|
|
السلام عليكم ،،،
إذا بغيت أسوي حقن مجهري على حساب الصحه داخل الكويت شلون الطريقه بالتفصيل وشنو الشروط إلي يوافقون عليها ياليت الي عندها فكرة ترد على والله يرزق الجميع ويوفقكم
هلا اختى انا الصراحة من النوع اللى اطلع على المنتديات بس مااشارك ولما قرأت موضوعك حبيت اساعد انا حاليا اتعالج على حساب وزارة الصحة داخل الكويت طبعا اول شى لازم تقدمين طلب لجنة علاج بالخارج من المستشفى اللى تعالجين فية
انا بالصباح وعندى ملف طبعا اللجنة تاخذ وقت انتى وحظك وبعدها يعرضونك لى اللجنة والصراحة اهم مايوافقون على طولوعندهم شروط منها سنوات الزواج والعمر وعدم وجود اولاد وعدم وجود العلاج بالحكومة واللة يوفقك بعد مايوافقون تختارين المستشفى اللى تبين ولج محاولتين انا الحين المحاولة الثانية.
الخطوات ك التالي:
تقرير طبي من اي مستشفى تراجعين فيه بحالتج سواء مستشفى خاص او حكومه ، بعدها تروحين العلاج بالخارج مكتب رقم 2 لجنة العقم عند الاخت/مي ولازم تاخذين معاج تقرير طبي مثل ماقلنا و بطاقة الزوج و الزوجه و من البطاقه المدنيه بيان حالة العائلة عشان تثبتين ان ماعندكم عيال و عقد الزواج..
طبعا الشروط اللي يوافقون عليها ك التالي:
مرور سنتين على الزواج و عدم وجود اطفال و العمر اقل من 37 و سبق ان عالجتي سواء بالحكومه او بالخاص
راح يعطونج ورقه تروحين مركز الغانم للاطفال الخدج الدور الثاني (ورى مستشفى الولاده) وراح يحطولج موعد لجنة و عادة يكون بعد شهر
و باللجنه يقابلونج 3 دكاتره يكونون قارين تقاريرج مسبقا و يخيرونج بين المستشفيات الخاصه،، و راها باسبوع تستلمين قرار اللجنه و اتمنى من كل قلبي انهم يوافقون عليج يارب و الله يرزقج يارب
وانتي يابعد قلبي يافلنسي نايت عسى الله يوفج ويبارك فيج والله ماقصرتي كفيتي وفيتي الله يجزاكم كل خير
أنا المشكله عند زوجي والحاله كل مالها تدهور والميزانيه تعبانه والعمر يركض سويتها قبل سنتين والله رزقني بنوته بس الحين طمعانه ابي اخوان لها ان شاء الله تمشي امورنا
تستاهلون
ويحقق اللي في بالك
اتمنى البنات يفيدونك
لانه ما عندي فكرة صراحة
المرة الأولى رفضووووووووو لأن عندي ولد وبنت مع ان صارلي 8 سنين وما في اي سبب يمنع الحمل
والمرة الثانية للحييييييييين بواسطة وبنشوووووووووف