اتمنى الموضوع يكون بقسم الحياة الزوجيه لاني ابي المتزوجات يردون علي

صعبه تاخذينه مطلق وايد صعبه ترا تو الناس ليش تاخذين مطلق ؟

اذا الريـال الكل يمدحـه اخذيـه
بس مطلق مرتين وانتي صغيـرووونه
استخيري وشوفيه نظرة شرعية يمكن ما ترتاحين
عسى الله يوفقج باللي فيه الخير

والله يا حبيبتي الطلاق مو عيب وفعلا يمكن الغلط يكون من زوجاته مو منه بس انتي اتقولين اتخافين ان طلق الثانيه لان ما نسى الأولى انزين اذا هذا السبب ليش يبي يتزوج الثالثه ؟ ماله شغل حبيبتي يمكن في شي بينهم ما تعلمين فيه

بس انا اقول انتي عمرج 23 وصغيره وهالريال مطلق مرتين ومازلت اقول الطلاق مو عيب بس الموافقه مراح اتيي بسهوله بالنسبه لج انا اقول صلي استخاره وما تدرين الله شنو كاتب لج

سوي استخاره

مع اني اخاف من الرجل المطلق
وانتي صغيره ويجونج خطاب

نصيحه اخذي واحد ما سبقله الزواج

وكل شي نصيب

اشلج في عوار الراس ,,,توج صغيره وانشالله اييج اللي احسن منه ماسمعتي المثل اللي يقول الباب اللي اييك منه الريح سده واستريح

استخيري و الله يوفقج

حبيبتي صاجه الاخت اللي قالت صعب تتزوجين مطلق مرتين انا والله مب قصدي اسود الدنيا بعيونج والله يشهد شوفي حبيبتي انا عمري 35 سنه ومتزوجه وعندي عيال ومن خبرتي بالحياه انه الريال اذا طلق المره الاولى اوكيه ممكن نقول السبب من الزوجه بس مرتين هذا معناته فيه خلل فالزوج وحتى لو ابوج يمدحه والجيران يمدحون تراه كل انسان جدام الناس يتجمل سواء بالشكل والهندام او بالسوالف واللسان الحلو والذرابه بقولج سالفة وحده قريبه منه وعزيزه وغاليه والله ثم والله خلوقه وجميله وشهاده ومتواضعه مع العلم انها من عايله مثل مايقولون هوامير فالبلاد تزوجت وعمرها 22 وسكنت بشقة فتره طبعا لا خدامه ولا شي مراعاة لظروفه وقرر يدرس برع وخذها وياه وكان عندهم بيبي وظلت تقريبا برع سنتين طبعا ماتنزل الامارات الا ايام بسيطه بالصيف بس وتسكن بيت اهلها وعقبه حملت بالغربه وولدت وخذ الماجستير ورجعو وتبهدلت فالسكن بين بيت ابوها وبيت اهله والشقق تخيلي فالسنه تترس الجناط وتفضلي الجناط 6 مرات والكل يمدحة وهي طبعا ماتكلمت لانه اهلها ربوها على الستر وانه البيوت اسرار بعد فتره وفجاه يهينها ومايحترمها ويطول لسانه على اهلها والله الكل استغرب انه هالانسان جذى وخلال هالفترة مازالو الناس يمدحونه وعرفة السر اتاريه يبي يتزوج وماعنده لبيتين ويبي يتخلص من الاولى وخيرها تسوي خلع ويعطيها اليهال وتطلقت بعد ما بهدلهم ومحاكم ومحامين وحاله وبعد مافاحت ريحته طلعو ناس وايد يعرفونه انه معقد وجدام الناس صلى الله وبارك وتزوج والحين الزوجه الثانيه بيت اهلها من شهور فيالغاليه انا اقول اسالو عنه فدوامه من كذا جهه واستخيري انشالله بيكون نصيبج احسن وحبيبتي ترى الطلاق مب سهل والزوجتين اللي قبلج ما بيكونون مختارين الانفصال لاسباب تافهة . رائ الشخصي لو ترجع بي السنين وارد بعمرج وخطبني بظروفه هذي ماراح اوافق ترى الزواج مسوليه وعيال وعمر لا تسلمين حياتج لانسان انتي خايف من باجر ومنه .

الله يكتبلج اللي فيه الخير حبيبتي

صلي استخاره

صح والله
لا تخدعج المظاهر
الله يكتبلج اللي فيه الخير

محد يقدر يفيدج

احنا نعطيج وجهة نظرنا بس
انا من رايي انتي صغيره و حلوه و ما عليج قصور انشالله و الريال مطلق مرتين !
صراحه انا احس انه يبيج علشان يبي عيال ؟ احساس ياني

انا اقول شالله حادج
محد يبي حق نفسه عوار الراس

بس بالاول و الاخير مالج الا الاستخاره
الله العالم يمكن نصيبج عنده
سوي و شوفي شنو يصير

الله يكتبلج الي فيه الخير *

استخـــــــــــــيري وبس

دااايما المطلق عنده مقارنات يعني اهو ما طلق الاولى الا يبي احسن منها ولا طلق الثانيه الا يبي احسن منهم يعني انتي ما تدرين اهم شنوو يمكن العيب منه وبعدين حرام ترى انتي صغيره اخذي واااحد لا له تجارب ولا هم يحزنون

استخيري والله يختارلج الافضل

بس ترى الرجاجيل غيير عن الحريم يعني مو كل من مدحه ابوج معناته يعجبج
انا ابوي يمدحونه كل الرجاجيل وهو للاسف مايستحق كل هالمدح مع احترامي له <<اللي اقصده نظرة الرجال غييير