استفيدو من تجربتي تجربة مرة بالاربعين لا يصير لكم مثل ما صار لي

أخواتي تذكرون سالفة مطهر البيتادين الي حكيت لكم عنه ..

اكمل لكم الموضوع.. ااااااااااااه الحمدلله .. الانسان ما يقول الا الحمدلله على كل حال .. وهالشي من الله .. والشفا من الله وحده وبس ..

المهم ،، انا باجي لي 3 ايام واخلص الاربعين ومب ناوية ارد لريلي وانا بالحالة هاي ..

احيد بالاربعين كنت اقول بسوي ماسكات للبشرة وبسوي حمامات مغربية وبتحنى وبقص شعري وبصبغ وووو وبسوي وبسوي .. ايــــــــــــه الله كريم الحمدلله .. مرو اكثر من شهر وما حسيت براحة من عقب الولادة ..

قصتي من عقب الخياطة الله يسلمكم .. كانت الخياطة داخلية وانا فرحانة عبالي انها ما تتحتاج خبصة وتخبيص وما تعور .. الا طلعت تعور اكثر من برع ..وتحتاج لعناية اكثر من الي برع ..

رحت البارحة لموعدي بالعيادة على اساس انه تظهر نتيجة تحاليل مزرعة البول وتحاليل المهبل .. اظهرت التحاليل انه عندي التهاب بالبول مب شديد بس فيه التهاب . ونتايج المسحة المهبلية اظهرت انه مافيه التهابات !! الله العالم ليش

لكن اني شرحت للدكتورة [ على فكرة انا سرت للمستشفى وللعيادة اكثر من عشر مرات ولا فيه اي بوادر ايجابية للعلاج بتاااااااااتاً واستخدمت اكياس المدرة للبول وشربت فوق 3 لتر ماي باليوم ولا فادني ] ..

شرحت للدكتورة معاناتي .. وقلت لها محد حاس فيني كل ما سير للبمستشفى الي ولدت فيه يقولون لي مافيج شي .. وعلى فكرة المستشفى حكومي ومتطور وكلهن استشاريات .. بس كل دكتورة وذمتها وضميرها . والله فووووووق

وباختصار شديد قالت لي : يا فلانة ، انا ما لي خبرة بهالسوالف وانا بنادي لج الاستشارية فلانة .. وهاي الدكتورة اعرفها كانت تشتغل بالمستشىف الي ولدت فيه بس اهي طلبت تحول للعيادة الخارجية لانه ما عيبها الدوام والادارة بالمستشفى المهم ..

قابلتني وسلمت علي .. المهم قلت لها الحكاية كلها .. وقالت لي اطلعي فوق السرير اكشف عليج . ><

المهم ،، شافت المنطقة وعاينتها زييين ما زين ..وشفت ويها تغير لونه.. اقولها دكتورة طمنيني انا شوفيني ؟

قالت لي كم صار لج على هالحالة ؟ قلت لها ما يقارب الشهر الحين .. قالت الله يعينك المنطقة ملتهبة تماماً من فتحة المهبل .. وفيه افرازات هاي علامة على وجود التهاب .. وسالتها النتيجة مالت المسحة مافيها شي ؟ قالت طز بالمسحة انا علي من الي اشوفه قداامي .. انتي فيج التهاب .. وافرازاتج صاير لونها اخضر .. ولازم تتعالجين .. والحرقان الي فيج سببه الالتهاب وايضاً يسبب لج الم اثناء التبول .. وانا على بالي فيني التهاب بول << الله كريم ورحيم بعبادة

المهم

الا وتمد ايدها وانا خاايفة وتسحب خيط وتراويني اياه والله اني ما حسيت بيه مووليه .. اقولها شو ها ؟ تقولي هالخيط الي مسوي لج كل هالمصايب كانت متعلق وين مكان الخياطة وما طاح ..و تجمعت فيه البكتبريا .. وقالت لي شو كنتي تسوين من عقب الولادة ؟

شرحت لها اني اسوي حمامات مهبلية [ طشت ماي مع بيتادين ] ,, وقالت لي من مساوئ البيتادين يقضي على البكتيريا النافعة والي تساعد على مكافحة الالتهابات والفطريات ..

وقلت لها اني كنت استخدم الفيسودين ..وقالت استخدامه خارجي وليس داخلي ..وهالشي ما خطر على بالي اتبعت نصايح الدكتورة الي قبلها وهالكريم زاد الطين بلة ..

المهم انه طلع فيني التهاب بالمهبل سببه انه انتقل الالتهاب للداخل سبب اني كنت اتنقع في ماي دافي وبيتادين .. وقالت انه لو من البداية استخدمتي ماي وملح كفاااااية . والنظافة الزايدة تضر تماماً ..

وصفت لي على تحاميل ومرهم دكتارين استخدامه خارجي وداخلي .. وادوية مضادات حيوية .. الله المستعان ..وقالت خلال اسبوع بتختفي الاعراض تمااماً

دعواتكم لي . .وما اتمنى احد يمر بالتجربة السيئة وهذا اول حمل واول تجربة ولادة ولا عندي اي خبرة مطلقاً .. الله المستعان على كل شي

ماتشوفين شر انشالله

اللة يعينج حبيبتى ويشافيج انشاللة ياحياتى عورتى قلبى عليج

ماتشوفين شر حبيتي ولا يحوشج المستشفيات الحكوميه

الله يكوون في عونج يااارب
اجر وعافيه ان شاء الله
اقعدي عشر ايام زياده عشان يخف الاتهاب وتهتمين بنفسج وادلعين روحج وتتحنين واذا وصفتلج الدكتوره تحميله وحده اللي تجي بكرتون احمر كانستين اتوقع اسمها هذي عيبها الوحيد انها لمدة 3 ايام من بعد التحميله تطلع افرازات بيضه جنها طبشيره <<< سوري ميح بالوصف ماعرف اوصف عدل

وتقومين بالسلامه يااارب

والله عورتي قلبي
ماتشوفين شر انشالله

انا قاعده اقرا وقلبي يعورني

الله يعينج

ما تشوفين شر و مشكورة عالنصيحه

عورني قلبي عليج

ما تشوفين شر يا قلبي

وطالعة من الشر ان شاء الله

ما تشوفين شر وديري بالج على نفسج حبيبتي

ماعليج شر ان شاء الله حبيبتي ،، ما تستاهلين ..

ما عليج الا العافيه

وما تشوفين شر

ما تشوفين شر وإن شاء الله فترة وتعدي

وما عليج إله العافية يــــــاربــــــــــــ