|
|
هذا اول موضوع لي بالمنتدى او بعالم المنتديات بس لاني من زمان اتابعكم ووايد استفدت فحبيت انقل تجربتي في عملية الليزك سويتها بدار الشفا دكتور محمد وجيه الديب
صارلي تقريبا شهرين من سويتها والحمد لله اوضاعي تمام وعندي اخر مراجعه شهر 5
طبعا انا اخترت هالدكتور بعد بحث طويل وخالتي كانت مسويه عنده سنة 2024 ومرتاحه هالشي طمني
خذيت موعد ( يفضل تاخذون موعد بالفتره الصباحيه ) لان بالليل زحمه ولويه قسم العيون
وقبل لا ادخل على الدكتور سويت الفحوصات اللازمه الفحص ما ياخذ الا دقايق على جم جهاز
بعده طالع الفحوصات وكلمني عن العمليه اكثر وانها بسيطه وعليها اقبال كبير كبير
ولان سمك القرنيه عندي شوي ضعيف 470 سوالي ابيليزك >>> اخت الليزك 
ويقول عادي في ناس قرنيتهم سميكه وفي ناس شوي اضعف حتى وراني ملفات جم مراجع وسمك قرنياتهم يتراوح بين 580-440
الفرق بين الليزك والابيليزك ان الابيليزك ما يتعمق بالمشرط فيعني سطحيه اكثر، تعور ل48 ساعه اما الليزك فيقول عوارها 6-8 ساعات، الابيليزك جفاف العين فيها حيل خفيف، ولان استعادة النظر كامل تاخذ وقت وانا طالبه سويتها شهر واحد اول ما خلصت Finals ما بدا الكورس الثاني الا وانا اشوف البورد عدل وحدي مستانسه .gif "Eh S(9)")
بلا نظارات بلا عدسات بلا هم
اي والعمليه كانت سريعه ما تاخذ خمس دقايق، تيين عالموعد يدخلونج تلبسين وتاخذين حبة مهدىء والدكتور ما شاء الله لا يوقف واحد ورا الثاني من جميع الاعمار والجنسيات >>> كنت يايه مبجر ودوري اخر شي
دكتور محمد حليو يحاول يريحج ويشرح شيسوي يعني تحسين ان خبره ومتمكن، بعدين يعطونج النظاره السوده وتسمعين جم نصيحه من الدكتور وتروح وياج النيرس لي الملاحظه تاخذين ابرة مسكن وبعدها ادويه من الصيدليه (قطرات حبوب مرهم شاش)
الفحص ب50 + الدخله عالدكتور 20 وفتح الملف جنه دينارين
العمليتين نفس السعر 354 (شامل حبة المهدىئ – الابره – واول 3 مراجعات بعد العمليه)
الادويه ما اذكر بالضبط بس يمكن 48
*انصحكم تسوونها صج راحه تعب يومين وبعده سهالات
**تعليمات ما قبل وبعد العمليه راح يعطيكم اياها الدكتور
**** قبل موعد العمليه بيومين لازم تمرين النيرس باي حزه تحطلج قطرة توسعه 3 مرات فرق بينهم عشر دقايق
ان شاء الله اطلع اعرف انزل موضوع ولا مره جربت
.انا بغيت اسويها بمركز الربيعه عند الدكتور سامي الربيعه
ممم ما ارتحت وايد مع ان معروف وعمتي مسويه عنده .. مارتحت لأن اهو يخيرني أي عمليه تبين ! ليزك ولا ليزر ولا فيمتو سكند ( جهاز يديد يشتغل عالفقعات الهوائيه ) الليزك ب400 والفيمتو سكند ب800 .. وانا اراجع بمستشفى الاحمدي يقول ما يصير الدكتور يخيرها اي عمليه تبين واذا جفاف ما يصير تسوي عمليه الا تستعمل قطرات لفتره والفيمتو سكند موجود عنده صارله سنه واهو توه اييبه
فـ ترددت p: ادري قرقت وايد .. وايد وايد مشتهيه اسويها خاصه ان نظري 3ونص ! أنعمي بدون النظاره:@
مممممممم أسويها بدار الشفا ولا أنطر دوري بالحكومه 
؟ طبعا دوري 3000 مادري جم !
