اشرايكم في الملكه القصيره والطويله؟!

السلام عليكم

اشلونكم يابنات شخباركم

اشرايكم في الملكه اذا طالت سنيتن ثلاث اسنين مرات اربع اسنين
وفي الملكه القصيره
ايهو احسن ابوجهة نظركم وليش؟؟

انا اشوف القصيره احسن والطويله حيل مو زينه الشي لازاد عن حده مشكله

آنا أشوف الملجه مآ تكون طويله بالسنين

لانه راح يملون من بعض

إذا كلش كلش 8 شهور

آنا أفضـل تكون جم شهـر

ويعطيج العافيـــــه

مرحبا اختي
دائما الوسط زين
ولا ضررر ولا ضرار
انا ابدا مافضل الكلكه تكون بالسنوات
ولا ايض تكون قصيره حيله اسبوع مثلا
الحلو مابين شهر الى 3 شهور بالكثيير
لان لو صار ت بالسنيين بيملون مع بعض هي قالت كل شي وهو قال كل شي مابقى شي بعد العرس
ايضا قصيره مره مايمديهم يلحقون يفهمون نفسيات بعض
يعني شهرين كافيه انه تشوفه وتجلس معاه
انا عن نفسي جلست شهرين مملكه

انا افضلها قصيره احسها احلى عشان مايملون من بعض وكل واحد له وحهة نظر

انا افضلها قصيره احسها احلى عشان مايملون من بعض وكل واحد له وجهة نظر

انا افضل انها ما تزيد عن 3-4 شهور كافيه حيل ان كل واحد يعرف الثاني وبعدين الملجه عمرها ما كشفت اطباع لان كل واحد يبين احسن ما عندهم ………. الحجي بعد الزواج كل شي يطلع على حقيقته

اذا بيطلعون ويرون مع بعض اكيد القصيره
بس اذا ما يطلعون مثل بعض العوايل ولا يدرون عن بعض عادي اطول سنين

حلات الملجه قصيره … و يكون بينها و بين العرس فتره علشان يتعارفون و يستانسون و يجهزون سكنهم مع بعض .. و افضلها من 3-6 اشهر بالكثير.

و بعدين لا ملجوا صاروا زوج و زوجه من حقهم يطلعون و يروحون و يردون و يتزاورون و كل شي بعد شماله الطواله بالسنين ؟.

الملجه كل ما طالت كل ما اكثرت المشاكل ,, وانتو تعرفون بعد وقت الملجه كل من يطلع احسن ما عنده تكون فترة تصنع .. حلاتها بس على ما تجهزين الشقه و العرس يعني تختلف على حسب التجهيزات ,, بس مو لما نقول قصيرة يعني اسبوع ولا اسبوعين يعني على الاقل شهر ,, بس دام البنت موافقه و مقتنعه 100% بالشخص ماله داعي تنطر وتطول فترة الملجه

الملجة حلاتها ما تطول عن شهر او شهر ونص بالكثير

الفتره الكافية للتجهيز والتأثيث بس

عشان ما يملوون من بعض ولا تصير مشاكل وخلافات

وحتى لا يحدث ما لا يحمد عقباه وتحمل العروس ويتكنسل العرس>>>>هههههه

مو أكثر من شهر … اكثر من جذي تصير مشاكل

احلى ايام العمر للبنت ايام الملكه مو حلوه قصيره ومو حلوه بعد طويله احس الحلو مو اقصر من اربع شهور ومو اطول من سنه انا ملكتي كانت تقريبا 10 شهور جدا ممتعه وحلووووه

لااا ما أأيد الفتره تطوووول لان محد ضامن عمره تكون قصيره احسن واحد من عيالنا ملك على وحده صار لهم سنه وتوفى الله يرحمه وهي مسكينه بالعده مع انه مادخل عليها
فالأحسن الواحد يكون نفسه ويرتب اوضاعه بعدين يفكر يرتبط في بنات الناس

قصيره يعني3 اشهر واقل

السلام عليكم

أنا أفضل الطويلة المعقولة الي ما تتعدى سنة عشان الانسان يعرف الشخص الي جدامة عشان سبحان الله اذا مافي توافق يعني ساعات في ناس يعجبونج شكلهم و داخلهم أرف وناس شكلهم ابدن ما يشوق و داخلهم عسل

الله يكتب الي فيه الخير حق البنات كلهم و يرزقهم الأزواج الصالحة

تشكرات