ابيه يفهمني؟؟ كيف السبيل

السلام عليكم ورحمة الله وبركاته..
وحشتونه بنات كويتيات

بنات انا عندي مشكله او مو مشكله بمعناها لا هو اختلاف بالآراء مع ريلي في شي يخصني

بنات انا قبل ما اتزوج كان لي حياتي الاجتماعي ونشاطاتي الكثيره الي من خلالها حققت لي مكانه اجتماعيه حلوه اشعرتني بوجودي ومن نشاطاتي اني كنت اكتب في جريده يوميه مقالات اجتماعيه وسياسيه وبرزت فيها لدرجه باه اصبح لي عامود نوعا ما ثابت وغيرها بالاضافه لنثر وايضا كنت ماسكه باب احد المجلات بس بشكل مو دائم متقطع لنشغالي بالجريده غير اشتراكاتي بالنشاطات التوعويه والتطوعيه

غير اني كنت عضوه بارزه والحمد الله في الهلال الاحمر ولي كثير من المعارف من الفئتين
غير الدروس الدينيه والمحاضرات وإلخ

كنت سعيده جدا بما اعمله واني حققت نجاحات كثيره بعدت مجالات لكن بعد الزواج ريلي رفض كل هذا النجاج ورفض تواجدي في عالم الصحافه حتى لو من بعيد حتى لو اكتب باسم مستعار رافض الموضوع نهائيا تضايقت حاولت اتفاهم معاه ماكوا فااايده وبصراحه حز في نفسي اترك شي احبه وابدعة فيه وصار لي عشاق من خلاله لكن مافي اليد حيله فتركت عالم الصحااافه الابد وبعدين صار كل اشوي يسحب مني شي صار رافض نشاطاتي الاجتماعيه وطبعا رفض حضوري اجتماعات الهلال الاحمر وحتى رفض اني امارس اعمالي التطوعيه وسحب كل شي مني كل الي حصلت عليه والي كنت استمتع فيه والي حققته .

بنات استسلمت له ووافقته وإبتعت عن جميع هذي الاجواء بحجت اني متزوجه ولازم اهتم في بيتي اكثر

لم الحين مر على زواجي تقريبا بنكمل 5 سنوات بس بنات انا احس بفراق اجتماعي صج ماعندي وقت من العمل الي النادي الي الدروس والزوارات بس احس اني لازم افيد انا عندي عدت مواهب ومنها انا اخذت دورات كثيره بالتجميل وعالم المكياج وايضا انا لي طابع او استايل مميز لي في عالم الازياء بحيث اني والحمدالله الكل يسأل عن عبائتي وايضا دراريعي فقترحت عليه اني استثمر وقتي بشي يفيدني وفي مجال هواياتي باني افتح مشغل او صالون او ارجع لعالم التوعوي والتطوعي

بس بناااات رافض نهائيا يبيني بس له ولعيال (انا مو مقصره الحمد الله) بس انا بحس بليزا الانسانه المنتجه المفيده لاتقولين انتجي في بيتج الحمد الله مو مقصره فيه ولكن ابي شي او نجاح يميزني عن الكل الكل النساء امهات ولهم ابيوت هذي سنة الحياة والحمد الله بس مافي بالموضوع تميز او انفراد

ابي اانتج ابي احس بنجاح حققته انا بذاتي ابي شي مستقل عنه ابي احس بنجاحي انا بروحي شي صنعته وابدعته شي يححقق طموحاتي ويلبي رغباتي وهواياتي وايضا يحقق لي ربح مادي مستقل ألمس من خلاله نجاحي وتطوري وتميزي وانفرادي

بنات مو راضي يفهمني ابيه يحس فيني عيزت اناقش وافهم وتحايل وازعل مااااكوااا فااايده مو راضي اطلع بره حدود جناحاته ..

فرجاء شوري علي شلون اتصرف واعطوني افكاركم واقتراحاتكم..

