اتمنى دخوولكم ومشاركتم لي بمعانتي ومساعدتي بخبراتكم

االسلاااااااااام عليكم ورحمة الله وبركاته
هذا اول موضووع لي بالنت وانا بصراحه ما دخلت وشاركت الا ابي مشاركتكم لي واستفيد منكم ومن خبراتكم …
انا ولدت قبل 6 شهور تقريبا ودكتكورتي الله يحرمها العافيه ولدتني بطريقه زفت تخيلوا بنات عمركم سمعتوا بكر تولد بساعه وحده ….. اي هذي انا ولدتني بساعه من غير اي محاولات جات وهي منفسه وسحبت ولدي بالشفاط والنتيجه قعد ولدي 35 يوم بالعنايه المركزه تحت التنفس الصناعي وغذا عبر انبوبه ومن اشعه مقطعيه الى رنين مغناطيسي وتحاليل وقصه ماله اول ولا اخر شتوقعون نفسيتي وغير هذا كلام الدكاتره اللي يحرق القلب اللي يقول ما راح يعيش واللي يقول اذا عاش بيعيش باعاقه وكلام يخلي الصاحي ينجن …المهم طلع ولدي بالسلامه بس مع الاستمرار بالعلاج الحمدالله بفضل الله انا اشوفه طبيعي 100 بالميه بس كلام الدكاتره ما ريحنيي ابي اي وحده سمعت بمثل حالة ولدي او مرت فيها تفيدني وتريحني وتطمني الله يريحكم ويطمن بالكم ابي اشوف عقب فتره شنو نتيجة كل هالللي صار فيه مع العلم اني للحين مستمره بعلاج التشنج وهو كان معاه نقص اكسجين بالراس سبب له تشنج مع الحمدالله كل التحاليل والفحوصات زينه بس ابي اتطمن منكم واللي يعافيكم ….

حبيبتى مايشوف شر انشاءالله ولدج والله يطمن قلبج علية
بس سامحينى ماعندى فكرة

الحمدالله على سلامتج
وعسى الله يشافي ولدج ويخليه وتفرحون فيه ..

الله يشافي ولدج يا رب
والله ماعندي فكره حبوبه

خليها على الله ولا تحاتين واللي عليج سويتيه والمكتوب بيصير ما راح يغيره اي شي بس خلي املج بالله كبير ان نقص الاكسجين ما يكون اثر عالمخ وصار معاه ضمور والباقي يهوووون

ربي انشاءالله يبعد عنه كل مكروه و يحفظه لج

علشان ربي يشافيه .. لاتدعين للدكتورة ربي يحرمها العافية !! العافية مابتجيك اذا دعيتي لحرمان غيرج منها ..

ترى حرام مايجوز .. الله سبحانه وتعالي ماراح يتقبل دعائج ..

اهم شي انتي ادعي لولدج بالسلامة وان شاء الله مافيه الا العافية

مع ودي

حبيبتي ولدج الحين عمره 6 شهور معقوله مابين فيه شي ؟اذا صاحي ولا معاق؟ترا يبين من العين والتصرفات ؟؟؟بعدين شنو نوع التشنج؟وين ولدتي منو دكتورتج؟

اعرف احد بنفس حالة ولدج بالضبط بس ردي على اسالتي علشان ماافتيلج

حبيبتي الحمدالله على السلامه واستمري بعلاجه وانشاءالله يتشافه يارب

وين ولدتي ومنو دكتورتج
الله يشافيه حبيبتي وتشوفينه معرس يارب

الحمدالله على سلامتج حبيبتي والله ايشافي ولدج يارب

الله يشفيه ان شالله وانتي استمري بالعلاج

الله يشفيه لج يارب

ويفرح قلبج بسلامته

هلا حبيبتي الذوق تدرين وانتي قاعده تتكلمين عن ولدج بكيت كانج قاعده تتكلمين عن ولدي بالضبط بس انا ولدي نقص اكسجين بسبب هبوط بالنبض فجاه ولمن ولدته كان موقف النبض سووله عملية انعاش والحمدالله عاش والله نفس الكلام اللي قالوه لج قالوه لي ويمكن اكثر انا ولدي قعد شهرين بالمستشفى ومن طلع ماكو مستشفى ما نراجعه ومن اشعه رنين لي اشعه مقطعيه لي سونار
حبيبتي اذا حابه تواصلي معاي عالخاص انا ولدي عمره 8 شهور