احترت من كثر المدارس ؟ وين الاحسن ؟؟استطلاع

مرحبا يا امهات وياكويتيات ..
بدش بالموضوع بسرعة وماني مطولة عليكم ..

محتارة وين ادخل ولدي اي مدرسة انا ناوية ثنائية اللغة بس وين اي وحده ؟؟ ما ادري ؟ كل وحدة تمدح لي مدرسةوتشتت بين مدارس اللي عندها خبرة تفيدني انا ابي مدرسة ثنائية اللغة وتأسيس قوي للغتين
1- الكامبردج
2-المستقبل
3- الباكستانية
4 الرؤيا الخاصة
5-المعرفة النموذجية

طبعا وكل وحدة تقول الزين عندنا والشين حوالينا
ويييييييييييييييييييييييين؟؟

هلا حبيبتي انا رشحت الكامبردج لأنه وايد يمدحونها و بتوفيق انشاله

والله انا بنات عمتى مدخلين عيالهم الباكستانيه الانجليزيه بالسالميه يقولون زينه وايد وقوي .. وبنات اخوى يالرؤيه وزوجة اخوى تمدح بالمدرسه وااايد .. انا عن نفسى عيالى صغار وبعدهم على المدارس .

والله يا سيد الغنادير اعتقد جاوبت على الهوا مباشرة اني جربت الباكستانية ومشيت معاها كتأسيس .

ولج حرية الاختيار .

مشكورين حبيباتي على الرد والمرور..
وام احمد كول ان شاء الله يكبرون الصغار وماتحتارين بمدارسهم )

الباكستانيه كتاسيس حلوه ورخيصه

انا ولدي كان بالباكستانيه اللي بالسالميه
اولى وثانيه روضه

والحين اهوا وبنتي بالمعالي ثنائية اللغه

اللي برميثية

مادري عن الباجي
بس الباكستانيه لا لا لا
والله العظيم بنات عمي 2 طلعو عيالهم منها ….

الرؤية بناتي فيها من8 سنين وما أفكر أطلعهم قوية بالقرآن والتجويد قوية بالعربي يتخرجون من الروضة يقرون قصص والعلوم موت صعب والانجليزي قوي بس العيب الوحيد كثرة الواجبات بشكل مو طبيعي