استعددات المدارس لمواجهة انفلونزا الخنازير

السلام عليكم ورحمة الله وبركاته

شلونكم خواتي وشخباركم

كل عام وانتو بخير بدت المدرسة وان شالله بيبدي معاها التجنيد بالتدريس

موضوعي باختصار

اليوم انا ولدي ربي يحفظه ويحفظ عيالكم داوم المدرسة فشرايكم نطمن بعض على استعدادات المدارس لمواجهة انفلونزا الخنازير فكل وحدة شافت استعدادات مدرسة عيالها اواحنا نسأل عيالنا شنو فيها المدرسة من استعدادات ونقول حق بعض

وحياكم الله

ربي يحفظ عيالي وعيالكم يارب

يعطيج العافية يالغالية

وانشاءالله اسألهم وارد عليج

مالهم الا العافيه والله يبعدنا وياكم من شر الامراض

انا عيالي مدرسة حكومية
(علشان ماتقولون لا انتو مدرسة خاصة اكيد يهتمون و اكيد و اكيد غير عن الحكومة …. و الكلام اللي مليت منه و صار اسطوانة متكررة هنيه بالمنتدى مع الأسف)

داومو اليوم و قلت بدخل معاهم اشوف الوضع علشان ارتاح……. و انا ماخذه فكرة من اعضاء مجلس الأمة الله يهديهم ان المدارس مو مستعدة و الوضع مأساوي و ……و …..

بصراحة
بصراحة

ماتوقعت كل هالاستعدادات ماشاء الله عليهم
و يعطيهم العافية

مسويين كذا شغلة و ايد ارتحت نفسيا الله يحفظ عيالنا و عيالكم يارب اقوللكم اللي عرفته من الإدارة:

1. إلغاء طابور الصباح ….. يعنى كل طالب ينزل من سيارته يدخل صفه على طول …. و تحية العلم و السلام الوطنى داخل الصف …… و هذي طريقة وايد ذكية للتقليل الاحتكاك بين الطلبة و بنفس الوقت عدم إلغاء تحية العلم…… اتوقع هذا قرار وزاري يعنى كل المدارس المفروض و يعطيهم العافية على هالفكرة.

2. يوجد معقم يدين داخل كل صف ……. يعنى كل طالبة قبل لاتكتب اي شي على السبورة تعقم ايدها

3. من اول مادخلت المدرسة ….. و ماشاء الله ريحة الديتول كفخت بوجهي ….. الساحات و الأرضيات واضح انها كلها ممسوحة بديتول قوي خصوصا داخل الصفوف

4. ماشاء الله اول مادخلت و الا وحدة من الدرسات جزاها الله خير حاطة بوسترات دعاء (دعاء صرف الوباء ) على بوسترات و معلقة في كل مكان…….

5. اهم فكرة اللي وايد اشكر ادارة المدرسة عليها بصراحة ………… انا اكثر شي خوفنى هو الاحتكاك بالفرصة و التزاحم على المقصف ……. هذا بس اللي كنت افكر فيه….. و قلت بحط حق عيالي جنطة اكل و اقولهم لا يقربون من المقصف ….. بس لما سألت الإدارة و الا ماشاء الله عليهم عملوا حساب هالنقطة بعد و جزاهم الله خير قالتلي وحدة من الاداريات:

احنا سوينا 4 فرص بدل فرصتين في اليوم الواحد (يعنى 1ولى و ثانية و ثالثة ابتدائي …… لهم فرصتين باليوم ، و رابعة و خامسة هم بعد لهم فرصتين و لكن بأوقات مختلفة عن الصغار) يعنى مو بنفس الوقت و لغوا الجرس علشان مايتخربطون الطلبة الصغار مع الكبار …. يعنى مثلا اولى ابتدائي فرصتهم بعد الحصة الثانية ….. الأبلة تقولهم يلا ألحين تبدأ فرصتكم روحوا أكلوا و لعبوا لحد ماتناديكم أبلة الحصة الثالثة. بينما مثلا رابعة ابتدائي فرصتهم تبدأ بعد الحصة الثالثة و نفس الشيء الأبلة تبلغهم متى تبدأ فرصتهم و متى تخلص……. و فوق هذا في كل فرصة مقصفين علشان يتوزعون و مايصير في احتكاك و تزاحم…… يعنى بصراحة فكرة وايد وايد حلوة

