|
|
هذا الخبر قرأته بالجريده
رئيسات الأقسام في مدارس وزارة التربية، تناشد وزيرة التربية النظر إلينا بعين الرحمة والرأفة والزمالة، فنحن مدرسات، وأصبحنا مع مرور الزمن وسنوات العطاء رئيسات أقسام في مجال تخصصنا الدراسي، وأصبحت لدينا أعباء تفوق مجال التدريس، من حيث المتابعة اليومية للمدرسات، وكتابة التقارير، وحضور الدروس النموذجية، وزيارات المدارس الأخرى، والأهم من ذلك المراجعة شبه اليومية للمنطقة التعليمية للجلوس مع الموجهة لأخذ التعليمات الجديدة التي تأتي من الوزارة، فتجدنا طوال اليوم في عمل مستمر، ومع هذا قررت معالي وزيرة التربية بضرورة قيامنا بالتدريس مع بداية العام الدراسي الجديد، وهذا معناه زيادة الأعباء علينا وأصبحت مسؤولياتنا مضاعفة، ولا نعرف كيف نتصرف، فنحن علينا التدريس ومتابعة أحوال المدرسات وكتابة التقارير والاجتماع مع الموجهة وزيارة المنطقة التعليمية والجلوس أسبوعيا مع الناظرة والوكيلة لاعطاء تقرير مفصل وأخذ التعليمات، فهل ترضى معالي الوزيرة بكل هذه الأعباء تجاه زميلاتنا في المهنة؟ خاصة وأنها تربوية وتعرف معاناة زميلاتها المدرسات، ولهذا نتمنى ان تتفهم الظروف الصعبة التي وُضعنا بها وايجاد حل عملي لهذا القرار الذي لا طاقة لنا به.
التوقيع:- رئيسات الأقسام
اشرايكم تراسلون الوزيره علي موقعهابوزارة التربيه((https://www.moe.edu.kw/ ))وتطرشون لهاهذه الرساله
مالكم امل احد يرد على هالنداء…لأن قبله مليون نداء استغاثة ومحد رد………
وتستمر المهزلة…..ونيقى مظلومين…..سواء أبلة عادية ولا رئيسة قسم…..دامنا مدرسات
والله يكون بعون الجميع
سلااااااااااااااااااااااااااااااااااااام
.gif "Eh S(14)")
والرساله هاذي موجوده في جريده القبس وانا حطيت الموضوع عشان رئيسات الأقسام يناشدون الوزيره
الله يعينهم يافرحة ما تمت صج والله يتعبون وبعد يدرسون
.gif "Eh S(16)")
بعد هالمرة يدرسون….
هم عندهم خبر من العام الدراسي اللي طاف
واحتجو….وقالو….وللأسف ما من مجيب
يعني الله يعين الجميع….والله اللي بالمدرسة صج صج احسهم مايدرون عن شي الإدارات…..عالم ثاني….
مالهم شغل بالقرارات اللي تحوشنا ((لهم شغلهم))….بس مو نفس شغلنا…..احنا هناك والله نكرف كرف ونموت ونحيا….ويتشرطون على روسنا ويتفلسفون المديرات….جن خدم أهلهم واحنا ماندري
والمدرسات الأوائل وا علي عليهم…..مطراش…..رايحين رادين…..
ماكو تنسيق….يعني انا عندي اقتراح…كل مدرسة أولى لازم معاها قائمة بأعمال….نفس ما الناظرة عندها بدال الوكيلة وكيلتين……
جذي احسن شي…..عشان يتنسق العمل……ولا هال3000 اللي توه يايبينهم من ديرهم سنو بيسوون؟؟؟؟؟؟
يعني بصراحة كثر مانتكلم…..بس يطبقون بدون دراسة…وماكو فايدة من الكلااااااااااااام
جم مرة فكرت استقيل….والسبة الوزارة التعبانة
ولا مرة حسيت اني صاحبة شهادة جامعية….احس روحي انا والفراشة نفس المستوى المهني…..الفرق…اني اتكلم عربي انجليزي….
والله انا وايد وايد وايد منقهرة ومعصبة…..ومتظايقة…..بس شسوي…مابيدي شي ثاني..
ولا احد بيده شي….
وأنا ترشحت لرآسة القسم 4 مرات ورفضت لأني أدري اني راح اتعب أكثر وأنا ما أحب الاحتكاك مع الادارة والتوجيه
والله ان السنه اللي فاتت اجتمعت الناظره برؤساء الأقسام وقالت عطوني اقتراحاتكم على الحصص المسانده وبعض رؤساء الأقسام فالوا المفروض احنا ندرس (بس مجموعة الضعاف والبعض سكت خاف انه يرفض) بس رئيسة قسم وحده اللي قالت شتحجون انتو رئيسة القسم مضغوطه حدها بتابع المعلمات ولا التلاميذ ولا شنو والكل عارضها وكأن رايها ماله اهميه بعدها انقلت الناظره اقتراحاتهم لوزيرة التربيه
نبي رآي رئيسات الأقسام يعطونا رايهم
ما شفت ولا تعليق لهم
الظاهر هم راضيييييين علي الوضع
واقولها راح يطبق صوريا لان اصلا انا عندي زياده مدرسات وجداولهم مخفضه مو معقوله اناوكل المسؤوليات الي علي وادرس
والحمدلله الناظره موافقه ومقدره