ابي خبرتكم بالمطاعم الرومانسيه

السلام عليكم خواتي الغاليات..
ياطويلات العمر عقب باجر عيد زواجي وابي مطعم يديييييييييد ورومانسي واهم شي اكله حلو ابي اعزم زوجي ف مابي يتحلطم علي ويقول موحلو الاكل.. جربت لونوتر ومطاعم هوليدي ان وكراون بلازا والشيراتون وسفير والهاشمي والمرسى ووووووووووووووو وايد مطاعم .. ابي شي يديد وجوه هادي اذا ماعليكم امر.. ومشكورررين مقدما

مطعم الدانه رحت له قبل سنتين كان يهبل كله زفر اكلات بحريه@@

وعندج مطعم ميس الغانم حلووووو

مغل محل اللي بشرق احلا شي

وشهريار موذاك الزود بس اكله حلوووو

و…………و……….. والله من زمان عن المطاعم؟؟@@

يحليلج فرح حدج من زمان.. مطعم الداااااانه بحححححح هدموه راح ماكو شي من اثره و باجي المطاعم رايحتلها .. ابي بعدددددددددد.. مشكوره يافرح يابعد جبدي

روحي مطعم سكوير اللي ورا الكنيسة حلو بس غالي شوية او روحي مطعم فندق الراية وايد حلو وذرب وفيه مطعم يمدحونه في برج جاسم اللي يم التامينات اذا ماني غلطانة ايطالي

روكي مطعم بيكوك بفندق ساس حيل هادي ورومانسي واكله عجيب

مطعم فيروووووووووووووووز الي بالشعب حلو والي بالكووووت احلى واحلى
والله يهنيكم ويخلييييلج زوجج ويطول ابعمره قولي ءاااااااااااااااااااااااااااامين

Le Notre’ عجيب
و هارد روك… انا انصدمت منه.. قعدته حلوة وجوه عائلي حيل
و عندج برج الحمام
بس انا اكثر شي احبة لي نوتر.. حجزي برايفت سيكشن و شوفي الرومانسية

في مطعم اختي قالتلي عنه تقول بشاليهات شبك السطره الي يم دوار البدع في مطعم تنزلين تحت طريقته وفي حوض ماي بالنص تقول حده رومنسي

فيلا فيروز

ممكن تشوفين لي اسم المطعم ماعليج امر..

والله كل المطاعم رايحتلها فيما عدا بيكوك و سكوير و الي بالرايه وبرج جاسم .. الباجي كله مجربينهم..
جد جد اشكر كل وحده ردت علي واقترحت مطعم او دعت دعوه طيبه الله يبارك لها ويرزقها كل الي تتمناااه ..

زوجي وداني قبل اسبوع مطعم فيش ماركت طبعا بحري عند الابراج
وجوه عجيب كله احواض سمج
وطريقتهم يديده وحلوة مو نفس باجي المطاعم زوجج اكيد راح يستانس

تاخذين سله وتحطين فيها اللي تبين يطبخونه لج يعني مثلا زوجي خذا ام الربيان وانا ستيك سالمون اخترناه احنا وتختارين الخضار وبعدين طريقة الطبخ

ووايد روعه

مشكوره اختي انجل.. بس انا ودي جو المطعم يكون رومانسي .. ادري طلباتي زايده بس ابي يكون في نوع من الخصوصيه .. يعني مطاعم مافيها خزني واخزك كل واحد لاهي بعمره واحس فش ماركت لان يديد ف كله شباب ومكانه يوحي بعد..

نصحج في مطعم بومزيان اللي ابرج جاسم
كطعم روعه وتشوووووووووووفين الكويت كلها والمطعم دائري
يعني حتى لو زحمه ماتشوفين كل الطاولات لانه على شكل دائره بس تشوفين الطاوله اللي جدامج واللي وراج
زوجي وايد استانس من المطعم وحتى قال اذا زاروه ربعه الاجانب بييبهم هالمطعم

انا انصحج فيه وروحي شوفيه قبل ماتحجزين باي مطعم

في مطعم ساشي مكان قيصر مقابل الشيراتون