اذا عندج كرت مال الخصومات النصابين دشي!!

قـــوه بنات

شلونكم شخباركم

انا اول مره احط موضوع هني بس قلت افيدكم

اللي عندها كرت ( بطاقتي ) مال الخصومات اذا عرفتوه اللي يوزعونه على طلبة الجامعة

انا عندي ياه و المره قالتلي انه كل ما ينزل خصم يديد يدقون يعطونا بس اهمه ما يدقون عالكل

فبغيت اقولكم ترى فيه خصومات يديده لانه قبل جم يوم رفيجتي اشتركت معاهم ومطرشين لها خصم على دي جي الرندي

والدي جي عجيب انا اتعامل معاه وايد شغلهم سنع اللي تتعامل معاهم تعرف شغله اللي فواز العيدان يشغللج

او دقي عالدي جي قوليلهم اذا سووا عروض يقولولج لانه وايد يخصمون حق بنات الكليه

السنة اللي طافت وزعوا بحفلة تخرج اختي من كلية الصيدلة خصومات ومشالله البنات عقب التخرج كلهم يتزوجون يكونون ناطرين يتخرجون ولا مالجة ومأجله العرس ومن هالامور فوايد اعرف بنات استانسوا عالموضوع

وبطاقتي النصابين يقولون ندز وما يدزون شي

فاللي مشتركه ولا تبي خل تدق على مندوبة بطاقتي تسفل فيها عشان يدزولها لانهم شوي جذابين وما يدقون لووول

ادري ما عندي سالفه لوول بس بعد كلنا بنات يمكن وحده على ويه زواج ولا محتاجه تستفيد بعد مشتركين عشان خصم برجر كنج وبس !!

واذا تبون رقم الدي جي قولولي بس رقم المندوبه حسب اللي انتي مكلمتها عشان ما يستعبطون ويقولون ما ندري

لووووووووووووووول انا عندي البطاقه واستانس على خصوماتها
حق برجر كينج وبيتزا .. وسويت بطاقة مزايا اللي لونها سلفر هم عشان اكمل عالمطاعم الثانيه خخخخخخ
وعن سالفة ان يقولون لنا اول بأول انا ولا عمرهم دقو علي
كله انا من نفسي اسأل اذا يقبلون بطاقة الخصم او لأ .. ومن هالحركه اكتشفت
ان sweet factory ياخذ بطاقة مزايا .. عاد استانست عالسالفه حتى ( كوفي بين ) و جم محل ملابس أحب اشتري منهم
والله خوش شي .. عاد انتهو اللي عندي ذكرتيني بدش السايت اطلب غيرهم ^_^

مشكوووره عالموضوووع ..

إي والله صآجه..

نصآبين..

انآ بس مره قعدت تدق علي الموظفه بين يوم وترك تبي تقنعني أشترك بالبطآقه الحمرآ..

قلت لهآ مآعندي فلوس..

الـ 10 محتآجتهآ

وقتهآ كآنت الاعآنه متآخرهـ

جآن تقول تسلفي من أبوج اختج..!!

شدعوووووهـ..

أهم شي مصلحتكم..

لا وأقول لهآ شنو الخصومآت بشوف تسوى أو لآ..

قعدت تقرق وتقرق..

قلت و لآمكآن من اللي قلتيه أشتري منه..

< تتهرب هههههههههه

حتى السآيت مآلهم قديم..!!

والسعر 5..

والمدآرس 3

ليش يعني؟؟

حآطين العين علينآ ليش إن نستلم مكآفآه؟؟

في بطآقه ثآنيه نآسيه إسمهآ عند أخوي يمدحهآ ويقول خصومآتهآ معقوله..

وأصلآ الخصم مآتسوى بعد..

يعني تستحين تطلعين البطآقه ع خصم 10%

لووووول يفشل..!!

