اخيراً: ولدت يوم الخميس 29 اكتوبر

هلا بنات شخباركم وحشتوني
انا الحمدلله ولدت يوم الخميس الموافق 29 اكتوبر الساعه 9 و3 دقايق
والله رزقني باحمد
انا تعبت وايد خصوصا بالحمل والشهر التاسع كان كابوس موطبيعي بالنسبه لي واخر اسبوع قبل لا اولد جاني اكتئاب وظليت على طول اصيح لاني من الاسبوع الثاني من الشهر التاسع انفتحت 1 سم وتجيني طلوق كل ليله وتعذبت ماضل شي بالدنيا ماسويته حتى الحبي على الارض حبيت

المهم مااطول عليكم انا يوم الاربعاء تاريخ 28 كان موعد الوزن ورحت المستشفى كنت وايد تعبانه حتى مو قادره اقعد قلت لدكتورة انا تعبانه وايد خلاص بموت ابي حل حرام جذي قالت خلنا نسوي تخطيط وبنفحصج فحصتني تقول لي 1 سم بس توه الناس شوي وبيغمه علي من القهر سوت تخطيط الا تقول في طلق بس مو مال ولاده روحي البيت اذا زاد الطلق رجعي اه شنو لا لا مااتحرك من اهني اليوم يااولد ياتقتلوني لاني خلاص ماابي حتى اولد لاني تعذبت وايد قلت لها بليز عطيني طلق صناعي قالت مايصير حبيبتي انتي فيج طلق مايصير اعطيج صناعي قالت راح اوسعج شوي عشان يزيد الطلق

قلت اي اي الله يعافيج سوي الي تبين فيني مابقول لا هي وسعتني نص سانتي (وايد عليها)
ودخلتني ارقاد على الساعه 12 ونص الظهر انا قلت لزوجي لما يجي زياره يجيب لي كف مريم معاه الساعه 4 زوجي جه ومعاه كف مريم شربته من صوب وزاد علي الطلق بس كان يجي ويروح الى الساعه 12 بالليل زاد علي وايد وقمت امشي بممر المستشفى كاني مجنونه رايحه راده واني اتوجع الساعه 1 ونص دخلوني ولاده اخ ذيك اللحظه سوني فحص تقول لي الدكتورة انتي توج 1 سم تخيلوووووو احسهم قاعدين يطنزون علي لو يبون يقتلوني بالذبحه ماادري
الحمد لله الله سخر لي قابله الله يوفقها كانت معاي ولا تركتني الساعه 2 الصبح فحصتني قالت لي صرتي 2 سم بغيت ارقص وقتها قلت مابغه يتغير هالسانتي من شهر قالت بعد شوي بفحصج اذا صرتي 3 سانتي راح اعطيج ابره عشان لاتحسين بالطلق قلت اوكي بعد ساعه فحصتني الا تقول صرتي 3 سانتي راح اعطيج الابره .. طقتني الابره من صوب ويزيد علي الطلق من صوب كانه عاطتني ابره تزيد الطلق مو تهديه وقمت اخذ نفس واطلعه وانا متصبره حاولت مااصيح على الساعه 8 قالت لي السستر 6 سم اخر شي سمعته ويجي الموت مو طلق شي كان يقطعني بصراحه وقمت اصرخ وامشع براسي واضرب بالسرير كاني مجنوني وحسيت نفسي اني ادفع البيبي لا اراديا سيده جت الدكتورة وبطت الماي وقالو لي يالله بوش انا مو مصدق اني بولد والالم الي فيني مو شي طبيعي قلت لهم لا ماابي اولد خلاص بليززززززز بموت ماابي والسسترات يقولون لي بووووش واني اقول ماابييييييي الا شوي يطلع احمد حبيبي وتخليه السستر على بطني بس ماكان لي خلقه بصراحه بس ناديت السستر اقول لها تعالي ابوسج وقامت تضحك وتمسح على راسي
بعد شوي طلعوني وجه زوجي وولدي علاوي وجابو احمد عشان يشوفونه قبل لا اروح الغرفه كانو وايد فرحانين وولدي يطلع اخوه ويطالع دبتي ههههههه امي اتصلت وقعدت تضحك وتبجي وانا ابجي كانت ولاده متعبه بس الحمدلله على كل حال ادري طولت عليكم بس اشكر تجمع اكتوبر وايد واسوني باخر ايام قبل ولادتي

الف مبرووووووووووووك ويتربى بعزززج يااااااااارب والحمدالله على سلاامتج حبيبتي

الف الحمدلله على سلامتج حبيبتي

وقرت عينج بشوفة احمداني والله يجعله من الذرية الصالحة

والفال لنا انشالله

الف مبرووووووووووك ويتربي بعزج يارب

الف مبروك ويتربى بعزكم ان شاء الله
وحمدلله على السلامة

الحمدالله على سلامتج

الف مبروووووووك

ويتربى بعزج وعز ابوه

الحمدالله على سلامتج ومبروك ما ياج

حمدالله على سلامتج فعلاُ كانت معاناه بس عدت على خيـر

وعسى الله يبارك لج فيه ويجعله من الذريه الصالحه يا رب

الف مبرووووووووووووووووك ويارب يتربى بعزج

الحمدلله على السلامه ويتربى بعزج وعز ابوه يارب

الحمدلله على سلامتج والف مبرووووووووووووووك حبوبه ويتربي بعزكم ان شاء الله
بس خرعتيني من موضوع الحمال

الف مبروووووووووووووك

مبروووووووك والفال لي

الحمد الله على السلامه ومبروك ما ياكم