|
|
اشلونكم يا حلوين؟؟؟
انا اراجع عند دكتوره راجيني بدار الشفا وميته ابيها مابي اغيرها بس حصلت ضروف وريلي يبيني اولد بالهادي لان الشركه يدفعوله مبلغ محترم اذا ولدت بالهادي لكن الشفا مو مشمول بالعرض والفرق بالمبلغ بين الاثنين راح يطلع عليه الشفا اغلى ب800 دينار فرق
فمابي اغث الريال واكلف عليه قلتله اللي يريحك انا المهم اولد بخاص وامي يمي
فقلت ابي اسال احلى بنات وادري منتو راديني يا بعد طوايفي >>>>بدينا بالمساحل خخخ
ابي دكتوره بالهادي رجاءا بدون احراج مابي اسامي رياييل كللللش لان لو شنو ما اولد عند ريال
ويفضل تكون الدكتوره هنديه لان ارتاح للهنود مادري ليش
اذكر ناس سولفو عن وحده جنه اسمها بهواني بس قالو عجووووله ومطفوقه شوي وماتحب تولد اليهال اذا زاد وزنهم عن 3ونص وتوقع ريلي على تعهد انها تخلي مسئوليتها مادري شنو
فقلت اسالكم احسن انتو اشرايكم عموما بالمستشفى والستاف والعنايه؟؟؟ وفي احد مجرب ابرة الظهر عندهم؟؟؟
يليت تردون علي باسرع وقت لان مابي اراجع عندها حزة الحزه ماراح تعتني فيني ابي اروح افتح ملف وتشوفني
وبس سلامتكم وتعيشون ناطره ردودكم العسل يا عسل
وهم بهواني اخت رشمي ممتازه
وانيتا يمدحونها البنات
يقولون رشمي بتسافر شهر وشوي
وبهواني تغيرت سمعتها لان وايد عجوله وماتصبر عالوحده
بس انا دشيت شهري واهي بترجع نهايه شهر12 وشكلي بولد قبل ماترجع
فأفكر اولد عند بهواني
او انيتا للحين محتاره
اذا الله رزقني انا انشالله عندها
وترى بهواني انا سمعت انها عجوله بس وحده من اهلي توها والده من اسبوع عند بهواني انطرت عليها يومين ومافتحت بطنها مثل مايقولون وكان صدرها وسيع معاها وتمدحها
انا شكلي باروح حق كل وحده مره وبعدها استخير والله يكتب اللي فيه الخير يا رب