اشلوون تنظمون وقتكم خااصه الطالبات

بسالكم اللي لاتزال تدرس بالجامعه وتوها متزوجه اشلوون تنظم وقتها بين محاضراتها وزوجها وبيتها وحمولتها وغير الموااجيب
الدراسه بتكون صعبه وخاصه بالواجبات والامتحانات فا اشلون تنسقوون وقتكم عشان مايتذمر الزوج وخاصه اذا كان يحب يطلع مع زوجته بالبدايه
ابي جدولكم اشلوون؟

حبيبتي ماراح تلاقين وحده جدوله معاج
لانه الريايل يختلفون عن بعض
واهم الجداول تختلف
وهم اطباعكم انتوا الزوجات تختلف
انتي كيفي نفسج نع الطريقه الجديده وحااولي بكل جهد تعطين كل واحد حقه
نفسج والاهل والزوج والدراسه
ومع الوقت تعودين والله يوفقج
ويسعدج ياقلبي

اهم شى محاضرااااتج بعد ما تردين قابلى الزوج واذا يبى لقمة سويها لة وبرمجى نفسج على جذى وبعد ما تريحين

تشوفين واجباتج او امتحاناتج واذا على الحمولة مو شرط كل يوم انتى محضرة عندهم يعنى مرة ب االاسبوع او مرتين كافى هذا اذا كنتى ساكنة عندهم

اما اذا برااا كل اسبوع احسن با الويك اند احسن واذا كنتى فاضية ماكو امتحانااات اطلعى مع زوجج واهم شى عودى الزوج انة ينام مبجر احسن عشان ما يقعد ب االليل بروحة وانتى توهقين هههه

شوفي طبعا الطلعات ما ظنيت كل يوم
يعني دامكم معاريس خلوها أيام العطل
وإنتي لارديتي من الجامعة إذا كنتي من النوع اللي يتعب ولازم يقيل . إخذي قيلولة ساعة
عقبها قومي العصر إلبسي وإكشخي وتيبخري وإنزلي لحمولتج إنتي ويا رجلج قعدي معاهم ساعة او ساعتين بالكثير بعد هم اكيد بيعذرونج يعرفون ظروفج
على الساعة 6 او 6 ونص تصعدين تشوفين شقتج وشغلها من غسيل وتنظيف
هاذي بتاخذ منج ساعة ونص إذا كنتي بعد بطيئة
عالساعة 8 شوفي دراستج يعني إذا مجتهدة حدج يبلج ساعتين ويمكن تزيد شوي إذا تذاكرين لامتحان
عال 10 تكونين خالصة تجهزين لأبوالشباب وتسهرون مع بعض بس لاتطولون
يعني عال2 تنامون عشان وراج جامعة هههههههههههههههههههه
امبيه كنه تدخلت زيادة عن اللزوم؟؟؟
أتغشمر حبوبة
اتمنى فدتج

صح كلااااااااااامج كل وحدهـ على حسسب زوجهااا ,,,

عادي جدا الصبح تروحين دوامج وحاولي كثر ماتقدرين تنتبهين يعني اذا فهمتي كل شي عدل سهلا بتكون دراستج ما تطول بالبيت
وبالبريكات راجعي واذا عندج واجبات خلصيهم
بعدين ردي البيت اخذي شور وتغدي مع زوجج اذا مع حمولتج اعتقد الغدا بيكون جاهز اذا انتي طبعا اتكونين مجهزا كل شي من باليل وبس تسخنونا قبل الغدا بربع او نص ساعا
بعدين اذا بتنامين ساعتين نامي واذاا عادي عندج قعدي بهالوقت حطي ميك اب وسوي شعرج وتكشخي ويفظل هالاشياء تصير وزوجج نايم مايدري يقووم يلقاج اشحلاتج وقعدي معااا او بدلي وطلعي معاا
سيري علا اهلج او اهلا حاولي تردين مبجر يعني لاتسهرين سينما ومادري شنوو الا بالويك اند ردي البيت اذا زوجج بيروح دوانيا او قهواا
انتي قعدي نظفي ورتبي وعطري البيت وسويلا عشااا ونطري اول مايوصل اتسخنينااا وتعشو
بعدين قبل ماتنامين شور ثاني وحطي عطوور ناعماا وخفيفااوهمن علا شعرج وكريمات ولبسي بجاما او قميص الي تبينااا ومن باجر دوامج جدول كامل بعد اشتبين

كفو ووفو

حاولي كثر ما تقدرين بوقت بريكاتج تستغلينها حق الدراسه
وهم استغلي الوقت الي يكون فيه ريلج رايح الديوانيه او اذا يروح نادي بالدراسه
باجي يومج اقضيه معاه عادي
و مولازم كل يومين و الثاني تزورين حمولتج
انتي معذوره طالبه و عندج دراسه

ماقصروا البنات ,,

موفقة

الله يعينج
دراسه وزواج تعب
اسأليني أنا
بس أهم شي لا تعودينه انج تطنشين محاظراتج
فهميه ان دراستج اهم شي
وان شاء الله يطلع متفهم ويوقف معاج

انشاءالله والله احااتي لانه جامعتي صعبه وايد وموادي صعبه لازم ادرس من كتب وملخصات لويه وايد وغير واجباتهم حده الوضع ماساه الله يستر

الله يوفقج و يعينج انشالله