استفسار عن جهاز التغليف الحراري ؟؟؟؟؟

انا شاريته من المقهوي من قبل 3 سنوات ب 12 دينار

وشريت منهم الاغلفه عباره عن كرتون وفيه كميه ب 6 دنانير

ومادري بعد وين يبيعونه

واهوا عالكهربا يشتغل وصغير طول الذراع تقريبا ..

اذا انتي تحتاجينه وايد اشتريه والله الصراحه مفيد وارخص من مركز الطالب ويوفر عليج وقتج وفلوسج

انا ناويه أشتريه ان شاء الله .. لأن الانجليزي نحتاجه للكلمات الجديدة ..

قبل سنة تقريبا شفته بمكتبة الأسرة بـ 15 دينار ..

اذا تحتاجينه لشغلات كثيرة حرام تكلفين نفسج كل شوي تروحين مكتبة الطالب .. اشتريه وارتاحي …

الجهاز يالغالية عبارة عن حجمين …حجم إي 4فور وهذا إللي يقولون عنه البنات رخيص شوي وما يشيل إلا الأوراق إللي حجمها إي فور

والثاني حجمه إي ثري هذا يكون أغلى شوي وحجمه أكبر ويشيل الأوراق إللي أكبر من الإي فور إللي هي الإي ثري وبعد يشيل أوراق الإي فور

بصراحة آنا أنصحج تاخذين حجم الإي ثري واااااااااااايد أحسن ..يوفر عليج الفلوس والوقت

وآنا أشوف في الوقت الحالي أرخص مكان للجهاز الكبير هو مكتبة جمعية العديلية موجودة في نفس الجمعية سعره تقريبا 19 أو 20 دينار

وأوراق التغليف ملوت الجهاز عندهم بعد واااااااايد رخيصة تخيلي الإي ثري الكبيرة بـ4 دنانير تقريبا والأصغر حجم الإي فور تقريبا بـدينارين

آنا شاريته منهم صار لي جم سنة ..ما شاء الله وااايد زين والأوراق كل سنة أشتريها منهم هم أرخص شي وعندهم النوع الأصلي..وعلى فكرة حجم الإي ثري وااايد حلو مو كبير وااايد وسهل التخزين

موفقة يالغالية

والله ريلي شرالي اياه من مكان صوب البوكات ب27 جنه العام وايد استفدت منه بصراحه
والاوراق اشتريهم همن من نفس المكان بدينارين وشي

ومنكم نستفيد

بشنو تستخدمونه غير البطاقات؟؟

انا اسوي وسائلي فيهم

واسوي لدفتر تحضيري شغلات اقدر استخدمهم للسنة الجاية

واذا تبين تشترين اشتري اي ثري

تفيدج اكثر وتتحكمين بالاحجام

وانا غلطانه شريت اي فور

مالت علي كنت خايفة على دفع خمس دنانير مالت

والاوراق منهم

شرريتهم من المكتبات اللي عند البلوكات

عندهم توصيل منازلهم

الاسعار متفاوته حسب الماركة والجودة
والاورق اي فور اشتر يهم 3ونص

مشكور ة أبلة كويتية للمعلومة

انا شريتـه من المكتبـات اللي وراه البلوكـات ..
من سنتيـن بـ 22 دينـار ..

بس حلوة .. وتحليلينهـا صج ..
صدقيني ماراح تتحسفيــــــــــــــن ..
راح تودعيـن المكتبـات بس تشترينهـا

بنات توني اليوم الخميس 12/8/2010

رحت جمعية العديلية عندهم نفس إللي كنت ماخذته الحجم الكبير بـ17 دينار و 900 فلس تقريبا

والحجم الأصغر الإي فور بـ 12 دينار و 900 فلس تقريبا

بنات ىنا أنصحكم تاخذون الكبير ترى سعره واااااااااااااااايد رخيص واحسن من الصغير وأوراق الكبير نفس ما قلت لكم سعرها بـ 4 دنانير تقريبا وأوراق الجهاز الصغير بدينارين تقريبا

بنات إبلاااااااااااااااااااااش لا يطوفكم ما عندهم وااايد

ما شاء الله كل مرة إييبون كمية كبيرة وتخلص بسرعة

هالمرة ما عندهم وايد لحقوا

وإذا خلصوا سألوهم ترى إييبون بعد

وعلى فكرة آنا رحت مكتبات وزارة التربية هذي ملوت الجملة إللي عند البلوكات سعرهم أغلى من العديلية

موفقين يا أحلى أبلات

الله يجزاج خير

انا بعد العام شريته من العديليه بس حسافه شاريه a4
حده صغير بس والله حده مفيد

مشكوورين ويعطيكم العافيه بنات ^^
ماقصرتوا والله ..