ابي الردود الطيبه فديتكم

السلام عليكم

اشلووووووووووووووووونكم حبيباتي

انا حامل بشهر تاسع وكم يوم يعني تقريبا 10 ايام حلو المهم ابي رايكم وردودكم

على …………….

النفاس

شنو احتاج من اشياء اشربها وشنو احتاج اشياء للجسم اجابل فيها نفسي لين اخلص اربعيني

انا زهبت اكلي يعني مضبطه اموري حق الاربعين بس بعرف شنو اللي لازم اشربه يوميا
وكنت بعرف ظروري احط مكملات تبييض وتقشير وهسوالف للجسم ولا موظروري

اذا ظروري فديتكم عطوني الاساسيات المهمه اللي لازم استخدمها علشان ازهبهم من الحين وافضى لنفشي عدل فديتكم ماقصرتوا وانطر ردكم

الله يهون عليج يارب

وانا بعد ابي اعرف

ان شاءالله البنات مايقصرون

لرفع..

انا بالنفاس اكل اكل عادي ماكو شي معين لاني مااحب طبخات النفاس لكن شي ضروري الدويات مامنها مهرب امي تعرف اني مااحب الدوا بالاكل سوت لي لهوم ورا كل وجبه اخذه والهم قفشتين و وراهم ماي وتمر عشان الطعم يروح وغير تمرة الرشاد كذلك
اما الخلطات عادي مره استخدمت خلطه من العطار و بالثاني الخلطه الصابونيه مع خلطة بياض الثلج
اما الثالث ولادتي بالشتا وامي حلفت علي مااحط هالخلطات تقول الجو بارد وبتنقعين بالحمام تفركين بعدين يدشج برد مو بفايدج تفركج بس اخر خمس ايام استخدمة الصابون المغربي

نصيحه ولادتج بالشتا اهم شي دفي نفسج واكلي عدل الرجال مايهمه الا شي واحد

الحلبة شربيها كل يوم عشان الرضاعه وانتبهي مو اي كريمات تقشير تستخدمين اذا ترضعين لانها تدخل بالجسم وتضر البيبي هذا قريته ع علبة الكريم فانتبهي وشربي شاي الطبيخة هم خاص للوالدة
اكلي تمر وتغذي عدل وكثري شرب الماي والحليب والشوربات والفاكهة بعد عشان اليافها والخضره والبيض
..الجسم اول ما تولدين بيخرعج لونه وبطنج بالذات فعطيه فرصه وبروحه راح يفتح شوي شوي وعلى اخر اسبوعين ابدي الاهتمام بالتفرك والتدهن ولا تنسين جرحج تجابلينه عدل من تنظيف وميبو وووو

اوكي انا بدفي نفسي وكل هالامور بسويها بس ابي اشياء اشربها اشياء اجباريه ومهمه ابي الاساسيات مثل شنو وللجسم لمن اسبح ماحط شي انقع جسمي فيه ولاموظروري ولا بس زيت زيتون يكفي ؟؟؟؟؟؟؟؟؟؟؟؟؟؟؟؟؟
انا بسابع والعاشر بيييب رداده انشالله والاكل مااحاتيه بس مثل ماقلت شنو اشرب وشنو احتاج للجسم

وشكرا على مروركم فديتكم والله

مو لازم تنقعين بشي بس استخدمي بعد الولاده مسهل وانتي بكرامه عشان الخياط تو مالتم استخدميه مدة شهر
وبالنسبه للخياط استخدمي الغسول تالي في بخاخ يصرفونه المواساة والسلام وايد زين اسمه جنه دراي سبري لونه ابيض قاتل للبكتريا بعد الغسول رشي عالجرح تالي حطي كريم الجرح اللي واصفه لج الطبيب عالخياط واشربي مره و حطيها صوب خشمج عشان ماتشمين عطور من اللي يزورونج ويلتهب الجرح الله لايقوله ولا تنسين المضاد الحيوي اكليه

يا حلو ام فوااازي و ردودها فديتها ما قصرت

مشكوووووووووووووووووووووورين فديييييييييييييييييييييييتكم وشكرا على المرورررررررررررررر