ابـــرة الظهر

السلام عليكم

شخبااارك بنوتات

حبيت اسالكم ياا وترللي مجربين ابرة الظهر؟؟

انا واصله وداخله شهري صارلي اسبوعين وهذي اول حمال لي ودكتورتي تقولي كل ما جت تفحصني اني ما راح اساعدهم بالولاده لاني حساسه حيل ومن هالكلااام وقالت لي بدال لا يلعبون فيج ويسون فيج خرايط طقي ابرة الظهر وترى ما منها اي ضرر لج تى بالنفاس

فشرايكم يا بناااااات

منو جربت هلاابرة وشنو تنصحوووووووني

عفيه ردوا على بسرعه لاني وااااصله بقرر اطقها ولا لا ؟؟؟؟

نصيحه مني لج لا طقينها لان امس سمعت عماتي يسولفون عنها يقولون تسبب شلل بعدين الله يكفيج شره

وقتها الله بيسهل عليج لاتغامرين

فيه موضوع مشابه لموضوعج
والبنات رادين عليه سوي بحث

يقولون صح تسبب شلل حق اللي يغلط فيها وما يعرف يطقها

بس اعرف وحده طاقتها الحمدلله عدت على خير وتقول ما منها اي اذى بس البنات ما يقولون كل شي يعني من برى سمعت انها تأذت بانفاسها منها

ابي وحده مجربتها وتقول لنا نتايجها بالضبط

ومشكووووووووووره يا مملووووحكه على النصيحه والله يسهل انشاءالله

جاري البحث عن الموضوع انشاءالله القاه اليووووم بس

ومشكوووووووره يا ملاك هدية على الرد

أهلييين حبيبتي .. الله يسهل عليج ..

آنا ماخذتها و الصراحة أحس هالإبرة رحمة من الله

كنت داشة المستشفى و ألم الطلق ذابحنى شي مو طبيعي

بس من حطوا لي الإبرة صرت جني جذابة ماااافي ألم

أساسا ما تحسين بنصج التحتاني – مع إن هالشي يضايق

مثل ابرة الأسنان – بس والله رحمة .. آنا أنصح فيها

و الله الحافظ ..

ولو ماسويت شي
انا الحين في مستشفى العدان وفي اي لحظه بقولون ياللله ولاده وبيحطون لي طلق صناعي
وشكلي بطق ابره الظهر

مشكوووووووووره اختي بنك على الرد

سمعت انا ما ادري انها ما تاذي بالولاده وتهدي بس عوارها يطلع عليج بالاربعين دبلااات صج هالحجي

وملاك هديه اله يعينج على العداان ويسهل عليج يارب انشاااااءالله

اقتباس:

سمعت انا ما ادري انها ما تاذي بالولاده وتهدي بس عوارها يطلع عليج بالاربعين دبلااات صج هالحجي

يمكن على طبيعة الوحدة .. آنا ما حسيت ألم بظهري خصوصا مكان

الابرة .. كان فيني ألم العادي مال العادة لما تحسين بطنج و ظهرج

يعورونج .. بس أختي بعد ولادتها حست بتنميل بواحد من فخوذها

و صارلها 7 أشهر ليلحين ماراح قال لها دكتور التخدير يبيله شوي

وقت على ما تتجدد الخلايا – ترى آنا ولدت بعدها و ما تعقدت – و حتى

بنت خالتي طلعت من الناس اللي 20 % تحوشهم حالة إن نصهم يتخدر

و النص الثاني لأ .. بس تدرين أختي و بنت خالتي على اللي صار فيهم

ما ذموا و شجعوني إني آخذها و خذيتها و الحمدلله ما صار لي منها أي

أعراض جانبية و إن شالله إنتي .. توكلي على الله و ترى ما في شي كامل

حتى الكمام في بنات ما يأثر فيهم كللللش سبحان الله .. موفقة حبيبتي و

الله يسهل عليج

انا ما انصحج فيها اذا مخاطرها قويه وشلل وبلاوى وتنميل 7 شهووور؟؟؟؟؟؟؟؟ لايبا انا عندى اتحمل الم جم ساعه ولا اتحمل الم 7او9شهور ::::::: ونصيحتى لج صلى استخاره وشوفى شيصير معاج

يعطيج الف الف عااااافيه على المعلومات

وصج كنت خاااايفه ومتردده بس شجعتيني شوي همن التخدير الفخذ يخرع بس

مافيه الا استخير ربي وانا شاااكره لج ردج ومعلوماتج القيمه

ما انحرم منكم يا بنات المنتدى والله يوفقج دنيا واخره
والف شكر

الجازى اخذى ابره الظهر وتوكلى على الله انا ماخذتها بولادتى لا تسوى شلل وماله شغل بالشلل توكلى على الله وانا انصحج سمعى كلام دتورتج ومالج شغل بالحجى وبالنسبه للعوار بالنفاس انا ماحاشنى الا مكان الابره شوى بعد لازم وراح والحمدالله مافينى الله العافيه

اي والله شكلي بمشي على كلام الدكتور ولا يسووون فيني خرايط من تحت

وعلى قولتها محد يحس بالعوااار غيرج وانت ادري بنفسج

وانا اعرف نفسي ما اساعد اذا فحص عااادي اجنن الدكتوره والممرضات

شلووون بالولاده ؟؟

مشكووووووووووووره وسوووومه وما قصرتي

والله يوفقج ويخليج لعين ترجيج ياربي

وما انحرم منكم يارب

انا خذيتها وماحاشتني اي اعراض الحمدالله ولا حسيت بعوار بس سألي عن الدكتور اللي بيعطيج اياها

السلام عليكم

اختي الله يهون عليج ويسهل ولادتج

حبيبتي انا توني والدة ونفاس الحين وبصراحه ابره الظهر نعمة من رب العالمين

والله بداية الامر وانا بالمستشفى رفضت اخذها بس لما حما الطلق وجربته قلت لااااااااااااااااا خل اجربها والله والله زوجي يقول لي ما كان من الاول ماخذتها ولا العذاب اللي تعذبتيه 4 ساعات عاندت و8 ساعات لين ولدت ولا احس بشي والحمدلله على كل حال