ابي فزعتكم ارجوكم ساعدوني ياالمتكممات

السلام عليكم

اخواتي بالله انا جربت كل انواع الريجيم طول عمري متينه وانا احاول اضعف دون فايدة حتى سمعت عن العمليات تشجعت وبنفس الوقت خفت لكن دخلت النت وقرات الكثير عنها ما شالله اكثر شي استفدت من منتداكم الرائع وفزعتكم لبعض لهذا اشتركت بمنتداكم طمعا منكم بمساعدتي

انا ذهبت للدكتور خالد العنزي ما شالله الكل يمدحه ماكو اي احد ذمه ورحتله وجلست معاه وطبعا اول ما شافني تخرع من وزني انا صغيرة 26 سنه لكن حييييل متينه
المهم
نصحني بالتكميم الصراحه انا رحت ابي ربط لكن قال ما اسويلج ربط ما ينفعج غير التكميم
اعطاني اعمل شوية تحاليل لكن من قرائتي لتجاربكم اكتشفت انكم مسوين تحاليل وااااااايد اكثر من تحاليلي انا فقط قالي تحليل شامل ودم وغدة
المهم
انا حجزت بالسلام بتاريخ 19-11 بس الحين خفت ما ادري وين اسويها بالسلام ولا السيف احس من كلامكم انه السلام مو بشي ابي نصايحكم الله يخليكم لا تخلوني قولولي وانصحوني وفيدوني انا حيييييل خايفه وبنفس الوقت متحمسه ما ادري شلون تركب لكن هذا هو شعوري وابي احد ينصحني

انا ما قلت حق احد اني بسوي العمليه ما احد يدري غير زوجي بعد ربي
ارجوكم لا تحرموني ردودكم
تكفوووووون

وشلون بالنسبه للتحاليل ليش انا شوية تحاليلي

بليييييييييز ابي ردود

حبيبتي لاتخافي وايد راح ترتاحين بعد العملية و هذه التحاليل عبارة عن تحاليل شاملة من كوليسترول ودم وحديد والسكر والكبد وكل شي والغدة فهذا يكفي لاتحاتين الدكتور عارف شغله وبالنسبة للمستشفى انا عملتها بالسيف مادري ماكان عندهم الا بالسيف ولمن سألت السكرتيرة ايمان قالتلي مافي فرق اليلام او السيف نفس الشي وتوكلي على الله

..~

الله يسهل لك كل عسير يارب

وتوقومين بالسلامه
والله خطوه تغير حياتك تغير جذري
توكلي ع الله وسويها من دون تردد..

وبالفعل الربط ما تفيد الا اللي تبي تسوي رجيم وتفقد ١٠ كيلو
هذي اوكيه تفيدها
بس اللي تبي تفقد ٢٠ كيلو وط الع الsleeveوبس..

عموما ماعندي علم في مستشفيت الكويت
بس اللي عندها خبره راح تعلمك

.~

اي والله انا نفس الشي قالتلي ايمان مافي فرق بين السيف والسلام لكن انا ترددت وخفت من كلام بعض البنات
مشكوووورة يالغاليه حيييل ريحني كلامج

ممكن استفسار انتي متى سويتيها وكم نزل وزنج اذا ما يضايقج تجاوبين اكون مشكورة حبيبتي

حبيبتي مشكورة وما قصرتي يالغالية
اييي انا اقل شي المفروض انزل 100 ك مشواااااري حيييييييل طويل
اتوقع بحالتي يبيلي استئصال معدة مو قص

حبيبتي راح يصيرلي 3 اسابيع وكان وزني 100 لحد الحين نازلة 9 كيلو و الحمدالله بس حاسة اني اكثر من 9 كيلو و

اختي انصحج سويها ولا ترددين ولا تعلمين احد خوفا من العين وشدي حيلج والله يسر لج ان شاء الله وتقومين بالسلامه.

صباح الخير لله ينولك مرادك وفالك الرشاقه انا نفس الشي ودي بالعملية بس عندي مخاوف من الغثيان والاستفراغ بس الكل يمدح العملية والكل ماشاءلله مرتاح انا موعدي نهاية 2024 وربنا كريم ودي انزل 40 كيلو يارب الكل يكون رشيق وما يضيع تعب العملية عزيزتي لب هيرت العملية حدها الم او الواحد ممكن يحس انه مريض وده يكون على السرير طول الوقت يعني احساسه يفرق عن احساس المرض ؟

ما شالله تبارك الرحمن
انشالله توصلين للوزن المثالي يارب
والف الحمد لله ع سلامتج
الي مخوفني بعد انه البنات يشكون من تساقط الشعر بشكل كبير

حبيبتي
والله انا باذن الله مسويتها بالموعد المحدد لكن مشكلتي الخوف الي فيني وانا ما علمت احد مابيهم يحاتون وربج يسهل

صباح الورد
امين حبيتي والله يحقق مرادك انتي بعد سبحان الله الايداخل الانسان الخوف

اختي سكرة 2024العملية بالعكس ماتخليج تحسين انك مريضة لكن التعب الخفيف هذ مو مشكلة اول 3 اياام تعب وبعدين خلاص

توكلي علي الله ياسين المتن

انتي حبيبتي يالريم مسويتها شنو شعورج الحين كم نزلتي ؟
ندمانه انك مسويتها ولا لأ ؟ الحين حياتك طبيعيه وتاكلين عادي ما في تعب او ترجيع؟
وشلونج مع تساقط الشعر؟
ادري اسالتي كثيرة الله يعينك تحمليني