|
|
السلام عليكم ورحمه الله وبركاته
خواتى عندى مشكله احترت فيها …
قبل فترة مريت بظروف وكنت ماخذة اجازة بدون راتب
المهم زوجى بعد نفس الفترة طلع من شغله وزادت المشاكل
وكنت قاعدة بالبيت متضايقه وعينى دمعت وكانت عندى وحدة
من معارفى قالت لى شفيج عسى ما شر ومن كثر ضيقى قلت لها
وهى صديقتى بعد قالت تبجين عشان فلوس ولا يهمج انتى ياما عطيتينى
قصدها قبل لا تشتغل والحين اروح اسحب لج اللى تبين طبعا انا خذيت
منها مبلغ بسيط على قد اللى محتاجته وطول الطريج تقول هذا حلالج
وتذكرنى باللى سويته لهم قبل شغلها وان هالفلوس مو سلف لا ماتبيهم
والله بلسانها قالت حلال عليج …
الحين الحمدلله رجع معاشى بس مو كله استلمه عشان القرض كنت متاخرة فيه
مر شهرين على هالموضوع …
الاسبوع اللى فات كنت اسولف معاها عن راتبى والخصومات اللى على
قالت ايه زين ماتقدرين تعطينى فلوسى الحين لانى مفلسه
انا انصدمت ماقدرت ارد قلت لها الحين لا لما يخلص الخصم اللى على
بس لما قعدت افكر انا مو من النوع اللى انسى بلسانها قالت ما تبيهم
شرايكم ؟؟؟ امانه فكروا معاى …
انا راح اعطيها الفلوس عشان ما احب احد يتمنن على ..
بس هل لها حق فى طلبهم عقب ما حللتهم على
اقصد دينيا هل تعتبر دين ولازم اردة
فيعتبر مو دين عليك
والافضل انك اتردينه لها
عشان مو كل ساعه تغثك بالكلام
ولو تعطينها كل شهر جزء