|
|
السلام عليكم ورحمة الله وبركاته
بنات حبيباتي ابي اسال اللي عندها فكرة عن الدراسات العليا
انا مدرسة انكليزي وصار لي 6 سنين بالتربية ودي اكمل ماجستير ومعدلي العام مايسمح مع اني اداب انكليزي رحت لادراة التعليم العالي بكلية الهندسة قالوا مافي يبون معدل عالي ابي طريقة اقدر اكمل فيها
فـــــــــيــــــــــــــــــــدوني تكفون
انا اللي اعرفه معدلج العام لازم يكون من 2.67 وفوق
وتجتازين التوفل
انا اقتصاد منزلي كلية التربيه الاساسيه و معدلي فوق 3 نقاط
وشوفي نظام الانتساب معترف فيه ولا لأ و في طلبه يسجلون انتظام بس يتفقون مع الجامعه و ينسقون على اساس انتساب
فعشان هالسبب ايضا :-
روحي الفتوى و التشريع بالديوان سأليهم لو يبتي ماستر بعد جم سنه ان شاء الله يعدلون درجتج ولا لازم يكون ماخده تفرق دراسي عشان يعدلون درجتج من الديوان و يضيفون الماستر لج …. و هم هالسؤال سألييي في وزارة التعليم العالي شرط تاخذين اجازه ولا موشرط عادي تجمعين بين الوظيفه و الدراسه وقت الاختبارات بس تقدمين اجازه لان خوفج ما يعدلون الدرجه لو كان رايحه بدون اجازه و يقولون موظفه على راس عملج اشلون يبتي ماستر …. الخ
وهم سألي الشؤون الوظيفيه بالتربيه
و احتاط هم سألي بالجابريه اداره التنميه و التطوير الاسأله السابقه و سأليهم بعد يصير اهم يبتعثونج على حسابج … و عطينا الاخبار لتعم الفايده لان هم انا بكمل بس ما عندي سياره اروح اسأل
واذا تبين اكثر اكثر سألي الاداره القانونيه بالتربيه بعد
لووووووووووووووووووووووووووووووووووووولز حبيبتي البنيه تقولج راجعت ادارة التعليم العالي في جامعه الكويت بالخالديه كلية الهندسه مو تبي تدرس هندسه
يعطيها ألف عافية يا رب
كلش كلش راجعي الجامعات الخاصة
اذا مقررة تكملين ماستر بالتربية اعتقد ما يصير لان لازم يكون عندج دبلوم تربوي
اما اذا بتقدمين ماستر اداب انجليزي فسألي عن شروطهم من خلال كلية الدراسات العليا وطبعا احد اهم الشروط المعدل ( اي ان يكون معدلج جيد جدا ) وطبعا والاولوية للمعدلات العالية .
اما اذا معدلج مو جيد جدا وتبين تكملين اول شي قرري الدولة والتخصص ،
وسألي الديوان ( ديوان الخدمة المدنية )
ووزارة التعليم العالي
وادارة التدريب والتطوير بالجابرية
والله يوفقج
درسي ماستر بره الكويت انتساب مصر
ولندن عندهم ماستر اسمه سمر بروجرام يعني بس بالصيف تروحين بس مدته اطول سنتين او ثلاث وهذا بعض الجامعات تقدمه
والله يوفقج
صح اهم شي ناخذ فايدتنه مالنه شغل بفايدة غيرنه
الانانيه شلون قايله
يعطيكم العافيه
واذا بتسالين روحي كلية الهندسة والعلوم في الخالدية صوب النافورة تدخلين المبنى وتروحين فوق صوب الدراسات العليا وتسالينهم واحاول ادبرلج رقمهم يالغالية
الموضوع مفيد