|
|
بسم الله الرحمن الرحيم
السلام عليكم ورحمة الله وبركاته
شلونكممممممممممممممممممممممممممممممم , ان شاءالله بخيرررررررر ..
ماادري الموضوع مكانه غلط والا شنو ؟؟
بس يالله عادي , لان الرجيم احيانا يسبب امساك ..
المهم بنات , انا فيني امساك مزمن , جربت ابلع حبوب هم مانفعوا ..
المهم بالصدفه اليوم اكتشفت شي ..
مره كليت روب طبعا خالي الدسم والحمدلله لاحظت ماكو امساك ..
ومره شربت لبن هم خالي الدسم وهم راح الامساك لا وابشركم صارررررررر شي ثاني ماني قايله ..
واليوم قاعده اسوي تنظيفات قبل الرجيم , طايحتله سوائل , وشربت لبن وبعدين كليت روب خالي الدسم , آآآآآآآخ يابنات قمت اهرهرررررر ..
صراحه مستانسه وطايره من الوناسه 
والله مو حاصلييييييييييييييييي ..
قلت اقولكم لان اكيد وايد بنات بهالقسم يعانون من هالمشكله ..
بروح اشتري كل الروب اللي بالجمعيه مع اللبن وكل يوم بطيحله , صج حاسه اني مرتاااااااااحه , بلا دوا بلا بطيخ ..
هذه الخلطات والا بلاش ..
وياريت اذا وحده تقدر تفسرلي السر اللي بالروب واللبن , اكون شاكرتلها ..
اخاف يكون صدفه ؟؟
بس لا مااتوقع لان هذه ثالث مره مجربه ..
جربوا وقولولي ..
غرييبه 
يمكن انت فيج شغله راحت مع اكلح للشغلات هذي
يمكن يا اختي soseta انتي معدتج تتحسس من خمائر اللبن عشان جذيه مشت بطنج
عاد تصدقون صح جني سامعه هالشي , حتى صح اليوم لما صار فيني جذي قلت يمكن صدفه , بس تذكرت انها صارت فيني اكثر من مره , وعبالي انها تنفع حق الكل عشان جذي قلت اقولكم ..
ويييييييه غبره , بنات عيل لاتطبقونها بعدين تدعون عليييييي ..
انا يعني بفيدكم شكلي سويت العكس ..
<<<<<< ماخلت شي ماجربته للامساك ماكو فايده
واشلون انسوي ريجيم تنظيف البطن ؟؟
ابليز فيديني
شرب الماي عالريج…..بعد فترة ماقام ينفع
آكل فواكهة خاصة البرتقال قبل الوجبات….في البداية اوكي بس ماقام ينفع
مرتين -3 مرات باليوم ومرات عالريج آكل رطب 7 حبات او اكثر…نفس الشي استانست عليه وارتحت..بعدين شكل المصارين ماينقص عليها!!!
والحين والحمدالله ..ماشية عالعسل (كوب ماي مذاب فيه ملعقة عسل اسود) وبعدها بساعة اتريق…ومنظمة الوجبات الثلاث في اوقات محددة…والحمدالله الحمدالله مع ان عندي امساك مزمن من سنين والحين حامل بس هالطريقة تمشي بطني بعد مااستمريت عليها
وكل وحدة سبب امساكها غير عن الثانية وكل طريقة ممكن تنفع ناس وناس لأ..
ومشكووووووووووووووووووورة عالتجربة ((((الغريبة بصراحة))) لأن اللبن والروب مايساعدوني ابدا يزيدون الطين بله…
الله يشافيكم ويشافيني ويشافي كل مسلم..
وانا بعد ماخليت شي ماجربته , قالوا تفاح وماي قبل لاتنامين هم مانفع والبرتقال هم مانفع , واذا نفع بس يوم يوميين وبعدين خلاص ..
بس هذه سالفه الروب واللبن ورب الكعبه لعبت بحسبتي كل دقيقه رايحه تكرمون الحماااام ..
شربت ماي وبعدين شربت لبن بعدين كليت روب ورحت فيها ..
وبعدين رجعت مره ثانيه شربت 2 لبن وشربت ماي ..
ودريم اسم الروب والله ماادري , ماعندي شي محدد , يعني اي شي المهم يكون قليل الدسم ..
والتنظيف هذا سمعت بنات المنتدى يتكلمون عنه , يقولون فيه طرق وايد ..
من الطرق اللي اذكرها , ان يوم او ثلاث ايام بس تشربين ماي عشان تطلع كل السوائل اللي ببطنج وبعدها تسويين اي رجيم عشان لما تنزلين ينزل وزن صجي مو مايي ..
وطريقه ثانيه انا اليوم سويتها , ان تشربين كله سوائل , عصاير وماي وشوربات ..الخ , بس انا صراحه ماقدرت كليتلي تفاحه وخربطت شوي ..
واذا قدرت بكمل باجر بعد هم سوائل ويوم الاربعا ابدي رجيم ..
انا عن نفسي اول مره اجرب هذا اللي يسمونه تنظيف الجسم وبشوف اذا نفع معاي بسويه بعد مااخلص اول اسبوع من الرجيم ..
امبيه خايفه احسد نفسي , ماشاءالله لااطق نفسي عين ..
والله الامساك هم بالنسبه لي , واتمنى اني اتخلص منه عشان جذي لما نفع معاي الروب واللبن قلت اقولكم حاااااسه فيكم , بس طلعت الطريقه شكلها صدفه او فيني انا شي غريب عشان جذي ..
بصراحة تنبيه حلو منك
راح اطيح باللبن والروب وياح
يعني بس اشرب لمدة 3 أيام عصائر او شوربات …
انزين يصير انسوي رياضة ؟؟
ولا اندوخ ؟؟
وشوربات لازم low fat ولا عادي ؟؟
وبشوف اجرب اذا نفع معاي
اقولج شي بروح اكلي روب الحين لاني ما كليت روب اليوم واشوف شنو يصير معاي يارب تضبط يمكن اجسامنا احنا فيها شي ما يخلي الروب يسبب امساك