|
|
السلام عليكم ورحمة الله
انا توني مسوية تنظيفات والحين توني خالصة الدورة اللي بعدها وابي اراجع عند دكتورة ثقة وشاطرة ونفسها حلوة يعني بالعربي حليوه وبالها طويل
وانا قيصريات وعندي اجهاضات وايدة بدون سبب معروووف
وما كنت قبل افكر بالتوأم بس الحين مضطرة والله العالم اني اجرب التوائم لاني تعبت من التنظيفات والاجهاض وابي اراجع عند دكتورة تكون شاطرة بسالفة التوائم وابي تساعدني بإذن الله ان احمل بولد يعني ابي توأم صبيان إن الله راد وهالشيء ترى مو تشرط لا استغفر الله بس والله اعاني من شغلات وايد ونفسيتي مو مساعدتني والظروف كلمالا وتصير لا تحتمل …
انا سمعت عن د الانصاري بس شلون على ابرة التفجير وشلون السونار اللي تعرف جم بويضة نازلة يعني اراجع عنده بالاكل وابرة التنشيط واكمل عند دكتورة ثانية والا شلون ؟؟؟
عموما انا عندي ملف عند ماجدة بس ياربي ما ارتاحلها وهمن د هدى الناصر وما ادري خوفوني منها بنات المنتدى وهمن د نداء وهمن احس ما استفدت شخصيا منها
فياليت اللي تعرف دكتورة شاطرة بهالسوالف ونفسيتها حلوة تساعدني عشان ابي اراجع عندها الاسبوع الياي …
وهمن اللي مجربه ولادة التوائم واهي قيصرية شلون كملت لي التاسع والا ولدت قبل وبأي شهر ولدت ؟؟
وابي كلام عن تجربة عفيه لاني ما احتمل تجارب والله يرزقني ويرزقكم ان شاء الله
وكلهم استشاريين
عندهم رئيس القسم محمد صلاح الدين سوا النظام حق رفيجتي وحملت بتواءم صبيان بس مسكينة طاحت وطاح منها واحد وظل لها واحد بس
حتى هذا الدكتور حددلها الساعة بالضبط اللي يصير فيها الجماع
.gif "Eh S(20)")
والدكتورة منى موسى بعد وايــــــــــــــــــــــــــد حليوة هم في نفس المكان
.gif "Eh S(15)")
حاولي انك تبتعدين عن مصادر الكالسيوم و زيدي الأكل اللي فيه بوتاسيوم.
بعدين اذا عندك اجهاضات مو كأن اثنين أو التوم تزيد نسبة الاجهاض ..يعني واحد أسلم لك…و ادعي ربك بالذرية الصالحة وكل الدكاترة الحين يعرفون هالسوالف وشطار
روحي حق ناهده العلي فوزيه القطان ومهجه البدر
عندهم ضمير ويخااافون الله
مشكورة يالغالية وما قصرتي
بس انا سمعت انها غلت وايد وانا ما احب الدكتورة المادية وبعدين انا ما عندي مشكلة بالرحم عشان الربط انا المرة الاخيرة مات البيبي ببطني وما رضى ينزل حتى الطلق الصناعي سويت وما نزل يعني سالفة الربط ما احتاجها وهمن بناتي حملت فيهم وما احتجت الربط ولا طرووه علي لان الرحم الحمدلله سليم ..
وهمن اعرف بنات من اهل حمولتي وايد عندها يراجعووون و ما شاء الله اهم عشر عندها وتعرفهم ومابي الكلام باجر يكثر اي راحت وتبي ولد والا توأم ما تسوى علي لا يبا الرسول صلى الله عليه وسلم يقول واقضوا حوائجكم بالكتمان ….
________________________
فلللا مشكورة يالغالية وجزاج الله خير على الدعوة والله يوفقج ويعطيج ما تتمنيني ان اشاء الله
انا اول مرة اسمع فيها هالدكتورة منو تعرفين راح لها وشنو سوت لهم ؟؟
زين
كله ما اقول حق أحد ماارتحلته يقولي ما عندج سالفة
أنا من واقع تجربه فوزية القطان
وماشاء الله تبارك الرحمن
كذا وحده اعرفه بفضل من الله أحملت عنده ويابت توأم
بس حبيبتي
أهم شي النفسية
وارقي نفسج بالقرآن حبيبتي
بقولج شي
نصيحة من أخت
تري كثرت الأجهاض عين
للأن عندي شخص عزيز تكررت أجهاضاته لم راحت قرأت طلعت محسوده
والله يوفقج
وبسألج عن دكتورة هدي الناصر أهي الدكتورة هدي الناصر
وشنو فيه موزين
مشكووورة وايد ممكن تسألين رفيجتج شنو سوالها بالضبط بس ابي اعرف الخطوات
ود محمد صلاح الدين اهو نفسه اللي كان بالسلام والا غير
_________________________________-
ام عزيز
انا والله مو ناوية الحين يعني على الاقل بعد دورتين بإذن الله يعني انا بادية اسوي النظام بس مو قادرة اضبطه يعني مكتوب كثري كورن فليكس شلوةن بدون حليب وانا طبيعتي احب الاجبان ودايما الكالسيوم عندي مو شيء لاني ما اشرب حليب ..
