|
|
قووه بنات
بنات هالسالفه مو توها صايره لأ صارلها تقريبا سنه بس للحين منرسخه في بالي ابي اقولكم اللي صار وفهموني اللي صار من حقي اتضايق والا لااا
اعزمتني رفيجتي لعرس اخوها اهي البنت مو رفيجه حيل بس علاقتنا حلوه المهم ولبيت الدعوه ورحت انا وامي وخواتي ثنتين كشخت طبعا هالكلام قبل لا انخطب لبسي كان ناعم مو اوفر ومكياجي وشعري بصالون بس ناعم مو هذي السالفه
دخلنا وقعدنا وانا عيوني تتلاقط ادور رفيجتي عشان اسلم عليها واباركلهم شفتها من بعين اشرت لها طالعتني انا اتبسم لها واي اتطالعني بنظرات وابتسامه باهته وصدت انا قلت يمكن مو حاطه بالها ورحت سلمت عليها وباركت لها واهي تتغصب ترد علي بنفسيه استغربت قلت لها امج اي وحده ببارك لها ماردت علي انحرجججت وربي موقصدي غير ابارك انا متعوده جذي
وكنت قايله حق امي بنادي رفيجتي اتسلم عليج امي مره عوده اقعدت على اول كرسي ووعليا يايه اتوجب رفيجتي عطتني ظهرها وراحت امبي تمنيت الارض تنشق وتبلعني ليش جذي اهي صغيره 22 مفروض تتبسم وترحب بضيوفها وتسلم وتروح وترد الحياة حلوه 
الحين السؤال بتقولون ليش خاصه البدويات لان رفيجتي بدويه انتوا شرايكم يالبدويات بموقفها اللي صار وسوته هل يحصل بعروسكم هل تعامل الضيفه هالمعامله والا رفيجتي حاله خاصه؟؟
وابي كل البنات اشرايكم بالموقف انا زعلت عليها من بعدها ما اكلمها هل يستحق الموقف والا انا حساسه؟؟
بانتظاركم.gif "Eh S(21)")
اكيد في سبب حاولي تعرفينه
!!!!
مادري ما اظن ان من درب ورايح سوت هالسالفه
غلطانه لانج ما عرفتي ليش
لا حبيبتي طبعا احنا موجذي بعروسنا هذي وحده خبله بعيد عنج لول
خلها تولي زين
خاف اهيا من نظام انا كاشخه لاحد يكلمني خخخخخ
هذول مرضى اصلا
انسي الموضوع واحقريها والغيها من قاموس حياتج صج ماتستحي
الحمدلله والشكر زين منك وجبتيها بس جد ناس ماتستاهل
بس مادري رفيجتج شقصتها يمكن انتي حساسه او يمكن اهيا مرتبكه من العرس ومو منتبهه ومشغووله او يمكن اهيا غيوره او محتره او مادري
بس تصرفها غرريب احنا لي صار عندنا ضيوووف نوقف معاهم لي الباب ما يطلعون الا متعشين ومستانسين بس غريبه رفيجتج
عاد لا تاخذين فكره عن البدوو لووووووووول تراا بالعكس اهما اهل الكرم والضياافه ومن غير قصور بالحضر كلنا جذي
بس رفيجتج لا تعليق مادري
ماعندها سالفه رفيجتج
المفروض تستانس لانج وجبتيها وجيتى عرسهم
على الاقل تسلم عليج وتضحك مو رافعه خشمهااا
ومالوج تحز بخاطرج لان ما فزتلج ورحبت فيج
بس صج بعض البنات ماتعرفينهم الا بمواقف وتطلع منهم وحركات باايخه ومالها معنى شنو شنو راح تخسر لو سلمت وضحكت
يبا طاااف وماطاح من النجوم اخف للسمااا ياما بتشوفين اشكال ههههههههههههههه
. ومايحتاج اقولك عن البدو تعرفين اكرام الضيف عند البدو يمكن يجوعون عيالهم بس ضيفهم يحطونه عالراس..بس هذي طفيليه ومايمنع تكون بينهم.
لان موقفها غرريب حدده
….
انا بدويه .. مااسوي جذي 
لا طبعا مايححصل احنا بعروسنا انسلم على الي مانعرفهم شلون لو رفيجه … اكيد رفيجتج حاله خاصه
وابي كل البنات اشرايكم بالموقف انا زعلت عليها من بعدها ما اكلمها هل يستحق الموقف والا انا حساسه؟؟
دزي لها مسج وشوفي ردت فعلها لو طنشت سحبي ع صداقتها السيفون ..
ولا احنا مو من عوايدنا كذا بربعنا وجماعتنا
بالعكس نرحب البعيد ونحطه الف حساب قبل القريب
يعنى احنا مرات يجونا حريم من برا العائله ومرات يكنون بس بيوجبون ويسافرون
نلزم عليهم وندخلهم البوفيه قبل كل هالعالم ونعشيهم ونودعهم
هاذى غريبه بصراحه
عزمتني بدوية على عرس خالها ..
ولزمت علي وعلاقتي مثل ما تقولين حلوة مو رفيجات حيل .. اشوفها واسلم عليها بالجامعة
الله فوقي ..
عاملتني جني ملكة .. من دخلت ليما طلعت واهيا يا قلبي تداري فيني ..
تشوفني وين قعدت .. ووين قمت .. وخلتني اسلم على امها .. وخالتها ..
وغصبتني ارقص معاها ..
ووجبتني ولزمت على العشى ..
ولمن طلعت وصلتني لي الباب ..
كرم ما بعده كرم .. الله يحفظهم ويبارك لهم ..
بعدين اذا رفيجتج غلطت .. ماله شغل اذا اهيا بدوية ولا حضرية ..
انا لاعزمت رفيجاتي على عرس
عيني على الباب انطرهم ولابعد حاجزتلهم مكان وكل شوي اجيهم ولا اخليهم يمشون الا متعشين
السالفة مو سالفة بدو وحضر
ترا كلنا بالنهاااية بشششششر