استفسار بخصوص التخصصات والجامعات الخاصه

مرحبا بنات

عندي جم سؤال واتمنى ماتبخلون بالاجابه

انا حابه اكمل دراستي واخذ بكلريوس انا طبعا عندي دبلوم مصارف وحابه اكمل دراستي بس لما اتوظف لاني ناطره الوظيفه ان شاءالله بكون الصبح دوام والعصر الجامعه

وحاطه ابالي 3 تخصصات شنو تنصحوني

1 . كمبيوتر
2 . تصميم ديكور
3 . علم نفس

كلهم احبهم بس ابي خبرتكم او اذا عندكم فكره اكيده عن احلى تخصص ويكون تخصص له مستقبل حلو يعني لما اتخرج بعد 4 سنين الاقي مكان اشتغل فيه مو محد يقبلني

وبغيت اسال تخصص تصميم ديكور باي جامعه خاصه بالكويت عندنا ؟؟
وتخصص علم نفس بعد باي جامعه متوفر ؟؟

بدون ماتفكرين كمبيوتر
لا الديكور بينفعج ولا علم النفس عليه طلب وايد الا اذا حابه تشتغلين اخصائيه هذا شي ثاني
بس التخصص اللي محد يرفضه الكمبيوتر
وبالتوفيق يارب

تسلمين حبيبتي

الكمبيوتر من اقوى التخصصات الحين والاكثر طلب عليه الحين لتوظفتي اول مايسألونج عنه اتعرفين حق الكمبيوتر واتعرفين انجليزي
وربي يوفقج وعقبال ماتاخذين الدكتوراه