ابي استفسارات من بنات جامعة الهندسه ضروري بليز

بنات الهندسه ابي اسألكم اسأله وبليز جاوبوني
1ـ كم نسبتج الي دخلتج الهندسه مع القدرات؟
2ـوكم لازم اجيب نسبة القدرات ؟
3ـوشنو المواد الينقدمها حق للقدرات ؟
4ـ وكلية الهندسه سهله ولا لا؟
5ـوتدريسهم يكون انقليزي ولا عربي ولا مرات جذي وجذي؟؟؟
وشكراً

القدرات لازم تمتحنين

رياضيات
انجليزي
كيمياء

و لازم تيبين درجات زينه عشان لا يلعب بنسبتج مالت الثانويه
يعني شدي حيلج و درسيله عدل

و الكليه تدريسها كله انجليزي

و ما اقدر احدد اذا سهله ولا صعبه بعد هندسه شرايج كلها مواد رياضيات و فيزيا يعني اللي يحب هالمواد بيمشي فيها

العام بنتين بمدرستي وحده يابت 91 و شي و الثاني يابت تقريبا 93

أم 91 إنقبلت هندسة كورس أول
أما أم 93 لأ قدمت قدرات شهر 12 و أنقبلت كورس ثاني

يعني أهم شي القدرات بس بعد شدي حيلج بالثانوي

موفقة

طبعاً المكافئ : نسبتج + القدرات

لازم تمتحنين انجليزي ورياضيات و تييبين درجات عالية فيهم

علشان معدلج ماينزل وايد ،،

و حاولي تييبين امتياز بالثانوية ،

و بالنسبة للدراسة ، الهندسة كراف x كراف !

لازم تتعبين في الدراسة علشان تييبين قريد حلو ،،

وماكو شي صعب بإذن الله ، موفقة : )

الهندسة مايبون كيميا

بس انتي قدميه ونجحي فيه

أحسن ،،

اقتباس:

المشاركة الأصلية كتبت بواسطة 9oOo7awee>_< en بنات الهندسه ابي اسألكم اسأله وبليز جاوبوني 1ـ كم نسبتج الي دخلتج الهندسه مع القدرات؟ 2ـوكم لازم اجيب نسبة القدرات ؟ 3ـوشنو المواد الينقدمها حق للقدرات ؟ 4ـ وكلية الهندسه سهله ولا لا؟ 5ـوتدريسهم يكون انقليزي ولا عربي ولا مرات جذي وجذي؟؟؟ وشكراً

هلا والله
اول شي لازم تمتحنين قدرات وماتضيعين على نفسج ولا فرصه عشان ماتتوهقين

اول شي نسبه الثانويه:: انا كنت ماخذه 96 ونص بس في وايد بنات انقبلوا بأقل من هالنسبه …يعني نسبة الثانويه مو اهي اللي بتحدد مصيرج لأ (نسبة الثانويه +القدرات )اهي اللي بتحدد مصيرج

اما بالنسبه للمكافئ انزلت نسبتي وصارت 88 وشي ..اما بالنسبه للحد الادنى للقبول هو 82 وشي

وبالنسبه للقدرات لازم تمتحنين انجلش وماث وكيميا

والله انا توني مستجده بالهندسه يعني بعد ماعرفت مواد الهندسه عدل لان اول سنه بالهندسه لازم تاخذين مواد العلوم وبعدين تاخذين مواد الهندسه

بس انشالله سهلات انتي شدي حيلج وانشالله قدها وقدود

التدريس طبعا كله بالانجليزي بس الدكتور مرات يشرح بالعربي

اما بالنسبه للدكاتره كل الجنسيات موجوده في الكويتي وفي الهندي وفي المصري والسوري واللبناني والالماني والانجليزي والامريكي وفي المسلم وفيه المسيحي يعني مختلف الاديان والجنسيات

انشالله اكون فدتج بردي واي سؤال انا تحت امرج حبيبتي