مرحبا بنات
بقولكم مشكلتي واللي حيييل مضايقتني واتمنى القى حل 
بنات من حملت حاشتني مثل حاله اكتئاب او ضيجه وزادت اكثر بعد الولاده
انا توني والده صارلي شهر تقريبا بس والله يابناات شي موطبيعي اييني مثل القامت ودي انفجر من
البجي واول مره تحوشني هالحاله يعني بعيالي اللي قبل كان الوضع حدة طبيعي وحدة عادي
واكووون حدي مستانسه ومتشققه عالاخر
بس مادري شفيني الحين صايره حساسه زيادة عن الللزووووم 24 ساعه العبره بعيني
حتى وانا اكتب الموضوع احس فيني خنقه ودي ابجي
مادري شسوي بنات والله ماودي اضايق اللي حولي وبالذات امي مابيها تشوفني بهالحاله
مابي ازهقهم وامللهم بس والله والله موبيدييييي ودي اطلع من هالدوامه ماني قادره
وفيني بعد عيب اللي اهوة اقعد اتذكر المشاكل والاشياء السلبيه اللي صارت بحياتي وهالشي قاعد يقلب حياتي فوق تحت
وايد صايره عصبيه وبسرعه اتنرفز وما اعرف اتفاهم والدمعه خوووو على طريف.gif "Eh S(11)")
بلييييييز بنات شورو علي شسوي واشلون اطلع من الحاله هذي
فديييييييييييييييييييييييييتكم ادري ماتقصرون
حياتي سارونه شلونج ولج فتره مو مبينه
والف مبروك ياقلبي عالنونو
شوفي هالحاله صارت معاي مع بجري بس فتره وتعدي يسمونها اكتأب الولاده وما بعد الولاده بس انتي حاولي تتغلبين على هالشي ولا تخلينه يتغلب عليج ولا راح تتصعب امورج حياتي ,
زوجه اخوي حاشها اكتئاب بعد الولاده تراه خطير يعني لازم الوحده تنتبه انه بسبب هرمونات لا اكثر وما تسوي دراما 
حبيبتي عليج بالاذكاااااااااااار والادعيه
والاستغعااااااااااارات
وان جتج الضيقه حاااوللي تتذكرين شي يسعدج
ولاتضايقين رووحج
وسولفي وضحكي عشاااااان لاتيجج الضيقه
الله يكون بعونك ويفرج همك ويسعدك يارب
ومبرووووووووووك البيبي
تجيني هالحاله اذا ولدت وبذات في بكري كنت بس ابجي ابي زوجي وابي بيتي وكنت اتخيل اني ماراح اشوف بيتي يعني حاله مايعلم فيها الا الله الله لايعيدهاا
واكثر البنات اللي اعرفهم تجيهم
حبيبتي انا دارسه عن الامراض النفسيه بالجامعه عادي لاتخافين
هذا مرض اكتئــــــــاب النفاس شي طبيعي خصوصا اذا كان اول بيبي لك
اسبابه : الخوف من المسؤؤليه وانك صرتي ام وشلون راح تربين هالطفل وخوفك على الطفل وخصوصا اذا جسمك تغير راح تتضايقن شلون راح يرجع مثل قبل
علاجه : راح يخف الاكتئـــــــاب ان شاء الله بعد الاربعين
الله يشفيك
مبروك على النونو عسى الله يجعله ذريه صالحه باره حافظ لكتاب الله ان شاء الله
هوبآآآآآ انا طموشه
الف الحمدلله على سلامتج واسم الله عليج من الاكتئاب الله يشفيج ويشرح صدرج ان شاء الله سمعي قران اختي نصيحه والله
الله يعينج
صدقيني هي فتره وتعدي وحاولي كثر ماتقدرين تتخلصين من هالحاله مبجر
كلنا مرينا بهالشي اقري قران واستغفري دايم تلقينها تخف بالتدريج او من غير ماتدرين عن نفسج
الله يهون عليج يارب طلعي غيري جو صدقيني من البيت كله قاعده فيه مهما يكون الواحد لازم يطلع يشوف الناس ويستانس روحي قعدي ع البحر انتي وريلج انا سويتها وارتحت كنت كله ابجي وطلعت وارتحت نفسياً عسى الله يشرح صدرج ويفرحج
بعد عكري سارونه الحمدلله على سلامتج ترى انا صار لي جذي باخر ولاده بس لاني اعاني من مصيبه كبيره وهم وغم والله اني نزلت 20 كيلو ماتنفست عدل
يا قلبي عليج بالدعاء والاستغفار يمكن تخف عنج ضيتج
مع اني واظبت عليهم بس للاسف ماشفت اي نتيجه لازلت اعاني من الهموم
تعبت
يمكن انتي يتغير وضعج
عسى الله يفرج همج ويفتحها بويهج ويشرح صدرج اقري سوره الشرح وشغلي سوره البقره
ياحياتي هالحاله كنت اتذكرها بأمي بكل ولاداتها يصير معاها جذي ~
ومن تطلع من النفاس تخف تدريجيا لين تختفي ~
ترا مو شرط تصير بس بالبجر
انا صارتلي بثاني ولاده
من يصير الليل انقلب فوق تحت
ما ودي اللي حولي ينامون ابجي تخيلي
شغلي قرأن دايما واذا فيج بجيه طلعيها لا تقمتينها
حاولي تطلعين تغيرين جو شوي
والله يهون عليج