|
|
السلام عليكم
انا ابني عمره 5 شهور والله احاول انوعله حتى لايمل وفي نفس الوقت يتستفاد
جربت طبعا غير الخضار المطبوخه والفواكه مايلي
مهلبيه التمر طعمها حلو وبنفس الوقت مفيده جدا الكل يعرف فوائد التمر
معقود البرتقال نوع من الاكل الصلب كبدايه لاطعام الطفل
قرع عسلي وبطاطا حلوه طعمه مستصاغ جدا للطفل
واللي عندها بعد اكلات ممكن تفيدنا فيها ياريت الكل يفيدنا عشان نفيد ونستفيد
واي سؤال انا حاضره
|
المشاركة الأصلية كتبت بواسطة om mauoooora
 هلا اختي ياليت تكتبين طريقتهم انا بنتي عمرها 9شهور واسبوع وماااكلها كثير اكثر شي حليب وسيريلاك
|
من صجج حبيبتي اكثر شي حليب وسيريلاك !!
بنتج عمرها 9 شهور يعني تاكل مثلنا خلاص بس بدون بهارات وملح خفيف او حتى بدون ملح
عطيها عيش مع خضار مثل القرع ، الكوسا ، جزر ، بطاط ، بوبر
دجاج ، لحم ، شوربة شوفان مع خضار ودجاج ، معكرونة مع خضار
فواكه مثل التفاح ، الكمثرى ، الموز ، برتقال
سويلها عصير برتقال او فواكه مشكلة
لما تودينها المستشفى للتطعيم يعطونج كتيب عن الاكل اللي تعطينه البيبي
الله يخليها لج
تجيبي 3 تمرات وتشيلي النوا وبعدين تقطعينهم صغار وتنقعينهم بنص كوب ماء حار لمده ساعه حتى يذوب التمر وتصفيه ويكون تقريبا 120 مل انا بقيسه بالرضاعه واضيف ملعقتين حليب الطفل وملعقه ونص صغيره نشا واحطه على الغاز لما يثقل
ومهلبيه البرتقال
اعصر برتقاله واضيفها شويه ماء وسكر ملعقه صغيره اذا البرتقال حامض وملعقه ونص صغيره نشا واعمله على الغاز لما يصير مثل المهلبيه
اخلط لها عيش وماي الدياي وكوسا بالخلاط يصير مثل الشوربه بس شوي ثقيل
اعطيها ساعات عيش وعدس
او عيش وقرع
|
المشاركة الأصلية كتبت بواسطة mama-dodo
انا بنتي اول يومين بالثامن واعطيها غدا
اخلط لها عيش وماي الدياي وكوسا بالخلاط يصير مثل الشوربه بس شوي ثقيل اعطيها ساعات عيش وعدس او عيش وقرع |
حبيبتي العدس ممكن يسبب لها غازات
كثري لها من الخضار مثل البوبر والبطاط والجزر والقرع والكوسا
ونوعي لها عيش ومعكرونة وشوفان
سمج وشوربه سي فود…بيض مسلوق الصفار بروحه وبعد السنه بيضه كامله..
الفواكه خلطي نوعين او ٣ بالخلاط حيل حلوه
ووجبه ريوق سيريلاك
عمره 8 شهور
عودته من اكلنا واذا في شي هرس بهرسه والحمد لله
ويليت تقولولي شنو وشلون الطريقه
مشكووووريين
انا بديت مع ابني بالعمر بأرز الافال كميات قليله وعصير برتقال مخفف بالماء
المقادير
موزه مخلوطه بحليب الطفل مع ملعقه ونص صغيره نشا وبالخلاط
بعدها على النار لما يثقل القوام ونتركها تبرد ونعطيها للطفل
لسه ما جربتها
جربتلها قرع ماعجبها
جزر ماعجبها