ابله: ترى اكرهه هالابله مصريه قصت علينا وقالت لنا انها كويتيه وكلا تكلمنا كويتي

يااااااااااااااااااااااااااااااااااااا شين السرد على البقر

اليوم في الفرصه وانا قاعده في القسم دخلو شلة طالبات

يسألون عن ابله قتلهم الابله الفلانيه بالادارة

بعدين قامو يسولفون معاي عن امتحانهم وبعدين عن عطله سالفه تير سالفه

ووحده من الطالبات تتكلم واهيا متردده وتقول :ابله ودي اقولج شي بس امانه لاتقولين للابله الفلانيه

قتلها: لاتخاقين مااقولها وعد خير انشالله شفيج؟

تقول : الابله الفلانيه كويتيه؟

قتلها: لأ مصريه

وتقول الطالبه: ابله ترى انا قبل كنت احبها الحين كرهتها هالابله قصت علينا وقالت لنا انها كويتيه

أنا انصدمت قتلهم صج قالتكم انها كويتيه

تحلف وتقول بعصبيه الابله الفلانيه ليش كلا تتكلم كويتي مادامها موكويتيه

قتلها: يمكن علشان تفهمون عليها

والطالبه تقول : شمعنه معانا تكلمنا كويتي وهذيك المره لما الناظره ياتلنا الصف سمعتها تكلمها مصري

بس ماصدقت روحي قلت يمكن انا سمعت غلط

وليش الابلات المصريات يكلموني مصري الا اهيا وليش تجذب عليا وتقول انها كويتيه

ولا تنط وحده وتقول ابله انا حسيت انها موكويتيه ساعات تقول كلمات كويتيه بس بطريقه مصريه

وساعات تقول كلمات مصريه بالغلط

قتلهم: انتو الحين شتبون بجنسية الابله شعليكم منها اهم شي انكم تتعلمون وتنجحون

ولا وحده ثانيه تقول: انزين اهيا ليش جذب ابي اعرف وليش تقلد حجينا

شوي ولا الابله تيي والطالبات يصدون عنها ويعطونها ظهرهم ويمشون

وانا اطاااااااااالعها ودي اقولها ليش تجذبين على البنات وليش تتكلمين معاهم كويتي

يعني من زوووووووووووود حبج لهم تكلمينهم كويتي

لو صج تحبينهم تشرحين عدل وتدرسينهم عدل مثل الاوادم

ولا تقلدين الكويتين بس بالستايل والحجي المكسر ودي اقولها جذي

بس في شي يقولي مالج شغل ابعد عن الشر وغنيله

انتو شراااااااااااااااايكم ؟؟؟ بهالظاهره اليديده

في مدرستي القديمه كانت في ابله تكلم الطلبه كويتي بس ماتقلد ستايل الكويتيات

وتجذب على الطالبات واولياء الامور

مادري شقول

بس أذكر فيه نفس السالفة كانت ابلة مصرية تدرسني كنا نظن انها مصريّة وكانت تقول أنا مصرية

بس اكتشفت انها كويتية لا ومطيريه بعد

نفس سالفتج بس العكس ان هالأبلة ماكانت مفتخرة بأنها كويتيه

ويييييه يمكن عشان تاخذ راحتها او حطى ابلها انه البنات يحترمون الابله الكويتيه اكثر ؟ ما يندرى .. و صج مالكم شغل لو تحجى كويتي من الحين لي باجر هم ما يفرق

مادري شقولج بس في بعض الطالبات لي شافو الابله مصريه شوي يمصخونها على ابو مو كويتيه ويبدعون فيها ويمكن مقدمه عالجنسيه وناطره دورها

انا اشوف الموضوع عاااادي
شصار يعني
احنا لي سافرنا بره ممكن نتكلم بلهجة البلد
واهي تبي تتدرب على لهجة البلد

حدا ما فيها شي
شنو حرام يعني؟ والا الكويتية احسن من غيرها؟

انا عندي حلال عليها يبا خل تتكلم كويتي والا لبناني عادي المهم الشرح يوصل للبنات

لا تعطين البنات ويه يتمادون ع الابلات والمفروض تكلمينهم ان عيب يصدون عن الابلة ..وين احترام المعلم؟

صح كلااااااامج المفرووض ماتعطين البنات فرصه ياخذون راحتهم

لا والله وع مااحب
مااحب البنت اللي تنكر اصلها وعندنا دكتورة عراقية تتكلم كويتي تغثني
على قولتج عسولة ياشين السرج عالبقر هههههههههههههههههههههههه

هالابله ادرس حاسوب؟

هذا اللي كنت بقوله بالضبط ..

