اطباءنا وما ادراك ما اطباءنا تابعوني الجزء الثاني

يتبع .. مستشفى الهادي
طولت بعد ما طيحت بالحمل فرحت حق(عصام ابو الفتوح) امدحولي اياه طبعا استشاري كشف علي جان يقول لي عندج البويضات صغار وعطاني كولوميد حبوب بالاضافه الى أبر منشطه كل يوم وحده شك ريلي بالموضوع اهو مدرب رياضي فعنده خبره بالمنشطات قال لي مو معقوله تاخذين كل يوم ابره وايد عليج المهم طنشت الموضوع كنت قاعده باليل فجأه وحده جان احس جنه صخر ببطني ابي اقوم مو قادره ودوني الطوارئ طبعا على كرسي وكانت دكتوره هندية قالت لي تعالي اسويلج سونار داخلي فرفضت قلت لها سوي خارجي اهي بس حطته جان تشهق حتى انا الى ما اعرف بالطب شفت شاشه السونار ولا كل بويضه اشكبرها جان تقول لي وياج تضخم منو سوي جذي قلت لها المحروس عصام طبعا ما اقدرت تعطيني شي واكتفت بالمسكن للالم .. خف شوي على وسافرت بالسياره طول الطريج وانا سادحه الكشن جني حامل حتى السفره ما استانست فيها ويوم رديت الكويت اكتشقت الطامه الكبرى اني حامل وانا اساسا فيني تضخم اول ما حللت فرحت طبعا بعدها يومين بالظبط جان اجهض وهذي المره الثانيه الي اجهض فيها .. رحت حق دكتور امي جزاه الله خير د. محمود مطاوعه وسألني كذا سؤال قال لي ما اسدحوج لما صار فيج تضخم قلت له لاء وطبعا شرحت له الموضوع جان يقول حمدي ربج انج طيحتي ، اول شي التضخم يصعد الماي لين الرئه او الكبد ما اتذكر وبعدين تفنقشن ولو كنتي حامل يتفاقم الشي عليج دبل حسبي الله عليه ..
يتبع

مارحتي الا عند عصام ما اواطنه بعيشت الله ما عنده اخلاق

والله انا على حمالي رحت الهادي عند دكتور احمد عيد صج دكتور يهبل وشاطر واااايد وفي دكتور ثاني اسمه اشرف هذا بعد فضيع

والله يعوضج

انا بعرف ليش ماتشتكون على الي يسوونه الاطبا

ياربي كله نسكت على اغلاطهم على بو مالنا خلق ولويه

من جذيه يتمادون ويلعبون في صحتنا

يعني هذا لو في الغرب جان من زملن ورا الشمس

بس احنا الربادة منا والاهمال

ومتشوفين شر