إلي عيالها بمدرسه خاصه تدخل ضروووووووووووري

شلونكم خواتي …. إن شالله تكونون بخير

بنات عندي بنت بتدخل الروضه وإسم الله عليها وايد فطينه ومخها نظيف ومتحسفه أدخلها حكوميه وياليت إلي مجربه مدرسه زينه تقولي لأن المدارس شكثرها….

وياليت تقولي بجم الكورس أو السنه وشلون تدريسهم وبأي منطقه المدرسه….

ومشكورين مقدما…

حبيبتي يعتمد على ميزانيتج !!!!
والمنطقة اللي انت ساكنه فيها!!!!

اي والله وانا بعد اشاركج السؤال اذا سمحتي لي …. انا بغيت بالمناطق الداخلية يعني مو سلوى لان وايد زحمة ووويع وعلى جم الاسعار وشلون التسجيل

حياج حبيبتي شاركيني السؤال….. شدعوه بنات محد مدخل عياله مدرسه خاصه !!!!!!

نصيحة أخت التأسيس عند المدارس الباكستانية وبعدين إذا وصلت الصف الرابع أو الخامس

وما عجبج الحال حوليها المدارس الأمريكية ، أما المدارس الحكومية يحبطونها وما منها فايدة

جربي الابداع الامريكيه وايد زينه وقويه

هذا سايتهم https://www.aca.edu.kw/kg/index.htm

شوفى إختى …عيالى دخلتهم الإبداع ….صج بحولى ..لكن تطلع روحج من الزحمة ترا ………….

ولدى العود دخلته كويت إنجلش سكول بسلوى ..سنة وحدة بس …و نقلته بسبب الطريج …المدرسة و المنهج و للستاف مسكت ..ما عليه كلام ..بس قطع قلبى الطريج ..حسبت حولى أريح …طلع العكس والله

بس الإبداع مو شينة ..بس مانى بالعتهم كلش .

انا كنت حاطه بنتي بالتكامل اللي بصباح السالم

بعدين طلعتها و حطيتها بالاكاديمية الامريكية للبنات

بالنسبة للتكامل : التدريس على مستوى و امانة المدرسة نفسها و الشي لاحظته من رفيجتي اللي كانت وايد تشتكي من مستوى بنتها بنفس الوقت انا بنتي كان مستوى تحصيلها حلو لان مدرستها كانت زينة و امينه

الاختلاط كان مضايقني نفسيا خاصة وان المدرسة فيها كل المراحل لي الثانوي

مرة كنت رايحة اعطي بنتي جاكيتها شفت بحمام البنات مال الروضة شباب الثانوية
منحاشين من حصتهم ولما رحت و اشتكيت بالادارة قالوا لي مو معقوله ما حصل !!!!!!!!!!!!!!!!!!!!!!!!!!!!!

من هالموقف قررت اشوف حق بنتي مدرسة امريكية للبنات فقط

و الحمدلله قدرت انقلها على اولى ابتدائي

و اهي الحين الله يحفظها بثانية ابتدائي

واي سؤال انا حاضرة

و هذا رقم المدرسة لاي استفسار

5639614

مدرسة دسمان ثنائية اللغة

والأكاديميه الأمريكيه للبنات بأي منطقه وجم أسعارهم لأني ماأبي إختلاط أتعب نفسيا وأخاف على بنتي ومشكوره حبيبتي ماقصرتي

الاكاديمية الامريكية للبنات بمطقة سلوى

ورى الجمعية – خليني اتاكد لج من العنوان بالتفصيل بس عموما اذا رحتي هناك صوب الجمعية

وسالتي ماراح تضيعيين

بالنسبه لاسعار السنة اليديدة والله ما عندي فكرة بالضبط لان الاسعار تتغير

وهذه المدرسه للسيدة عادلة الساير و حماتها بنت المضف

و الادارة حازمة و النظام واضح بهالمدرسه

في اليوم اللي كنت بنقل بنتي حق هالمدرسه سالت وحدة من الامهات عن المدرسه ومستواها ردت علي ان اهي عندها ثلاث بنات كانت حاطتهم بمدرسه اجنبية بحولي كان فيها مدرس يلم البنات من تحت و يقرصهم من ورا!!!

وكانت اهي متعقده من هالسالفة و ردت على سؤالي انا ما يهمني المستوى كثر ما يهمني اني اتطمن على بناتي وقالت لي عالاقل لما احطهم اهني خل وحده اهي اللي تقرصهم مو واحد!!!!!!!!

عموما اذا زرتي المدرسه و نويتي حطي اسم بنتج من الحين لان المدرسة عليها ضغط

واحتمال يقولون لج مافي اماكن خلي اسم بنتج على الويتنج لست و ضبطي لج وحدة من بنات الاستقبال

علشان تساعدج واخذي النماذج و عبييها و قدميها لهم والله يوفقج ان شاء الله

سمعت انا المدرسه الأمريكيه للبنات ….وايد فيها سالفه المظاهر بين البنات والماركات والى ما تلبس اهيه الفقيره

,,,,,وبعد فيها وايد بنات بويات الله يستر منهم

والله إحترنا يابنات نخاف على بناتنا من الصبيان والرياييل وألحين تخافين عليهم من البنات نفسهم وهالبويات ….. بس المشكله البويات حتى بالحكومه شكثرهم الله يحفظ بناتنا من كل شر

شكلي بروح لها أشوفها وبحط إسم بنتي وبمر على دسمان هم يمدحونها والله يكتب إلي فيه الخير

علشان اكون واضحة سالفة المظاهر موجودة بالديرة كلها و عند الامهات قبل البنات

و المدرسه فبها بنات تجار و شيوخ فشنو متوقعين ييلبسون بناتهم؟! اكيد ماركات !!

و سالفة البويات بالمدرسة بصراحة ما سمعت عنها بس للامانة ما اقدر

اقول لج لا مافي لاني اسمع انها منتشرة بمدارس الحكومة

عموما اهم شي تربيتج لبنتج و المدرسة فيها بنات عوايل محافظة و محترمة و راقية جدا

اذا كلمتي بناتهم يردون : اول اسال امي او تقول لج لا انا امي ما ترضى اروح اعياد ميلاد

و البيت اهو الاساس و الله يوفق الجميع