ومشكوره على تجاوبج معاي

لاحظت اغلبكم يعانى من نفس المشكله واعتقد لنفس السبب ان الزوج الكويتى انانى ويحب يتملك زوجته يبيها له بروحه حتى لو كان اهو منشغل عنها مثل زوج نفيشه والسبب الثانى انتم يابنات الكويت الى تحطون انفسكم بهالموقف شوفوا مشالله السوريات شلون قويات ومشين رجالهم على الصراط المستقيم انا ماقصد تمردوا عليهم

بفهمج ان الزوج على حسب ماعودتيه وفهمتيه من اول الخطوبه وتعلمينه اذا تحبنى وتبى تتزوجنى لازم تقدر اشغالى وتشجعنى مثل ماشجعك واوقف معاك طول العمر

حبيبتى اسمحى لى الغلط منج قبل زوجج المفروض ماتنازلين وتتمسكين برايج وتقولين له خلنى اشتغل واذا قصرت بحقك بالبيت او بحقوق عيالى وقتها لك حق تمنعنى عن شغلى خصوصا اعمالج كلها شى يشرف ويرفع الراس ماهو شغل هشك وبشك مثل التمثيل او الغناء والخرابيط هذى بالعكس لج دور فعال وتأخذين اجر على تطوعج

اول شى تسوينه قولى له يذكر لج اسباب المنع مو جذى على الفاضى يمشى كلامه وبس علميه انج انسانه قبل تكونين زوجته ولج حقوق

والدين ماحرم عمل المراءه بما يرضى الله ولا العادات ولا التقاليد ولا قوانين البلد او دستور الكويت يعنى من كل النواحى العمل مسموح فيه ودينا يشجعنا اصلا نتعلم ونعمل ونساعد الغير للخير

واتمنى لكم كلكم كل الخير وانشالله يلين راس ازواجكم وترى الزوج كلمه توديه وكلمه تجيبه عقله مثل الطفل تقدرين تحكمين فيه مهما كان له جبروت وهيبه صدقونى طفل كبير بس منو الذكيه الى تقدر تتحكم فيه وتخليه يوافق على طلباتها ورغباتها
كل وحده تراجع نفسها وتلاحظ طريقه تعاملها مع زوجها اتوقع بتلقون انكم الغلط لانكم دايم تتنازلون عن حقوقكم بحجه رضاه وطول عمره مايرضى لانه طماع صدقونى ياخواتى ابي اساعدكم لاتحسبونى بشيشكم عليهم ولله يعلم بالنوايا ونيتى الخير للكل

بقولكم قصه صغيره ولله العظيم واقعيه وحصلت لصديقتى هذى سلمكم الله بنت مسالمه وهاديه بشكل قاتل وكانت صحفيه معروفه وعقلها تجارى البنيه ودها تكون سيده اعمال وزوجها غنى بس بخيل ومتسلط اختنا فى الله لما اشتهرت بالجرايد وصاروا رؤساء التحرير يطلبون منها مقالات اكثر زوجها استخف وقالها شغل ماكو مع انها على فكره تشتغل فى بيتها وعمرها مادشت مبنى الجريده يعنى تكتب مقالات بوقت فراغها وهى قايمه بشغل البيت كله من كل النواحى ومخليته هو مثل الملك مدلعته وهم ماكفاه منعها عن الكتابه بدون عذر بس جذى لعانه وقامت تتحايل عليه وترجاه يخليها تفتح مشروع نسائى مافيه اى اختلاط ابدا بالرجال وبالموت وافق بعد ماذلها واخرتها يوم بطلت مشروعها قام يخرب عليها وقالها سكريه عناد واضطرت الحين تبيعه بخساره بس عشان ترضيه ولما جاتنى تبكى وتشكى قلت لها تستاهلين انتى الى علمتيه على هالحال تحملى تعذيبه وعمره ماراح يرضى عنج وهم بيزيد تسلط وانتى السبب

وصديقتى الحين تتعالج عند دكتور نفسى بسبب سوايا زوجها فيها

وفيه خير الريال يركب راسه بشي والله تشرشحه بالمحاكم وترتز ولا يهمها احد
لكن احنا اصيلات
زوجي
وعيالي
ونفسياتهم
ومكانته
وقدره
كل من يعمل باصله

شنو الي ذابحنا غير بيتي وعيالي وآخاف يتعقدون وينحرمون وغير

الله يكون بالعون بس ….

انا اليوم قمه بالاكتئاب وحاسه ان الدنيا سوده والسبه

انه ما احس بأهميتي…وصرت ضعيفه.. (هشه) ..كلمه تكسرني وتحبطني

صج مليت من هالوضع

واكيد راح اغير كل شي (بعون الله)

وانا اتفق مع نفيشه بكل شي