انتم السابقون ونحن الاحقووون
انا ان شاء الله بسويها شهر 6 عند الدكتور سامي الربيعه بإذن الله وراح تكلفني 1000 دينار لانه عيني فيها انحرااف قوي (نظري -2 ) ،،،،،،،،،، ادري قرقت وااايد
فيج انحراف ..؟
ذكرتيني بعمليتي … انا سويتها من 6 سنوات عند سامي الربيعة
صج احساس غيييير و الحياه حلوه لما تكون بدون نظارة او عدسات
انا كان نظري – 4 و نص و عندي انحراف درجه وحده يعني مستحييييييل كنت اقدر اقعد من غير النظارة أو العدسات لو دقيقة وحده بس الحمدالله سويتها و ارتحت صج
بس اختي تبين نصيحتي ….
مجرد ما يستقر نظرج بعد العملية راجعي دكتورج علشان تسويين نظارة تكون حفظ نظر تستخدمينها لما تقعدين على الكمبيوتر او التلفزيون بس علشان لا يرد نظرج يضعف مره ثانية ….. هذي الغلطة انا طحت فيها و بديت أحس الحين أن نظري ضعف عن أول ما سويت العملية .
ودكتور سامي الربيعه مادري ما ارتحتله لاعب بعيون عمة رفيجتي ووين قاعدين يخليج تختارين!!!
توكلي ع الله وسويها عند محمد وجيه انا ناقص نظري بس درجه ونص مع انحراف ربع بعين وحده وما تحملت وضعي بالنظاره والعدسات، روحي استشاره يمكن ترتاحين له، وان شاء الله بقوله عن كلام رش رش
يشرفني مروركم
و ع البركة النظر السليم لوول
انا اتوقع احتاج ليزر مو ليزك لان فيني انحراف
و نظري -2 و اتوقع تكلفتها اكثر و اصعب من الليزك
شسم الدكتور ؟؟
Dreamy Girl لا مو شرط ليزر و2 شويه انا ناقصه 1 ونص وفي ناس تنقص 4 و5 حسب نتيجة الفحوصات يقرر الدكتور شنو محتاجه
اي سووها بالعطل اريح
|
المشاركة الأصلية كتبت بواسطة ahsc
 انا كاتبه اسمه دكتور محمد وجيه الديب بمستشفى دار الشفا
اي سووها بالعطل اريح |
ايي انا بسوويها شهر 6 بالعطله احسن
بس كلفتني العمليه وايد
الفحص الاولي 120
والعمليه 600
والمراجعات مختلفه اسعارها
طبعا غير الادويه
يستمر الم بعد العمليه لمدة ما تتجاوز 24 ساعه
بس يصير على العين غشاوة تخف مع الايام
بس الحين الحمد لله نظري ممتاز وصج مرتاحه اني سويتها
|
المشاركة الأصلية كتبت بواسطة ** رش رش **
حمدالله على سلامتج
ذكرتيني بعمليتي … انا سويتها من 6 سنوات عند سامي الربيعة صج احساس غيييير و الحياه حلوه لما تكون بدون نظارة او عدسات انا كان نظري – 4 و نص و عندي انحراف درجه وحده يعني مستحييييييل كنت اقدر اقعد من غير النظارة أو العدسات لو دقيقة وحده بس الحمدالله سويتها و ارتحت صج بس اختي تبين نصيحتي …. مجرد ما يستقر نظرج بعد العملية راجعي دكتورج علشان تسويين نظارة تكون حفظ نظر تستخدمينها لما تقعدين على الكمبيوتر او التلفزيون بس علشان لا يرد نظرج يضعف مره ثانية ….. هذي الغلطة انا طحت فيها و بديت أحس الحين أن نظري ضعف عن أول ما سويت العملية . |
اشلوووون صايره نظاره حفظ النظر لانه بسويها ان شاء الله ونوعيتي اقعد واااجد ع النت