اخذ الزوج من مال الزوجه العامله . شرايكم ؟؟

السلام عليكن ورحمة الله وبركاته

في طابع اجتماعي انتشر بالوقت الحالي الا وهو اخذ الزوج من مال الزوجه العامله
او التحكم به …

واذا الرجل بيتزوج يشترط الزوجه تكون عامله..

وان بعض البنات مايرضون ان ياخذ ولا فلس الا برضاها وهذا من حقها اكيد وبالتالي تصل الى المشاكل والفجوات
اللي تادي للطلاق …….

ليش البنات مظلومات ليش الرجال الحين مافيهم خير مو الكل الاغلبيه ليش نفسهم دنيه ؟؟؟؟

بنات شرايكم بهالموضوع ؟؟

موضووع حلوو

ومشكله حيييييييييل متداوله هالاياام

انا بصراحه ماابي زوجي يجي معاشي

بالعكس ابيه بعد ينفق علي

واذا كان محتاج على الاقل يعطيني مصروف البيت والعيال

اذا الزوجه ماعودت الرجال من البدايه على فلوسها ماراح يتجرأ

لكن اذا كل مانقصها شي او نقص البيت والعيال شي خلت معاشه له وخذت من معاشها

راح يتعود وراح تصير بطاقتها بمخباته

لاااااااا وبعد تاخذ فلوسها منه بالمنه

تحياتي

(ام روان)

مورجال الي يمد يده على فلوس مرته

اصلا الحين الرياييل صايرين مو رياييل لانه الريال ما يرضى ياخذ فلوس من زوجته لو على قص رقبته حتى لو تسلف هذا ايام قبل بس الحين ماكو للاسف اللي يرضى ياخذ وحده مو متوظفه عشان اهيا تكد عليه وعلي نفسها وانا مو مع المراه اللي تصير انانيه وما تقط شي على البيت بس اذا كان هالشي بكيفها ومن غير لا يتدخل الزوج ويتطلب يعني حلاتها من نفسها تطلع الشغله لانه عيب عليه اهوه اذا طلب منها والله يعينا في النهايه

والله هالشي قاهرني ياكثر بنات اعرفهم هم اللي يصرفون عالبيت وعالعيال والرجال بس همه كشخته ولبسه

ورفاهيته يااااااااااااااااااااا الله ارحم

هي السالفه تعووووووووود

اذا تعود ان المره هي اللي تدفع وتحط في البيت خلاص يبدا يشيل اييييده ومايدفع

ويمكن ياخذ منها

بس اذا عودته من بدايه زواجهم ان فلوسها لها واذا بتحط للبيت من طيب خاطر ومحد يقول لهاا هذا شي حلوووو

وبعدين في رياجيل هم اللي يحدون المره انها تدفع لانه غثيث الفلوس تطلع منه بالغصب

فالمره المسيكينه تدفع من جيبها بلا منته القشرا

وووووووووووبس

الصراحه مادري هذولي الريايل شلون يحبون الوحده اهيا اللي تصرف عليهم عيل خلااص خل يخلي العصمه بايدها وبس بعد ليش يتعب نفسه مسكين … بعدين اهو لازم يصرف على البيت والعيال وحتى مرته حتى لو عندهاا معاش لازم يعطيهاا مصروووف كل شهر ومااياخذ منها ولا فلس
الا اذا يمكن مسكين عنده ظروف ولاشي مو اهو اللي يطلب بعد اهياا تعطيه من كيفهاا

اهوه شرعا ما يجوز انه الريال يمد ايده على فلوس زوجته بدون رضاها أو يغصبها على هالشي ، بس فيه بنات يتزوجون و يكون الزوج على قد معاشه و يطلبون منه المستحييل بدون ما ينجاس فلس واحد من معاشها و اذا ما نفذ يا ويله ، يعني الله يرضى انها تجبره يشتريلها بيت بمبلغ و قدره و يصير القرض كله عليه لا و فوق هذا يتسجل كامل باسمها ، يعني لا ترحم و ل تخلي رحمة الله تنزل ، ليش نخليها رسميه بين الزوج و الزوجه ، يعني الشرع يقول انه الزوجه مو مجبوره على أعباء المنزل و اذا خمت أو اطبخت الريال لازم يعطيها أجرها صح بس لييييش تصير رسميه و الله العشره الحلوه و تقدير الزوج و أوضاعه تخليه يعطيج ماي عيونه مو بس معاشه ، بصراحه ما أدري ليش هالمشكله مسويه أرق حق وايد بنات و كل من ما عجبها تبي تتطلق و على أسباب تافهه ما شرالي جنطه ما سفرني مجبور يعيشني بمستوى و ما يجيس معاشي شحالحجي ، و اعتذر من صاحبة الموضوع .

الصراحة انا ضد هاي الفكرة .. صج اهو حبيبي و زوجي على عيني و على راسي من فوق ما قلت شي

بس ان ياخذ من فلوسي لاء ..

اهو رب البيت .. و اهوا مسئول عنها ماديا بعد !

المفروض ان يتم الاتفاق على موضوع الذمه الماليه للزوجه لانها لو كانت لها ورث او رصيد بنكي او املاك او راتب يكون خاص للزوجها فقط
ولا يحق للزوج بان يحتفظ بكرت البنك او اي شي خاص بها
والموضوع يكون بدون احراج وبالاتفاق
لان بالشرع يجب على الزوج ان ينفق على بيت الزوجيه ولم يذكر ان الزوجه يجب عليها ان تساعد او تنفق شي وبكل صراحه اذا الرجل شاف زوجته تصرف او تعطيه يستانس
لدرجه ان في حريم يودون العيال ويصرفون عالبيت ويسوون كل شي كأنهم متزوجين الريال زواج مسيار ما يدفع دينار في البيت بسبب ان الزوجه عندها معاش وعندها السيارة وهو كأنه ضيف شرف

انا اعتبر الريال اللي ياخذ افلوس من زوجته مو ريال

لان الزوج هو المسؤول عن الصرف في البيت حتى

لو معاش زوجته اكثر منه…. واعتبره عاله على المجتمع

رايي من راي البنات

الا بحاله وحده الا اذا الزوجه اهي حابه تساعد ريلها بالمصروف .. و طبعا اذا الريال يستاهل مو اي ريال

فية بنات اللة يهداهم علشان ترضى الرجال تعطية بطاقة البنك
ولاتعرف الرقم السرى ولاشئ لاوبعد اهويتحكم بمصروفها وكم يعطيها بالشهر
تخيلو مدرسة معاشها شكثرة وماتاخذ منة الاخمسين دينار؟؟؟؟؟؟؟؟؟؟؟؟؟
ولاتقدر تطلب فلس زيادة بااللة هذا رجال بس هم هالمرة غلطانة من اول عودتة
بابا الرجاجيل ماينعطون وجة مهما كان واذاعودتية ان على انج تصرفين تحملى تحملى
انا بالنسبة لى هالنوعية هذى مالة داعى ابى اعطى اعطى بكيفى وبمزاجى وبتفاهم موغصب وعصبية

اذا المره بتعطي من كيفها اي ميخالف بس اذا غصب لا والله ولا بيزه يشوف شكو؟؟؟؟؟؟؟؟؟؟؟؟؟؟

اذا المره بتعطي من كيفها اي ميخالف بس اذا غصب لا والله ولا بيزه يشوف شكو؟؟؟؟؟؟؟؟؟؟؟؟؟؟

مع ان انا ما احب يكون في فرق بين الريال ومرته بهالسوالف لكن ماياخذ غصب اصلا شرعا مايجوز