احس طالباتج مستانسين عليج تسمعين حشهم بزميلاتج .. و ما اعتقد انهم يكلمونج لانهم يحبونج .. اهم يكلمونج بهالحجي لان عارفين انج تحبين تسمعين حشهم بزميلاتج .. !! و ما اعتقد حلوه بحقج و لا بحق الابلات … و تأكدي مثل ما هالبنات يسولفون لج .. اكيد راح يلقون ابلات يحشون فيج معاهم و يؤلفون عليج قصص ..

و المثل … يا شين السرج !
و ما اعتقد انه مناسب نطلقه على اخوات و زميلات لنا بالمدرسه ..

و لا اعتقد هالسالفه ممكن نسميها ظاهره .. وين و وين نلق ابله وافده تتقن اللهجة ..

اتمنى ما يزعلج رايي …

أول شي لي ملاحظة على المثل اللي استشهدتي فيه….ما يصير نتكلم جذي عن زميله لنا

ثاني شي …شنو يعني تحجت كويتي ولا تكلمت بلهجة أهل البلد…أغلب المدرسات الوافدات جذي ..يحاولون يتحجون كويتي ..شنو المشكلة !!!

الحجة اللي بينج وبين الطالبات اهي …هل هالمدرسة توصل لكم المعلومة ..وتفهمكم ولا لا ..بغض النظر عن ستايلها ولا كلامها..

لا تزعلين حبيبتي مني ..بس المفروض توقفين البنات عند حدهم وما تسمحين لهم بالتطاول على مدرسة من مدرساتهم …لها تقديرها واحترامها مهما كانت جنسيتها ..

لاتغليق

احس انه شي عادي وبن المشكلة؟؟

مثل ما قالوا البنات يمكن شايفه انه الطالبات يحترمون الكويتيه اكثر وهالشي واقعي كنا نشوفه على ايام ما كنا طلبة

او يمكن المرة مولودة بالكويت وتتحجى كويتي يا كثر اللي يتحجون كويتي امثال الفنانين اللي يطلعون يتحجون احسن منا

والمفروض ما تعطين الطالبات مجال يتحجون بهالسوالف اهما يايين يدرسون والا يحشون ؟؟
المفروض ما تعطينهم ويه بهالسوالف

والمثل اللي قلتيه مو بمحلة بالعكس احنا نفتخر انه الناس قاموا يهدون لهجتهم ويتحجون بلهجتنا

والمثل غلط اهوا ياشين السرج مو السرد

وسامحيني عالاطاله بس والله ابيلج الخير

الواحد مو ناقص ذنوب واثام

نفس رايي

ماقلتولي

شرايكم بتصرفها لما قصت وجذبت على الطالبات وقالتهم انها كويتيه؟

وشرايكم بهالظاهره اللي مسويه حق روحها بروستيج بالجذب والخداع

تقلد الكويتيات بالحجي واللبس

يعني تقلد القشور

اذا صج تحب الكويت المفروض تحب الطالبات وتدرسهم عدل

ههههههههههههههههههه هذي وين تدرس باي كلية ؟ وباي جامعه؟

ذكرتيني بدكتور سوري يكلم الطلبه كويتي والطلبه الكويتين يردون عليه بالسوري ههههههههههه

انا بعد مثلج مااحترم اللي ينكرون اصلهم اللي تنكر ديرتها موصعب عليها

تنكر اهلها ونفسها والناس اللي من هالنوع مامنهم امان