ابى ولدى يحب الحضانه اشلووووووووووووووون

بنات انا تونى دششت ولدى الحضانه واهيه حضانه وايد زينه
بس ولدى ليش تعود على البيت الحين ما يبى الحضانه وكل ما ايي يقول مابى سكوول
مع انه اليهال الى بصفه وايد زينين الا اهوه من الحنه
وكل ما اوديه الصبح لازم هالبجى والنواح من الصبح
مادرى على يوم ادششه واخليه يبجى بكيفه لانى كل يوم اقعد معاه ربع ساعه ليما يلهى واطلع (انحاش)

ابى الحلللللللللللللل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

عادي وكل اليهال جذي وياخذله على هالحاله من اسبوع لي اسبوعين وبعدين راح يفهم انه البجي ما منه فايده وانه الحضانه وناسه وبتلقينه يدش بروحه بعد بس صبري عليه شوي بس هاا لا يكون يكسر خاطرج وتهونين وتردينه البيت معاج .

لا لا ما يكسر خاطرى لانى حاطة في بالى اني قاطه فلوس ولازم يداوم وانا ابيه بعد يداوم عشان يتسنع
ومشكوره منارة على الرد

عاددي

خلية يبجي مثل بنتي بعدين يتعود مع الاياام
وانتبهي لا تقعدين وياه وصلية الحضانة وطلعي

انا كلامي من كلام البنات كل اليهال جذي لانهم مو متاقلمين ويمكن ولدج شوي مو اجتماعي يعني مو من النوع الي يختلظ مع الجو بسرعه فيبيله صبر شوي
وحاولي انج تشجعينه شوي يعني مثلا كل ما راح الحضانه يبيله على طلعته ككاو ولا حلاو او هديه ليمى يحبها من كيفها

دشي معاه وقوليله انج بتمشين عندج شغل وبتردين تاخذينه بعدين (لا تهدينه وتمشين بيخاف زود)
بعدين امشي وخليه حتى لو يبجي قوي قلبج بيتم فترة جذي وبيتأقلم بالكثيييير اسبوعين
انا حاشني اكتئاب لما دخلت بتي كل يوم تبجي ونفسيتها تعبت ولازقة فيني بالبيت وصارت خوافة بس كلها فترة وتعدي الحين لما أغيبها تبجي وتشيل الدنيا فوق راسها تبي ترووح الحضانة اونس لها