يبقى في النهاية و اهو مجرد رأي
طالما طبع في الشعب الكويتي انه يحب الطلعة و مايقعد بالبيت و شفتوا الزحمة بكل مكان بالعيد و رمضان و كل مكان زحمة ….. انا اقول و بشدة …… نعم لبداية الدراسة و لا للتأجيل أكثر من ذلك …… أفضل رأي هو تأجيل الحضانة و الروضة فقط و هذا افضل قرار بصراحة لأنهم أطفال مناعتهم ضعيفة …. بس الابتدائي و مافوق ليش تروح عليهم سنة ……. يعنى احنا من الأساس ببيوتنا قاعد نطلع عيالنا و في مثل يقوللك اللي توسوس منه يجيلك ….. اعرف عايلة فيهم وسواس نظافة كل شي يلمع ببيتهم و يغسلون يمكن 3 مرات باليوم …… و هذا طبعهم من سنين و طبع عيالهم يعنى يحبون النظافة بشكل مبالغ مبالغ بدون ذكر تفاصيل ….. شفتوا هالعايلة حاشتهم كلهم انفلونزا الخنازير !!!!!!!!!!!
و في عايلة ثانية …… خدامتهم حاشها …. و بعدها عادت البيت كله كلهم حاشتهم اسبوع و راح الحمدلله مافيهم شي
و عايلة غيرها ……… البنت رايحة عزا حريم ….. و عادتها وحدة من الحريم
و شفتو الام اللي قابلوها بالوطن اللي عيالها كلهم حاشهم انفلونزا الخنازير بعد ماسمعت كلامها وايد ارتحت ان الموضوع فعلا اخذ اكبر من حجمه

الخلاصة
لو شنو تسوون
هذي اسمها انفلونزا …… مثل ماحاشت كل دول العالم راح تحوشنا و ناخذ العلاج
الإنسان ياخذ باحتياطات التعقيم …. و يترك الباجي على الله لان فعلا الله الحافظ
حتى لو حاشتكم خلو الوضع طبيعي ولا تخرعون عيالكم معاكم ، الأم اللي قابلوها تقول ولدي حاشته كنت اعطيه الأدوية مدة اسبوع و ماعلمته ان اللي فيه انفلونزا الخنازير علشان مايصير هلع (لان النفسية تأثر على المرض) …و تقول بعد اسبوع لما راحت منه قلتله ترى اللي انفلونزا الخنازير ….ماصدق …

و بالتالي يعتمد عليكم انتو اللي تكبرون الموضوع عند عيالكم و انتو اللي تصغرونه
و في كل صلاة ادعو ان الله يحفظ عيالنا و عيالكم امين

الله يعافيج حبيبتي

ناطرين الرد ان شالله

اللهم امين

تسلمين حبيبتي عالمشاركة

ماشالله هذي خوووووش مدرسة واكيد الادارة ممتازو ربي يبارك لهم ويوفقهم يارب

الله خير حافظ والحمد الله ان نسبة الشفاء من المرض 99,99% يعني ماشالله واااايد النسبة تبشر بالخير وماكو خوف من المرض

انا ناطرة وليدي ايي من المدرسة واقول لكم شنو استعداداتهم ؟؟

مشكوووورة حبيبتي كويتية صغيرة عالمشاركة ويعطيج العافية

ربي يحفظ عيالي وعيالكم من كل مكروه

حبيبتي كويتيه صغيرة منو قال ؟؟؟ منو قال إن التجهيزات في الخاص أحسن من الحكومه ؟؟ في خاص حتى مختبرات ماعندهم !!
بالعكس احنا كنا خايفين من الخاص يبخلون وما يجهزون لمواجهة الإنفلونزا .. ,,
كل المدارس فيها الزين وفيها الشين ,, حكومه أو خاص .. واللي يتوجه للخاص له أسبابه واللي يتوجه للحكومه هم له أسبابه ..
مو معناته إن الحكومه مووو شي والخاص ميه الميه لأ أبدا .

الأمر ان الخاص مناهجهم أمريكيه مدروسه جدا ..
ومدرساتهم لهم طريقه في إعطاء المناهج والتدريس وفي التعامل مع عيالنا .. غير الأنشطه والشغلات ..
في ناس ترغب بالطريقه الأجنبيه وفي ناس ماتبيها يريحها الجو في الحكومي ,, مو يعني المنتدى يشجع الخاص ,, هذي آراء شخصيه واحتياجات فرديه.. والمنتدى فيه مواضيع كثيره تختص بمدارس الحكومه وأخرى بمدارس الخاص على السواء .

انا والله مو مهتمه للموضوع وايد مع اني كنت ميته من الخوف في البدايه…
بس والله بديت احس انها تضخيم اعلامي…غرضه في النهايه مادي وسياسي..

المهم ..ماعلينا..

