استطلاع شنو هو الاستقبال بعد الولاده

انا مو كويتيه اريد اعرف شنو الاستقبال بعد الولاده يعني تعزمون الضيوف بيوم واحد مثل حفله وشوكت تسونهابعد الولاده وشنو طقوسها وهي من تراث الكويت

استقبال الولادة من اسمه استقبال … يعني تختارين يوم تعزمين فيه كل الناس اللي يبون يباركون لج .. تستقبلينهم في بيتج او في المستشفى وانتي اتكونين نايمة بالفراش والناس اييون يباركون لج ويطلعون ..
واتوزعين كاكاو مقهوة وحلو ومعجنات وشاي وبس ..
او انج اتيبين بوفيه واتسويه عشا بمناسبه الولادة …

الاستقبال اهوا يوم تستقبلين فيه الناس في بيتج او في المستشفى ..

واهوا مو من تراث الكويت .. اهوا اختراع اخترعته وحدة ما ادري منو اهيا وصار موضه … يمكن بعد 100 سنه يصير تراث لووول …

انا اعارض الاخت اللي قبلي واقول انه له اساس بالتراث لكن تغير شوي وتطور

كانت المرة قبل لما تولد يزورونها قريباتها وجاراتها على امتداد فترة النفاس ويجيبون معاهم هدايا وأكل

عاد لما تطلع من الاربعين تعزم كل اللي زاروها سواء على عشاء او غداء كنوع من الشكر لهم

الحين تغيرت الظروف صار فيه صديقات وزميلات في الدوام ما تقدر تستقبلهم بأي وقت فتحدد يوم في بداية نفاسها او نهاية نفاسها وتعزمهم

كلهم مرة وحدة فيكون اهوا استقبال للمهنئات وبنفس الوقت شكر لهم على الحضور

البنات ما قصروا