إلغاء الحصص المسانده في اجتماع التوجيه!

السلام عليكم

وكل عام وانتم بخير

انا بصراحه طافني اجتماع التوجيه (انجليزي) لظروف خاصه بس سالت ناس في منطقه الفروانية

وعرفت ان الحصص المسانده الغوها …لكن للاسف اللي عرفته ان رئيسة القسم اهي اللي تتولى

الاهتمام بالطالبات الضعيفات و اعطائهم حصص

سؤالي:

متى يمديها تتابع كل ضعاف المدرسه؟

قالولي اني اختار معلمات متميزات و اعطيهم بعض الصفوف بالاضافه الى اني اشيل معاهم مثلا الضعيفات في ثانية

موجهتي قالتلي نصابي خمس حصص بالاسبوع وانا رئيسة قسم

سالت رئيسة قسم ثانية في منطقه تعليميه ثانيه قالت اهم ماقالولج ان الحصص المسانده لغوها بس أكدوا ان نصابج 5 حصص

المهم هذي نقطه و الاشياء الثانية شكثر

اكو حصه مكتبة و الحصص التكاملية و الاختبارات موحده من التوجيه و المدرسة ووهناك ورقة تعهد للابلة و رئيسة القسم اللي يتأخرون عن المنهج (لان الاختبارات موحده)

اكو مشورع مفكرة الطالب عباره عن دفتر يكتب فيه الواجبات عشان ولي الامر يعرف شنو الواجب اللي لازم يسويه الطالب

بليز بليز الله يجزاها خير اللي تقدر تعطيني اي معلومات عن المستجدات اللي صارت في اجتماع التوجيه

وعساكم من عواده

كل كلامج صح
نصابج من الفصول المسانده 5 حصص بالاسبوع ويكونون من اولى وثانية فقط يعني تدرسين بس مساند ما تمسكين صف
الزايد من هالمرحلتين تمسكهم ابلة متميزة يس شرط يكون نصابها 10 حصص
اما ثالثة ورابعه وخامسة يمسكونهم ابلات متميزات نصابهم 10 حصص
وبالنسبة لمفكرة الطالب مطبقة بس على مدارس معينه لان الفكرة للحين تحت التجربة
هذا اللي فهمته منهم

كل الكلام اللي ذكرتيه وذكرته raw
مضبوووط
أولى وثانيه انتي تمسكينهم .. وثالثه ورابعه وخامسه ابلات متميزات من قسمج ..
يكون نصابهم 10 حصص ..
بس بشرط ما يزيد نصاب الابله على 15بما فيهم ( حصصها الاساسيه و حصة متابعه الضعاف ومهارات الحياة )
مهارات الحيااه لرابعه وخامسه ..
تكون حصه بروحها غير الحصص الاسبوعيه للمنهج تعطي اما ابله الماده اذا كانت 10 حصص أو اي ابله ثانيه نصابها 10 حصص تكون تدرس اما رابعه أو خامسه
ما يصير ابلات أولى وثانيه وثالثه يدرسوون مهارات لرابعه وخامسه ..
يعني مو شرط الابله تعطي صفها ماده مهارات الحياه
حصة المكتبه .. التوجيه راح يوفرون قصص راح تكون حصه كل اسبوعين عباره عن قصة قراءة للقصه لها تحضير وانشطه بس للحين ما وفروا التوجيه .. يعني مو الحين تبلشين فيهم بس تكون عندج فكرة ..
ورابعه وخامسه امتحاناتهم الفترة الاولى والثالثة من المدرسة الثانيه والرابعه من التوجيه
ويكون ورقه تعهد تكتب للأبلات عساس يتعهدون أنهم يخلصون المنهج لان الامتحانات من الوزارة ..
وبس تعبت

واذا تبين اي سؤال أنا حاضرة

بعد قلبي ماقصرتو

بس مدرساتي نصابهم مع مهارات الحياه راح يكون اكثر من 10

وانا اشيل كل الحصص المسانده من صفوف اولى و ثانيه والا اجمع الطالبات الضعيفات من كل اولى في صف و الطالبات الضعيفات

من كل ثانيه في صف و يصير عندي صفين !!

قاعده اراجع كلامكم …ومعناته ان الحصص المسانده مالغوها!!

انزين الاليه و التطبيق نفس قبل يعني يقسم الصف الى 3 مجموعات وكلهم لهم اوراق عمل مختلفه والا لانهم ضعاف فالاوراق وحده

الله يهداها موجهتنا ادق عليها حتى ما ترد ولاني لاقيه احد يفهمني

بليز لا يوقف

ابي اعرف كل شي و كل المستجدات انا في منطقه تعليميه جديدة علي و ماعندي احد اعرفه هناك

والوضع اصلا جديد علي

ياربي تفرجها من عندك

اضافة لكلام حلوى ورهش اللي كله مضبوووووط
مهارات الحياة الفترة الاولى فقط لخامس وباقي السنه ما كو شي
ورابعه الفترة الثانية وباقي السنه ما كو شي

يا حياتي و الله ماقصرتو

بس لحد الحين حاسه اني ضايعه مادري ليش

عادي كيتي
انا نفس احساسج

التوجيه رمى الكره بملعبنا وشال ايده

لكن ان شاءالله سهالات