ولدي يقول ان مدرستهم كل ساعه تخليهم ينظفون ايدينهم وادراجهم بالمعقم..
وخذو حرارته مرتين..
وطبعا مثل ما قالو الخوات عن الفرص والطابور…

والباجي الله يستر ويحفظ عيالنا

بس بنات انا توني ادري ان المتوسط صارت طلعتهم الساعه ثنتين الا ثلث …ليششش؟؟؟؟

لا حبيبتى ليس بقصدي التقليل من شأنك او تعبك بالعكس يعطيك العافية و مجهودك واضح في كل موضوع
و انا ما ودي اطلع عن الموضوع الأساسي لهذا الموضوع
لكن اسمحيلي فقط اعقب على كلامك

ما كنت اقصده ان الحديث عن الخاص و المدارس الخاصة اصبح موضة عند امهات الكويت و صار مفاخر مع الأسف و الدليل اغلب المواضيع في هذا المنتدى و ما اقدر اقول شي كل واحد حر لكن يحز بنفسي ان كل ام صارت مع الموجة السائدة بدون تفكير اوتقييم منطقي او بحث عن السبب الحقيقي لتردي مستوى أطفالنا الكل يقول (اي الخاص وايد احسن انتى داشة بفلوسك …. الحكومة ويع اهمال و ماكو تدريس و…)

….. انا كنت اول اصدق ان كل او اغلب المدارس الخاصة وايد احسن من الحكومة طالما في دفع فلوس ….بس لما شفت جم مدرسة خاصة بعيني لما يكدسون 40 طالب و اكثر بالصف بالصف الواحد و لا معقمات ولاشي طارت عيوني و امور وبلاوي ثانية ما اقدر اتكلم عنها ادري عنها من زمان بدون تفاصيل و بدون ذكر أسماء المدارس….. و انا لا اعمم ….. و بنفس الوقت لا اعمم على الحكومة انهم كلهم زينين ……

بس المدح بالخاص جدا مبالغ فيه هنا و في اكثر من موضوع اخذي جولة على نوعية المواضيع هنا تجدين اغلبها عن المدارس الخاصة …و انا ما ألومك ….. ألوم امهات الكويت لأن صار موضة تلقين الأم تبي الطلعة و مالها خلق تدريس تروح تدخله خاص و العصر تحط له مدرسين و اهي تطلع و بعدين تذم بالحكومة…… مو دائما السبب من المدرسة …..شوفي السبب من وين ….. يمكن منك كأم …..قعدي مع ولدك و راجعي دروسه و شوفيه فاهم والا لا …. خصوصا في سنوات التأسيس الأولى …..و بعدها علمي ولدك يدرس اول بأول ….. علمى ولدك الاعتماد على النفس …… اللي يدرس اول بأول عمره ماراح يحتاج ولا مدرس خاص …..

انا لا اشبه الوضع الا بالطبيب الخاص مقارنة مع المستوصف …. اعرف ام …..عمرها مادخلت مستوصف علشان عيالها (ويه ادويتهم مو زينة مامنها فايدة ودي ولدك الدكتور الفلاني يعطيك مضاد بسرعة يتشافى) و عمرها كله طبيب خاص لعيالها و كل مرة يعطيها مضاد قوي (ممنوع صرفه بالمستوصف !!!!!!!!!!) و لما كبر الولد … من كثر المضادات صار ماعنده مناعة !! اذا ……زليس دائما الطبيب الخاص هو الأفضل ……. كما هو الحال ليس دائما المدرسة الخاصة هي الحل او هي الأفضل

انا اسفة لصاحبة الموضوع ….. اسفة جدا انى خرجت عن الموضوع
و اعتذر منك اختى حلم الطفولة ان في النهاية وجهة نظر و انا اعلم ان من هم ضدي كثيرون هنا و راح اجد الكل ضدي و في النهاية لا استطيع اجبار شخص على تغيير رايه ….. و الكل له احترامه
و لكنها اهات مكبوتة خرجت من قلبي ….. لان صار الذم بالحكومة شماعة للكل

والله انا بناتي للحين ما داومو الابتدائي بس
يداومون اعلمكم

مشكوووورة حبيبتي عالمشاركة

والله مادري بس اذا في وحدة من الخوات تدري راح ترد عليج

حياج الله

خواتي كويتية صغيرة وحلم الطفولة

كل مكان فيه الشين وفي الزين سواء مدرسة او مستوصف او حتى دولة

اتمنى ان نقاشكم هذا ما يسبب اي حزازيات وتبقون خوات

حياكم الله حبيباتي

هلا فيج حبيبتي

ناطرينهم يداومون وتقولين لنا

حياج الله

الحين بقول لكم عن تجهيزات مدرسة ولدي

يقول حاطين بالممر مال صفهم معقم واحنا كل شوي نعقم ايدنا ( بس انا معطيته معقم وصابونه خاصين فيه ومعلمته شنو يسوي )

وقالوا لهم ان ماتاخذون من اغراض بعض ولا شي

لاغين الطابور والمقصف بس يقول حاطين مثل سلال ويبيعون فيها وكان عندها زحمة واااااايد ( لا طبنا ولا غدا الشر)

في غرفة كبيرة هي غرفة التعقيم وغيها دكتووورة

بس ما قال انهم شافوا حرارته او اي شي من هالنوع

وان شالله اي جديد في الموضوع راح انقله لكم