بالذآت إذآ كآن حسآبج أقل من 10

شيخصمون هـع

وآآي قرقت حيييييييييل

مو مني من القهر اللي فيني منهم

سوري

لووووووووول

انا مره سألت الدو البواقين عن الخصم قالولي هذا السنه اللي طافت

وانا بطاقتي هالسنه ماخذتها وفيها خصم @@

كرهتهم

بس بطاقتي ضاعت فبرجر كنج الكلية مالي خلق ادق عالمندوبه اخاف تقص علي تخليني اشتري وحده يديده وانا مقصه لووووول

شنو بطاقة اخوج ؟؟

انا اقولج الموضوع السنع انه خصم الدي جي 50 دينار والبطاقه بعشره يعني اللي تبي دي جي بتكون وفرت 40 دينار

<< مخ تجاري لووووووووووووول

بعد كلنا طالبات ومقحطين شنسوي !!

اي ذكرتيييني تقريبا قبل سنتين كان ( بطاقتي ) مسوية خصم على معهد الجوثن مال التجميل
عاد اختي تمووت بالمكياج وكانت تبي تدش دبلوم مكياج بمعهد الجوثن وسبحان الله كنت رايحه معاها
ولا القى عند الرسبشن صورة بطاقة الخصم عاد سألت جم الخصم على بطاقتي قالت 50 %
عاد اختي طااارت من الوناسه تخيلي الاشتراك مال الدوره ب 500 دينار واهي استخدمت بطاقتي وادفعت 250!!!!!!!!
يعني البطاقة اللي شريتها ب 10 دنانير طيحت على اختي 250 دينااااااااااااار
من يومها وانا كل ماتنتهي اسوي غيرها قلت يمكن اتصيب واروح مكان او عيادة او شي وتطيح مني مثل هالمبلغ لووول

اى بنات

انا وايد استعملها

السنه الى فاتت نزلو معاها بطاقه حق ولي الامر بعد

بس اذا تبين تشوفين الخصومات نزلي الملف من موقعهم وشوفيه
جذي احسن طريقه

وغالبا المكان الى مسوي خصم يكون حاط ستيكر انه اكو خصم

او انتي سأليهم

ترا والله وايد وايد تفرق معاج الاسعار

مسويتها من الثنويه والحين انا بالكليه بس مااستفيد منها

الا ببرجر كنج لووووووول حق البلعه

وي لي هالدرجه البطاقه تنفع؟
انا اذكر سوييت يوم كنت 2 و3 و4 ثانوي ماستفدت منها شي؟؟؟

شكلي بسوي هذي البطاقه الخطييرا الي تخصم حق كل شي

انزين الحين مثلا شريت من محل يقبل بطاقه الخصم فرضا شريت ب 60؟؟ بالخصم جم بيصير؟؟

بالجاامعه محد دق علي وقاالي سوي بطاقه ليش انا منسيه؟

والله انا اشتركت وكل مااروح مكان فيه خصم عليها اقول الحين بستعملها وانسى واطلع من المكان! مضت سنة وما استخدمتها الا مرة.

اهي تنتهي صح بنات؟؟

وعطوني السايت بليزز

الخصم على حسب المكان اكو ناس 10 % اكو اكثر ممكن يوصل لي 50 %

وبصراحه الى شاطره تخلي دفترهم بالسياره ولما تبي تروح مكتبه مثلا تشوف اقرب مكتبه يمها ومسوين خصم تروح لهم

انا كنت استفيد منها للمطاعم محلات الاحذيه كم مره سويت سونار بخصومات يعني شغلات وايد

هذا موقعهم

https://www.betaqati.com/

وهذا الملف حمليه وشوفي الخصومات

https://www.betaqati.com/Images/discount2009.pdf

اهي مدتها سنه وحده

الجديده لي الحين مانزلت نطروا شهر 12 او 1 واشتروها لو شريتوها الحين ماراح تستفيدون منها لانه خلصت السنه

على فكره
الى عندها اخوان بالمدرسه خل تشتري عن طريقهم لانه يبيعونها عليهم ب 3 بس على الجامعات ب 5 واهي اهي ماكو فرق

والله انا سويتها ومااستفدت منها شي
يا أني أنساها أو لما استخدمها الخصم اللي يطلع يفشل
دينارين ثلاثة مايسوى وبرجر جم الخصم 300فلس أو أقل بعد

انا مسويتها وقاطتها والله مالها فايده ..

تووبه بعد ماجددها

احسها مقصه ومالها فايدة