|
|
صارلي سبوع بليل اذا ببطلع عيوني احس ماقدر ابطلهم؟؟ بالغصب تتبطل يعني قاعده احاول ابطل عيني احس مو قادره تتبطل خصوصا الاحظ انه عيني تكون مدمعه شوي ويكون قمص عرفتوا يعني من القمص ماقدر ابطل عيني بس شعور يخرع بصراحه
وين احسن دكتور عيون؟؟ ابي عيادته وينها فيه ويكون قريب وتلفونهم؟
غلطانة يا قلبي هذه عيــــــــــــــــــن الله يحفظج انشاءالله روحي المستوصف يمكن رمد! انا على طول جذي عيني فيها حساسية من الغبار
واذا تلبسين عدسات يمكن عدساتج مدتهم منتهية غيريهم رفيجتي جذي
وانشاءالله مافيج الا بالعافية روحي اقرب مستوصف اليوم لا تسكتين على عمرج
امبيه توني اغفل وانا من مده مالبست العدسات
ان شاء الله بروح بس تدري الحكومه مايبردون الجبد ابي دكتور متخصص حق العيون وين؟
انتي روحي المستوصف واهم يحولونج على البحر وااايد يمدحون دكاترته
انصحج روحي انترناشونال كلينك د عبد الصمد هندي بس عجيب
روحي عند محسن ابل واااااايد شاطر وفاهم مشالله عليه
انا كنت كله جذي لان عيوني واااايد حساسه
الله يشفيج
رحت المستوصف قالتلي مافيج ولاشي اقولها والله عيوني ماقدر افتحها وان طالعت الشمس تدمع
تقولي لا ماكو شي وصدقتها مالت علي!!
رحت البحر ظليت اسبوعين مع ادويتهم مايابت نتيجه للحين
امي ودتني دار الشفاء عند دكتور العايله لوول دكتور محمد وجيه والله العظيم اول مادشيت وشاف عيوني
قالي التهاب حاد و فايروس بالقرنيه انتي شلون مو يايه من قبل!! قالي لو ناطره اسبوع بعد جان عملية بالقرنية !!
عطاني أدوية والله العظيم ما اجذب بـ3 ايام عيوني خفت و بأسبوع راااااااااح و بعدها رديت البس عدسات عادي ومافيني شي
روحي دار الشفاء عند دكتور محمد وجيه فاهم بكل شي بالعيون
روحي لدكتور سامي الربيعه عند نادي التظامن بالفروانيه