|
|
السلام عليكم
سمعت فية اكتئاب مابعد الولادةشنو اعراضة شنو شلون اعرف اذا كان فيني ممكن مساعدة لي لة تجربة مع اكتئاب مابعد الولادة شنو صار شنو سوت الرجاء الرد
اهو مو اكتئاب حبيبتي
بس الوحده من بعد الولاده مباشره قومتها غير وقعدتها شوي شوي
اكلها يتغير لفتره مؤقته
السهر والتعب مع الياهل
كل هالامور اتعب النفسيه شوي ونسميها ( ضيقة الخلق والملل )
الحل:
1-اتحطين ابالج ان كل هالامور مجرد فتره بسيطه وتزول وكل امهاتنا وخواتنا مروا فيها وشوفيهم
يمج اشحلاتهم.
2-انج راح اتردين مثل اول واحسن.
3-لاتعصبين ابد لان النفاس موزين لها اتعصب.
4-المشي لمدة 5 دقايق تقريبا ولو فرتين بالصاله لان المشي يخليج تغيرين جو من المكان اللي
قاعده فيه ويحرك دمج وتتنشطين.
5-والشي الاخير والاهم قراءة المعوذات قدر المستطاع وجعل ذكرالله سبحانه دايم بلسانج (( الا وبذكر الله تطمئن القلوب ))
اتمنى اكون فدتج وسامحينا طولنا عليج 
ومو ضروري تحسن الوالده بالاكتئاب وتختلف درجته من وحده والثانيه
شوفى انا اول مرة كنت اقرا عنها بكتب الحمل واقول مو لدرجة هذى حيل مبالغين بس واللة اول مايتنى بولدى الكأبة كرهت الدنيا ودايما كنت احاول اعتزل الناس وماكنت ادرى شنو فينى كلة احس بضيقة وتعاسة انا من النوع اللى ماابين شنو فينى فالناس تشوفنى عادى حتى امى مالاحظت لانى كنت اخبى ضيقتى
وبس عديت اول اسبوعين كل شى خف عنى
ثانى ولادة لى الحمداللة كنت احاول ماافكر بالضيقة واقول كلها جم يوم وتروح واقرا المعوذات وقرا كتب ومجلات وابطل الانترنت يعنى اشغل وقتى بكل الطرق ومر الوقت ماحسيت بشى الحمداللة
آنا ييني بعيالي …واااي احاتي هالنفسية أكثر من الولادة..
تحسين مالج خلق أحد ولا البيبي…
دمعتج ..أبد على طول واصلة ..اقل شي يبجيج..
قلة النوم …
أول الأيام ..طبعا مناحة وبجي ….ليش وعلى شنو ؟؟؟؟؟؟؟؟؟
ماتدرين!!!!!!
آنا كانت الدكتورة تقولي ….انه حالتي بالشي الطبيعي …
اكو حريم توصل معاهم للإنتحار والعياذ بالله …
ما تشوفين شر ان شاالله …
وترى اسبوع ولا عشر ايام ويخف..
الله لا يعيدها من ايام
بس ترى مو شرط تصير
لانها مرت على بالولادة الثانيه
يعني عقب الراحه والنوم
تحاتين ياهل ما ينام وجسمي اللي تغير والاكل ووووووووو
لكن لهي لها علاقه بالهورمونات اكثر مثل ما عرفت
فالاحسن تتحصنين المعوذات والادعيه وانها فتره وراح تعدي
بس الحين الله يحفظه مجنني ويحبني موت حتى اكثر من اخوه الي كنت مدلعته وهو صغيرون فديته… هي حاله وتمر وان شاء الله مايمر فيها حدح عليكم بالقران وتغير جو لو كنت تعبانه من السهر خلي حد يساعدج لو ريلج او حد من هلج وارتاحي اشوي وبعدين ان شاء الله تصيرون بخير
بس انا سامعه ان الوحده خصوصا لما تكون في بيت اهلها ما يصير فيها اكتئاب لانها ماراح تحاتي شي
اما اذا كان عندها طفل وهذا المولود الثانى يمكن يكون اسهل عليها بس اكثر من طفلين صعبة
والله انا تعبت من الاكتئاب ساعدوني