|
|
بنات عفيا قوليولي شسوي انا داشه بالثامن وخرعوني يقولون عادي تيي الولاده بالثامن وحتى لو ماتيي بالثامن انا ادرس بالبحرين واروح بسياره اخاف اولد بالطريج او ايني الطلق لو اولد بالبحرين ميخالف بس لاايييني الطلق بطريج السعوديه وماقدر اوقف قيدي لاني حدي ابي اتخرج او موعد ولادتي مع اختبارات الفاينل شهر 3 عفيا نصحوني شجعوني معطيني موعد ولاده 20-3-2009 وانا اخر امتحان فاينل 23-3-2009 متى اوقف دوام اقدر ااجل الاختبار بس مابي اطوف المحاضرات لان دراستي صعبه شلون صاير الطلق وشلون اعرف اني بولد قبل لااسافر لاني ماقدر اسافر بالطياره بعد مايدخلوني
اذا في الم او ماي او اي شي لاتروحين
اصلا لا تفكرين كثر التفكير مو زين
ربج يسهلهااا واذا كاتب الله بتولدين بالدرب بتولدين
اما عن الامتحانات اكيد بيعذرونج ولاتقدمينهم لان انتي بتكونين خللاص مكمله التاسع
وعن الدوام شوفي الجامعه اعتقد ان اذا انتي منتظمة فدوامج بيراعونج على هالايام بس جيبي لهم عذر انج بتولدين
او خبريهم ان انتي ماتقدرين اتين كلميهم بينيج وبينهم
لان الدكاتره اذا قلتي لهم جدام الكل ما يرضون عشان التسيب
والله يوفقج حبيبتي
انتي اذا حطييتي ابالج تري تولدين امبجر
بس ما اتوقع انج تلحقين علي اخر امتحان واكيد مدير الجاامعه راح يعذرج ويعييدون لج الامتحان