يعني محتارة بالنظام .. يعني شنو على الريوق وشنو على العشا …
واذا على الاجهاض انا مو معرووف اسبابه يعني ما عندي سبب وحملت ببناتي طبيعي لما ولدتهم ولا شكيت من شيءيعني مافي سبب محدد وقلت بأجرب التوأم ما تدرين الله يرزق من يشاء بغير حساب والله يقول اسعى ياعبد وانا اسعى معاك
وانا لوما عانيت خصوصا اخر مرة من التنظيفات جان ما فكرت بالتوأم بالمرة وهمن الظروف اللي حواليني مو مساعده على الرخا والله العالم …
والحمدلله على كل حال ..
_______________
سارا ديور
مشكورة يالغاليه وما قصرتي
ماجدة ملفي عندها بس نفسيتها ما تساعد وايد ما تحب تسمع انج فاهمه عندها كل الحريم اللي يراجعون عندها ما يفهمون بالطب يعني اذا شرتي عليه شي طايفها تقولج انا الدكتورة مو انتي ومهما كنتي قارية وفاهمه ما راح تصيرين الدكتورة …
يعني اسلوبها مو شيء ..
بس حسام القاضي مو عندها
شلونه يعني زييين ؟؟؟
___________________
وقلت حق فرووحة ليش مابي اروح لمعصومة وودي بدكتورة ثانية ..
__________________
كويتية مذهله
مشكووورة وجزاج الله خير
انت ييتي على الجرح انا مابي دكتورة مادية كلهم صايرين جذي وانا شكثر ملفي عند دكاترة وودي اثبت عند وحدة مو قادرة كل وحدة تلاقين فيها عييب والمشكلة الاعظم فيهم انهم ماديييين
شلون فوزية مو ماديية والله بنات امدحوها وبنات ذموها
ياليت تقولين تجارب البنات اللي استفادوا منها ؟؟؟
وهمن ناهدة العلي ؟؟؟
__________________
رينبو برايت
وايد مشكووورة على الدعوة والله وايد محتاجتها الله يجزاج الف خير ويرزقج الجنه والله تتمنين ان شاء الله دعوة من قلبي والله
__________________
ام هاجر ايي بس احسها نفس ماجدة والا شرايج مو ماديييية ..
والله انا نفس مو مرتاحتلها وياليت تقرين ردي على البنات وايد تفلسف وعندها انها مخترلاعه الذرة انا ما احب جذي احب اللي تتواضع يعني مو شيء واو انها دكتورة انا بعد شهادتي عاليه ومثقفة ولله الحمد واعرف شغلات وايدة والنت ما خلالهم شيء صح والا لأ
ولما تتعامل مع مريضة فاهمه وايد هالشيء المفروض يريحها ويصير النقاش بينهم على مستوى عالي وهالشيء ماشاء الله لقيته عند د نداء بو خضوور
بس حسيت ما استفدت منها واييد والا اهيا حليوة وايد حلوة نفسيتها وعشان جذي وايد تريح ..
امانة من واقع تجربة مثل ما تقولين شلونها فوزية القطان ؟؟؟
ونفسها حلوة ؟؟؟
وشلون اسعارها لان من تصير غالية ثقي انها مادية ؟؟؟
وسمعت ذبحة عندها …. امانة ياليت تفيديني؟؟؟
واذا كثرت الاجهاض عيين فالحمدلله انا ادري بهالشيء وادري اني معيونه بشغلات وايدة والله ما عندي الا بنتين والكل يفطن لهم وهذا مع كثرت اجهاضاتي جنهم صبيان مو بنات …والحمدلله وانا رقيت ببنتي الثانية ورقيت اللي بعدها بس همن طاح بس الاخير صارلي نساة الله لا يوريج حدها جايدة وصرت اكره شغلات وايد والله سبحانه صدني عن الرقية صار معاي كسل مو طبيعي …
وان شاء الله هالمرة ناوية رقية واستمر فيها بإذن الله
هدى الناصر الزكري هذي رحتلها مرتين مرة العام باجهاضي اللي قبل الاخير وساعدتني بعد الله بإنه ينزل ويصير جاهز للتنظيفات والاخير رحتلها لنفس السبب وما نزل وايد البيبي وتعذبت بالتنظيفات والحمدلله ..
والمرة الاخيرة عطتني كامل التحاليل للاجهاض 80% مسويتها من قبل بس قلت باعيدها ووديها لها وبياشوف شتقول ؟؟
ومادري تفيد اهي بالتوائم والا تتفلسف وخصوصا بتحديد الجنس مادري تساعد والا لأ؟؟
عشان جذي قلت اشوف شتقول عن الاجهاضات اول وبعدين اشوف دكتورة ثانية حق تحديد الجنس والتوأم …
وانا والله راضية بواحد بس قلت اجرب بالتوأم عشان التنظيفات عذبتني وارتاح فترة طويلة واذا الله قسملي هالتوأم وما قسملي غيرهم اكون الحمدلله سويت اللي علي واوقف والحمدلله على رزقه
اتمنى تكونين فاهتمني ..