغط علي المعده
انا صايرلي يومين مغص مو طبيعي و عزكم الله كله بالحمام و معدتي صايره مو طبيعيه رحت المستوصف خذيت بسكوبان وارتحت الحمدالله و حاولي توخرين عن الدهن

اسم الله عليج مافيج ان شاء الله الا العافيه

ثانيا اطبخي زنجبيل طازج مخفف شوي استكانه بس واشربيها وكثري ماي اشربي ماي ومافيج الا العافيه وطقي لج علج جود ترتاحين