|
|
ابي فراش حق قطوتي يكون كبير اكبر نوع ومريح مو اسفنج تحتها وخلاص
وين احصل بنات ؟؟
بس احلى شي من موقع amazon عليه حركات روعه
أوووو اتجيبين لج صندوق من خشب أو قش أو كرتون بالحجم اللي يناسب قطوتج و تشترين وساده مع اغطيه خاصه فيها على اساس كل ما يتوصخ تشيلين الغطا و اتغسلينه
لو خيالج واسع تقدرين انتي تسوين لها فراش على ذوقج ( ىنا قبل سويته للمرحومه توته)
يبي سلة على المقاس اللس يناسبج بس أطرافها مرتفعه تلاقينها بكل مكان ملوت الأثاث والاسواق الشعبية وهم بإيكيا تحصلينها.. واشتري الكوشيات على حجم اكبر منها بشوي علشان إدش فيها وتثبت .. وحاولي تيبين الكوشية لها سحابة تتبطل خصوصا لو كانت قطوتج شيطونه راح تحاول تغيضج أحايانا وتوصخ الفرش .. فا تحطين تحت القماش نايلون .. تلفين الكوشية من داخل بالنايلون مال المطبخ ( بس مو تشيدينه عليها) .. وتلبسينها مره ثانية بالكفر مالها
هالطريقه حلوه وتناسب ذوقج
مالج خلق ولا لج مقاقه وودج تطلبين من الانترنت
أكو في مركز سلطان كورنر للطلبيات عالانترنت تدفعين له عموله 4 دنانير ويسويلج الاوردر لو ما تعرفين .. وسلامتج
اهو يضبطلج كل شي .. لأنج لو بتطلبين انتي لازم لج صندوق بريد في الفيدكس او الدي اتش ال ولويه .. خله كله عليهم احسن
وامازون وايبي أءمن شي عالانترنت .. بس حطيلج كرت للشراء عالانترنت مو تحطين رقم حسابج العادي .. او لو عندج بطاقة الوطني للتسوق هم كويس
واي ليش قرقت؟
عالعموم اختاري اللي يعجبج ,, والبنات اكيد بيفيدونج اكثر
سوي لهاا سله وحطي فيهاا مخده ناعمه 
وبعد في بيوت إسفنج بدايسو وبعد في بسوق الحمام
وفي بسوق السالميه من برى محل بت هاوس عندهم هالبيوت
بس عندهم تشكيلة ولا انتي ما رحتي مكان ثاني؟ ووين صاير؟ لاتقولين اللي بالشويخ؟ 
الله يهيج اختي ناس مولاقية تاكل ولا لافية مكان تقعد فية وانتي ادورين فراش حق قطيوتج